Vraag na voedsel gaan teen 2050 afplat
Die vraag na voedsel gaan begin afplat en die produksie en bemarking daarvan gaan toenemende aanpassing en vernuwing verg.
Ronelle Rademeyer
Die wêreldwye ekonomiese vooruitsigte en die rigting waarin produsentepryse gaan beweeg, is alles behalwe rooskleurig vir Namibië en sy produsente.
Mnr. Ernst Janovsky, hoof van Absa se Agri-Besigheidsentrum in Suid-Afrika, het tydens die Namibië Landbou-unie (NLU) se 3de Agri-Vooruitskouingskonferensie op 6 Oktober in Windhoek gesê die toename in bevolkingsgroei in die wêreld is besig om af te plat.
“Bevolkingsgroei dryf die vraag na voedsel. Die kommoditeitsiklus gaan begin sywaarts beweeg en selfs afplat,” sê hy.Volgens Janovsky is China, wat ’n groot verbruikersland geword het, se bevolking besig om te verouder weens die jarelange aanwasbeleid waarvolgens ouerpare net een kind kon hê.Die VSA se groei in aanwas baat grootliks sy eie produsente en landboubedrywe terwyl Suid-Amerika ook nie belofte in hou nie.In Europa is daar tans ’n sywaartse beweging in populasie eerder as ’n toename, wat beteken die groeipunte is Afrika en Asië.Die rede daarvoor is dat die oorgrote meerderheid van die bevolking hier nog nie die voorgeskrewe 2 900 kalorieë se energie daagliks kan inneem nie. “Hulle energiebehoeftes word net tot op 2 200 kalorieë per dag vervul, wat beteken die vraag na voedsel bly groot.”Janovsky het in sy voorlegging oor wat die toekoms vir produsente inhou, gesê die vraag na voedsel gaan teen 2050 begin afplat. Aangesien landbou ’n langtermyn belegging is, is dít iets wat produsente in gedagte moet hou.Verder gaan die landboubedryf substansieel moet verander, meen hy. “Julle as boere moet harde valuta (Amerikaanse dollars en euros) met jul produksie genereer. Julle moet produseer om te kan uitvoer. Hoewel Namibië se ekonomie vinniger groei as dié van Suid-Afrika, is die rand en die Namibiese dollar gekoppel. Wat ook al in Zuma-wêreld gebeur, raak julle,” het hy gesê.Janovsky het daarop gewys dat as Suid-Afrika nie daarin geslaag om buitelandse beleggers te lok nie, “gaan die wisselkoers die rand uit die water blaas”.Verder, sê hy, is geld in Suid-Afrika en Namibië “duur” omdat rentekoerse hoër is as inflasie. Dit maak investering in landbou moeilik.’n Ander groot kwelpunt is die tekort aan water. “Water is die sleutel tot ekonomiese ontwikkeling. En Afrika het ’n ekonomiese tekort aan water – die water is daar, maar die geld en die infrastuktuur ontbreek om dit te ontgin en te benut.”’n Ander belangrike faktor wat landbou beïnvloed, is die verbruiker se verwagtinge en die moontlikhede wat tegnologie skep.Die bemarkingsaanslag het ook verander na een-tot-een en maatskappye en vervaardigers besef hulle moet persoonlike waarde aan die verbruiker of kliënt bied. “Verbruikers soek belewenisse eerder as produkte. Hulle wil die storie agter die kos of wyn wat hulle geniet, ken. Dit gaan al meer oor die ervaring,” verduidelik Janovsky. Supermarkte gaan binne 40 jaar iets van die verlede wees, meen hy. “Über Fresh se tuisaflewerings is ’n revolusionêre nuwe benadering in die verskaffing van varsprodukte.”Verder verander tegnologie ook waar en hoe voedsel in die toekoms geproduseer gaan word aangesien dit byvoorbeeld vertikale verbouing moontlik maak.
Die wêreldwye ekonomiese vooruitsigte en die rigting waarin produsentepryse gaan beweeg, is alles behalwe rooskleurig vir Namibië en sy produsente.
Mnr. Ernst Janovsky, hoof van Absa se Agri-Besigheidsentrum in Suid-Afrika, het tydens die Namibië Landbou-unie (NLU) se 3de Agri-Vooruitskouingskonferensie op 6 Oktober in Windhoek gesê die toename in bevolkingsgroei in die wêreld is besig om af te plat.
“Bevolkingsgroei dryf die vraag na voedsel. Die kommoditeitsiklus gaan begin sywaarts beweeg en selfs afplat,” sê hy.Volgens Janovsky is China, wat ’n groot verbruikersland geword het, se bevolking besig om te verouder weens die jarelange aanwasbeleid waarvolgens ouerpare net een kind kon hê.Die VSA se groei in aanwas baat grootliks sy eie produsente en landboubedrywe terwyl Suid-Amerika ook nie belofte in hou nie.In Europa is daar tans ’n sywaartse beweging in populasie eerder as ’n toename, wat beteken die groeipunte is Afrika en Asië.Die rede daarvoor is dat die oorgrote meerderheid van die bevolking hier nog nie die voorgeskrewe 2 900 kalorieë se energie daagliks kan inneem nie. “Hulle energiebehoeftes word net tot op 2 200 kalorieë per dag vervul, wat beteken die vraag na voedsel bly groot.”Janovsky het in sy voorlegging oor wat die toekoms vir produsente inhou, gesê die vraag na voedsel gaan teen 2050 begin afplat. Aangesien landbou ’n langtermyn belegging is, is dít iets wat produsente in gedagte moet hou.Verder gaan die landboubedryf substansieel moet verander, meen hy. “Julle as boere moet harde valuta (Amerikaanse dollars en euros) met jul produksie genereer. Julle moet produseer om te kan uitvoer. Hoewel Namibië se ekonomie vinniger groei as dié van Suid-Afrika, is die rand en die Namibiese dollar gekoppel. Wat ook al in Zuma-wêreld gebeur, raak julle,” het hy gesê.Janovsky het daarop gewys dat as Suid-Afrika nie daarin geslaag om buitelandse beleggers te lok nie, “gaan die wisselkoers die rand uit die water blaas”.Verder, sê hy, is geld in Suid-Afrika en Namibië “duur” omdat rentekoerse hoër is as inflasie. Dit maak investering in landbou moeilik.’n Ander groot kwelpunt is die tekort aan water. “Water is die sleutel tot ekonomiese ontwikkeling. En Afrika het ’n ekonomiese tekort aan water – die water is daar, maar die geld en die infrastuktuur ontbreek om dit te ontgin en te benut.”’n Ander belangrike faktor wat landbou beïnvloed, is die verbruiker se verwagtinge en die moontlikhede wat tegnologie skep.Die bemarkingsaanslag het ook verander na een-tot-een en maatskappye en vervaardigers besef hulle moet persoonlike waarde aan die verbruiker of kliënt bied. “Verbruikers soek belewenisse eerder as produkte. Hulle wil die storie agter die kos of wyn wat hulle geniet, ken. Dit gaan al meer oor die ervaring,” verduidelik Janovsky. Supermarkte gaan binne 40 jaar iets van die verlede wees, meen hy. “Über Fresh se tuisaflewerings is ’n revolusionêre nuwe benadering in die verskaffing van varsprodukte.”Verder verander tegnologie ook waar en hoe voedsel in die toekoms geproduseer gaan word aangesien dit byvoorbeeld vertikale verbouing moontlik maak.
Kommentaar
Republikein
Geen kommentaar is op hierdie artikel gelaat nie