‘Vreeslose’ Proteas kan Nasie-teenstanders onkant betrap

Annchen Nel’n Taai week wag vandeesweek op die Proteas wanneer hulle drie van die wêreld se voorste netbalspanne pak.Die internasionale seisoen het gister begin toe Suid-Afrika in Jamaika teen die gasheerland in die Nasiesbeker-reeks te staan gekom het.Suid-Afrika het sy beste moontlike span gekies en slyp nou al ’n week aan sy spel in Nottingham, waar hulle onder meer teen Engeland A gespeel het.Die Proteas het hul jaar afgesluit met ’n oorwinning oor Engeland in die derde toets in Bellville en voor dit ook die Afrikabekertoernooi gewen.Die eerste stryd in die reeks beloof opwindend te wees met Suid-Afrika vyfde op die wêreldranglys en Jamaika in die vierde plek.Die Proteas sal gou op die wenpad wil kom, want môre wag Engeland (nr. 3) en Saterdag die wêreldkampioen, Nieu-Seeland, wat nr. 2 in die wêreld is.Die Sunshine Girls neem Australië se plek, wat nie vir die toernooi beskikbaar was nie.Martha Mosoahle-Samm, ’n voormalige SA kaptein, sê die Proteas sal wondere verrig as hulle nie “versigtig of met vrees” speel nie. “As hulle op die aanval ‘verken’ en nie net hou by gestruktureerde spel nie, sal kanse opduik. Dit gesê, natuurlik met gedissiplineerde spel. Hulle sal so hul teenstander onkant betrap.”Mosoahle-Samm sê die Proteas weet nie waartoe hulle in staat is nie.Sy glo as Lefébre Rademan die afrigters en haar spanmaats se ondersteuning het, kan sy ’n wedstrydwenner vir Suid-Afrika op hulpdoel wees.“Haar werkverrigting is hoog en sy kan 60 minute speel.“Sy is dalk korterig, maar glad nie bang nie, hardloop baie en vervul die rol van ’n tweede aanvallende vleuel,” sê Mosoahle-Samm, afrigter van die Sentraal Universiteit van Tegnologie en ’n hulpbreier van die Vrystaatse Crinums.Al die spanne is in ’n herboufase ná verlede jaar se Wêreldbekertoernooi.Dorette Badenhorst is in Oktober as die Protea-afrigter aangestel met Dumisani Chauke as haar assistent.Hulle het net een doelwit en dit is om die Nasiesbeker te wen. Die Proteas het die Sunshine Girls in Julie se Wêreldbekertoernooi met drie doele (55-52) geklop.Protea-groep: Ine-Marí Venter, Lenize Potgieter, Lefébre Rademan, Sigi Burger, Bongiwe Msomi (k), Izette Griesel, Romé Dreyer, Khanyisa Chawane, Phumza Maweni, Shadine van der Merwe, Zanele Vimbela, Karla Pretorius. – Netwerk24

‘Vreeslose’ Proteas kan Nasie-teenstanders onkant betrap

Kommentaar

Republikein 2025-04-29

Meld asseblief aan om kommentaar te lewer

‘Vreeslose’ Proteas kan Nasie-teenstanders onkant betrap

Kommentaar

Republikein 2025-04-29

Meld asseblief aan om kommentaar te lewer

MELD AAN

Advertensie