Vet kabeljou vat Koos se hoek

Leon Krauze van Leon's Tackle Shop het Saterdag die Hentiesbaai-­kuierdag-hengelkompetisie aangebied waar Koos Nel (op foto) 'n bielie­ van 'n kabeljou (17,4 kg) vir die eerste prys uitgetrek het. Vanessa Hardy­ se kabeljou van 16.8 kg was kort op Nel se hakke terwyl Warren Theron­ se steenbras van 12.8 kg die swaarste in sy afdeling geweeg het om die algehele derde plek in te palm. Anelmi Fourie (1.5 kg) spog met die swaarste galjoen. Inskrywings was gratis en hengelaars het verskeie pryse ­gewen. Foto Verskaf