Visumstempel word nou plakker
Stempels is glo onbetroubaar en maklik om in onwettige praktyke te gebruik.
Tanja Bause – Die ministerie van binnelandse sake en immigrasie gaan voortaan plakkers as visums en permitte in jou paspoort aanbring, in plaas van die gebruiklike rubberstempel.
Volgens die uitvoerende direkteur van die ministerie, mnr. Etienne Maritz, het die stempels weens bedrog een van die grootste uitdagings van ons tyd geword.
Stempels is glo onbetroubaar en dis maklik om toegang daartoe te verkry, dit te reproduseer en in onwettige praktyke te gebruik.
“Elke jaar kry ons met vervalste stempels te doen, wat lyk soos dié wat die ministerie vir werkspermitte en permanente verblyfpermitte gebruik. Dit is hoekom ons nou visum- en permitplakkers met ingeboude veiligheidseienskappe gaan gebruik,” het Maritz gesê.
Die plakkers kom in vyf verskillende kategorieë en kleure.
Groen plakkers is vir buitelandse burgers aan wie permanente verblyf in Namibië toegestaan is se permanente verblyfpermitte (PRP).
Blou is vir werkspermitte (EP) en tydelike verblyfpermitte (TRP) van buitelandse burgers wat in Namibië werk, asook hul gades en afhanklikes.
Korttermynwerkspermitte aan buitelandse burgers wat vir ’n kort tydperk in Namibië mag werk, word met ’n bruin plakker aangedui.
Buitelandse studente wat opleiding in Namibië ontvang, kry geel plakkers in hul paspoorte om hul studiepermitte (SP) aan te dui.
Rooi is vir toeristevisums, mense wat sakegeleenthede kom ontgin of vergaderings bywoon, of vlugtig deur Namibië beweeg.
“Die implementering van die visum- en permitplakkers sal in twee fases plaasvind. Die eerste fase sluit werkspermitte, tydelike verblyfpermitte, studiepermitte en permanente verblyfpermitte in, wat deur Windhoek se hoofkantoor verwerk word.
“Die tweede fase behels dat die plakkers by diplomatieke sendings in die buiteland vir die uitreiking van visums aan vakansiegangers, toeriste, transitoreisigers en algemene besoekers in werking gestel word,” het Maritz gesê.
“’n Samelopende projek word tans ontwikkel, wat aanlyn aansoeke vir visums en permitte behels om kliënte oral in die wêreld in staat te stel om aansoeke in te dien.”
Volgens die uitvoerende direkteur van die ministerie, mnr. Etienne Maritz, het die stempels weens bedrog een van die grootste uitdagings van ons tyd geword.
Stempels is glo onbetroubaar en dis maklik om toegang daartoe te verkry, dit te reproduseer en in onwettige praktyke te gebruik.
“Elke jaar kry ons met vervalste stempels te doen, wat lyk soos dié wat die ministerie vir werkspermitte en permanente verblyfpermitte gebruik. Dit is hoekom ons nou visum- en permitplakkers met ingeboude veiligheidseienskappe gaan gebruik,” het Maritz gesê.
Die plakkers kom in vyf verskillende kategorieë en kleure.
Groen plakkers is vir buitelandse burgers aan wie permanente verblyf in Namibië toegestaan is se permanente verblyfpermitte (PRP).
Blou is vir werkspermitte (EP) en tydelike verblyfpermitte (TRP) van buitelandse burgers wat in Namibië werk, asook hul gades en afhanklikes.
Korttermynwerkspermitte aan buitelandse burgers wat vir ’n kort tydperk in Namibië mag werk, word met ’n bruin plakker aangedui.
Buitelandse studente wat opleiding in Namibië ontvang, kry geel plakkers in hul paspoorte om hul studiepermitte (SP) aan te dui.
Rooi is vir toeristevisums, mense wat sakegeleenthede kom ontgin of vergaderings bywoon, of vlugtig deur Namibië beweeg.
“Die implementering van die visum- en permitplakkers sal in twee fases plaasvind. Die eerste fase sluit werkspermitte, tydelike verblyfpermitte, studiepermitte en permanente verblyfpermitte in, wat deur Windhoek se hoofkantoor verwerk word.
“Die tweede fase behels dat die plakkers by diplomatieke sendings in die buiteland vir die uitreiking van visums aan vakansiegangers, toeriste, transitoreisigers en algemene besoekers in werking gestel word,” het Maritz gesê.
“’n Samelopende projek word tans ontwikkel, wat aanlyn aansoeke vir visums en permitte behels om kliënte oral in die wêreld in staat te stel om aansoeke in te dien.”
Kommentaar
Republikein
Geen kommentaar is op hierdie artikel gelaat nie