Visvang goedkoper hier as in SA
Vakansiegangers en diegene wat in die verlede vir 'n naweek see toe gery het en die lyne natgemaak het om 'n galjoen op die kole te braai, moet die hand nou aansienlik dieper in die sak steek.
Estelle de Bruyn - Die ministerie van visserye en mariene hulpbronne het meer lig op die Staatskoerant-kennisgewing oor nuwe visvangheffings gewerp.
Volgens die skakelbeampte van die ministerie, mnr. De Wet Siluka, geld die reëlings selfs al vang 'n mens net vir eie gebruik vis terwyl jy langs die see uitspan.
Die aankondiging in die Staatskoerant maak melding van “aan land bring”. Volgens die ministerie beteken dit om enige mariene bron uit die water te haal.
Hengel vir ontspanningsdoeleindes beteken vir die doel van sport of ontspanning.
Bestaansvissery, wat van die heffing uitgesluit is, beteken “visvang vir huishoudelike kos of kleinskaalhandel, onderhewig aan die wetsbepalings".
Volgens die ministerie is die waarde van vis bepaal ná besprekings met die visbedryf en met inagneming van amptelike data wat van doeane-owerhede ontvang is.
Oor die impak van die nuwe heffing op toerisme, sê die ministerie: “Die totale ontspanningsheffings in Suid-Afrika is ongeveer N$200 (in totaal behels dit drie permitte: Een teen R100 en twee teen R50 elk.) Die nuwe Namibiese visvangheffings vir ontspanningsdoeleindes is ongeveer N$50 per dag, net 25% van Suid-Afrikaanse heffings.
“Die koste om regulatoriese dienste vir ontspanningsvissery te lewer, is aansienlik meer as die N$14 per maand wat tot nou toe gehef is, en net minder as 50 sent per dag beloop.”
Die nuwe regulasies het reeds op 26 Junie van krag geword, toe dit in die Staatskoerant gepubliseer is, en sal deur die ministerie se bestaande strukture toegepas en afgedwing word.
Die waardes wat die ministerie aan die verskillende mariene bronne toegeken het, laat ook die wenkbroue lig. Kreef word as die duurste geag, teen N$193 per kilogram, gevolg deur haaivin, teen N$73,70 p/kg. Volgens die ministerie is stokvis(N$25 p/kg) meer werd as tongvis (N$23 p/kg). Hierteenoor is 'n rob slegs N$4 p/kg en ghwano N$5 p/kg werd. Per kilogram is marsbankers N$9,50 werd, monnikvis N$51,60, koningklip N$42,38, steenbras en kabeljou N$30 elk, en galjoen N$45.
Volgens die skakelbeampte van die ministerie, mnr. De Wet Siluka, geld die reëlings selfs al vang 'n mens net vir eie gebruik vis terwyl jy langs die see uitspan.
Die aankondiging in die Staatskoerant maak melding van “aan land bring”. Volgens die ministerie beteken dit om enige mariene bron uit die water te haal.
Hengel vir ontspanningsdoeleindes beteken vir die doel van sport of ontspanning.
Bestaansvissery, wat van die heffing uitgesluit is, beteken “visvang vir huishoudelike kos of kleinskaalhandel, onderhewig aan die wetsbepalings".
Volgens die ministerie is die waarde van vis bepaal ná besprekings met die visbedryf en met inagneming van amptelike data wat van doeane-owerhede ontvang is.
Oor die impak van die nuwe heffing op toerisme, sê die ministerie: “Die totale ontspanningsheffings in Suid-Afrika is ongeveer N$200 (in totaal behels dit drie permitte: Een teen R100 en twee teen R50 elk.) Die nuwe Namibiese visvangheffings vir ontspanningsdoeleindes is ongeveer N$50 per dag, net 25% van Suid-Afrikaanse heffings.
“Die koste om regulatoriese dienste vir ontspanningsvissery te lewer, is aansienlik meer as die N$14 per maand wat tot nou toe gehef is, en net minder as 50 sent per dag beloop.”
Die nuwe regulasies het reeds op 26 Junie van krag geword, toe dit in die Staatskoerant gepubliseer is, en sal deur die ministerie se bestaande strukture toegepas en afgedwing word.
Die waardes wat die ministerie aan die verskillende mariene bronne toegeken het, laat ook die wenkbroue lig. Kreef word as die duurste geag, teen N$193 per kilogram, gevolg deur haaivin, teen N$73,70 p/kg. Volgens die ministerie is stokvis(N$25 p/kg) meer werd as tongvis (N$23 p/kg). Hierteenoor is 'n rob slegs N$4 p/kg en ghwano N$5 p/kg werd. Per kilogram is marsbankers N$9,50 werd, monnikvis N$51,60, koningklip N$42,38, steenbras en kabeljou N$30 elk, en galjoen N$45.
Kommentaar
Republikein
Geen kommentaar is op hierdie artikel gelaat nie