Viva vroue!

JOHN FREDERICKS SKRYF:Ek wil graag die vroue van die wêreld, maar meer spesifiek die vroue en jong meisies van ons mooi land, gelukwens met die maand wat aan hulle toegewy word.Dit is veral vir die twee vrouens in my eie lewe (my dogter en my vrou) aan wie ek spesiale lof wil toewy, vir hul deursettingsvermoë en toewyding tot plig en daad.In die maand Augustus doen ek dus 'n beroep op alle mans en seuns om hul moeders, susters, niggies en vriendinne met absolute respek te behandel en ongekende waardering aan hulle te toon. Ek persoonlik spreek boekdele van dank en waardering uit teenoor al die vroue wat my pad gekruis het en diegene wat my lewe deurkruis het.Ek gee spesiale lof aan die voogma wat my uit ellende en van die strate af opgetel het en my haar eie kind gemaak het. My ma-moeder wie se raad en advies ek nog tot hede volg, en wie my geleer het dat menswees groter as rykwees is. Die vrou wie se reëls ek nogsteeds toepas op my lewe en die van andere en wat my soms vanuit haar graf aanspreek, toespreek en die leviete voorlees.Spesiale lof word besing aan die moeders en nie-biologiese susters van SOS Children Village in Khomasdal vir hul onbaatsugtigheid en die vorming van my seuns, sodat hulle hul verantwoordelikhede en toekomstige rolle met selfvertroue en getrouheid kan aanpak.Verder wil ek ook my laerskoolonderwyseresse, wat die akademiese grondslag gelê het, bedank vir hul geduld en toewyding.Die vrouens, moeders en "comrades" van die bevrydingsstryd, wat my geleer het om opreg, deursigtig, vasberade en getrou te wees aan die ideale van 'n gelyke samelewing word deur hierdie skrywe verhewe tot heldinne, hoewel julle onbesing sal bly en wees. Julle het die saadjies van onverskrokkenheid en vreesloosheid geplant. Julle wat meer “balls” gehad het as die “male comrades” en wie se deursettingsvermoë en doelgerigtheid my lewensfilosofie gevorm het.Ek tuur terug na my hoërskoolvriendinne wat my “tips” gegee het oor “how not to love” en wat my belange en gevoelens hoog op hul agendas geplaas het. Ek glimlag as ek dink aan hoe onbeholpe ek met my eerste soentjie was, en dat daai meisietjie my baie verleentheid gespaar het.Dankie vir Moeder Theresa, die Namibiese vryheidsvegters en ons vroulike leiers vir die vastigheid wat julle aan ons skenk om 'n nasie te bou.'n Spesiale dankie aan my dogter wat met elke van haar verjaarsdae (2 Augustus) my laat voel dat God se seëninge van pa-wees spesiaal vir my beskore is.Ten slotte aan al die vroue en jong meisies: “Your blessings have already been ordained”, en mag julle ten alle tye die lig wees in ons donker tye.

Viva vroue!

Kommentaar

Republikein 2025-04-29

Meld asseblief aan om kommentaar te lewer

Viva vroue!

Kommentaar

Republikein 2025-04-29

Meld asseblief aan om kommentaar te lewer

MELD AAN

Advertensie