Vrou skiet glo man, haarself
Die vermeende skieter het glo ’n dag tevore na haar dogter uitgereik om vir oulaas te groet.
Kristien Kruger
Familie en vriende is geskok nadat ’n 67-jarige vrou glo haar 71-jarige man Dinsdag omstreeks 10:00 met ’n .22-geweer doodgeskiet het en daarna haarself om die lewe gebring het.
Me. Alida Magdalena Venter en haar man, mnr. Richard John (Dais) Venter, het in die Rurumwe-nedersetting in die Kavango-Wessteek gewoon.
Volgens die polisiebevelvoerder van dié streek, komm. Josephat Abel, het me. Alida Venter haar dogter wat op Rundu woon, die vorige dag gebel en gesê sy moet huis toe kom, anders gaan hulle mekaar nie weer sien nie.
“Die Venters se dogter het die volgende dag albei haar ouers probeer bel en toe hulle nie antwoord nie, het sy na hul huis gery en op hul liggame afgekom,” het Abel gesê.
Volgens ’n Namibiese polisieverslag is ’n selfmoordbrief op die toneel gevind. Die polisieondersoek duur voort.
Amoré Nolte het op Alida Venter se Facebook-blad geskryf: “Mag julle vir ewig gelukkig saam wees soos julle altyd was.”
Ander boodskappe van medelye sluit in “Julle sal altyd in ons harte wees” (Cornél Roux Fourie), terwyl Jakes Smith sê die egpaar het vir hom soos sy eie ouma en oupa geword en dat hulle “twee goeie mense” was.
- [email protected]
Familie en vriende is geskok nadat ’n 67-jarige vrou glo haar 71-jarige man Dinsdag omstreeks 10:00 met ’n .22-geweer doodgeskiet het en daarna haarself om die lewe gebring het.
Me. Alida Magdalena Venter en haar man, mnr. Richard John (Dais) Venter, het in die Rurumwe-nedersetting in die Kavango-Wessteek gewoon.
Volgens die polisiebevelvoerder van dié streek, komm. Josephat Abel, het me. Alida Venter haar dogter wat op Rundu woon, die vorige dag gebel en gesê sy moet huis toe kom, anders gaan hulle mekaar nie weer sien nie.
“Die Venters se dogter het die volgende dag albei haar ouers probeer bel en toe hulle nie antwoord nie, het sy na hul huis gery en op hul liggame afgekom,” het Abel gesê.
Volgens ’n Namibiese polisieverslag is ’n selfmoordbrief op die toneel gevind. Die polisieondersoek duur voort.
Amoré Nolte het op Alida Venter se Facebook-blad geskryf: “Mag julle vir ewig gelukkig saam wees soos julle altyd was.”
Ander boodskappe van medelye sluit in “Julle sal altyd in ons harte wees” (Cornél Roux Fourie), terwyl Jakes Smith sê die egpaar het vir hom soos sy eie ouma en oupa geword en dat hulle “twee goeie mense” was.
- [email protected]
Kommentaar
Republikein
Geen kommentaar is op hierdie artikel gelaat nie