Voorsitter van Gobabis se bestuurskomitee sterf aan Covid

Die voorsitter van die Gobabis-munisipaliteit se bestuurskomitee, mnr. De Waal Louw, is Woensdag aan Covid-19 dood. Die dorp se burgermeester, me. Elvire Theron, raadslede en kollegas het Louw se dood as 'n reuse verlies vir die dorp beskryf en gesê hy was iemand wat sy lewe aan die ontwikkeling van die gemeenskap gewy het.

Louw, wat ook 'n sakeman was, is beskryf as iemand wat daartoe verbind was om Gobabis as die juweel van die Ooste te verander. - Nampa