Vir ewig en vir altyd

Die voormalige Mej. Namibië, Steffi van Wyk, het verlede Dinsdag aan Clint Brink trou beloof. Hy is ’n bekende Suid-Afrikaanse akteur, sanger en fiksheidsfiguur, wat ook die rol van dr. Steven Abrahams in die kykNET-sepie Binne­landers vertolk. Die troue kom minder as ’n maand nadat hy haar in Randburg om haar hand gevra het. Steffi het ’n foto van hul hande met die splinternuwe trouringe op haar Facebook-blad gelaai, waarna gelukwensings ingestroom het. Hulle het die knoop in Suid-Afrika deurgehaak. Foto Verskaf