Vroue maak hul skerp vir België
Binnenshuise hokkie
Die MTC Namibiese senior vrouehokkiespan is reeds sedert Maandag terug in 'n oefenkamp as deel van die opbou na die sesde Binnenshuise Wêreldbeker wat in Februarie in België voorlê.
Afrigter Erwin Handura en die vrouespan se oefenkamp vanaf 3 tot 12 Januarie by die Windhoek Skouterrein sal hul laaste oefensessies en opwarmwedstryde op tuisbodem wees voordat hulle op 15 Januarie op hul Wes-Europese toer vertrek.
Spankaptein Maggy Mengo en haar vrouespan sal aanvanklik in Utrecht, Nederland, kamp opslaan vir hul akklimatisering, afrondingswerk en opwarmwedstryde teen van dié land se voorste hokkieklubs in die laaste dae voor die Wêreldbeker.
Twee toetswedstryde teen Nederland se nasionale vrouespan sal ook op dieselfde dag (25 Januarie) in Almere gespeel word.
Die huidige kamp in Windhoek sluit vir vandeesweek daagliks twee oefensessies (soggens en saans) van twee ure elk in. Oefenwedstryde sal ook in volgende week gespeel word.
Gedurende middel Desember het afrigter Erwin Handura se vrouespan ook 'n driedaagse oefenkamp by The Dome in Swakopmund gehad. Die kamp het as 'n geleentheid vir spanbou gedien, met prettige aktiwiteite wat ingespan is as afwisseling vir die fokus op taktiese spel, spoed en vaardighede. Die span het hierna weer in Windhoek na die oefenveld teruggekeer voor hul blaaskans van twee weke oor die feesseisoen, wat afgelope Maandag ten einde geloop het.
Vir die komende Wêreldbeker in Liège, België vanaf 2 tot 6 Februarie is die Namibiërs gegroepeer om wedstryde teen Suid-Afrika, Oostenryk, Belarus, Nederland en die gasheerspan België te speel.
SUID-AFRIKA
Suid-Afrika se vrouespan vir die Wêreldbeker is ook kort voor Kersfees aangekondig.
Die voormalige Namibiër en oudspeler van Windhoek Hoërskool, Dunell van Taak, is een van twee amptelike plaasvervangers. Die 23-jarige Van Taak, wat tevore die Namibiese span verteenwoordig het, en haar Noordelikes-spanmaat Kirsty Adams hou hulle gereed indien op hul knoppie gedruk word om hul debuut vir Suid-Afrika te maak.
Die SA span word aangevoer deur Jessica O'Connor van die KwaZulu-Natal Raiders, wat met 108 wedstryde vir Suid-Afrika nou verreweg die mees ervare spanlid is en die leierskap oorneem by Cindy Hack, wat uitgetree het.
FOTO’s
’n Jonger Dunell van Taak in Desember 2015 in aksie toe Namibië vir Suid-Afrika in Durban geklop het. Die Windhoeker het intussen kante geruil en is in die RSA se nasionale oefengroep. Foto Neville Bailey
Lede van die Namibiese vrouespan tydens hul oefenkamp verlede maand op Swakopmund. Foto verskaf
Afrigter Erwin Handura en die vrouespan se oefenkamp vanaf 3 tot 12 Januarie by die Windhoek Skouterrein sal hul laaste oefensessies en opwarmwedstryde op tuisbodem wees voordat hulle op 15 Januarie op hul Wes-Europese toer vertrek.
Spankaptein Maggy Mengo en haar vrouespan sal aanvanklik in Utrecht, Nederland, kamp opslaan vir hul akklimatisering, afrondingswerk en opwarmwedstryde teen van dié land se voorste hokkieklubs in die laaste dae voor die Wêreldbeker.
Twee toetswedstryde teen Nederland se nasionale vrouespan sal ook op dieselfde dag (25 Januarie) in Almere gespeel word.
Die huidige kamp in Windhoek sluit vir vandeesweek daagliks twee oefensessies (soggens en saans) van twee ure elk in. Oefenwedstryde sal ook in volgende week gespeel word.
Gedurende middel Desember het afrigter Erwin Handura se vrouespan ook 'n driedaagse oefenkamp by The Dome in Swakopmund gehad. Die kamp het as 'n geleentheid vir spanbou gedien, met prettige aktiwiteite wat ingespan is as afwisseling vir die fokus op taktiese spel, spoed en vaardighede. Die span het hierna weer in Windhoek na die oefenveld teruggekeer voor hul blaaskans van twee weke oor die feesseisoen, wat afgelope Maandag ten einde geloop het.
Vir die komende Wêreldbeker in Liège, België vanaf 2 tot 6 Februarie is die Namibiërs gegroepeer om wedstryde teen Suid-Afrika, Oostenryk, Belarus, Nederland en die gasheerspan België te speel.
SUID-AFRIKA
Suid-Afrika se vrouespan vir die Wêreldbeker is ook kort voor Kersfees aangekondig.
Die voormalige Namibiër en oudspeler van Windhoek Hoërskool, Dunell van Taak, is een van twee amptelike plaasvervangers. Die 23-jarige Van Taak, wat tevore die Namibiese span verteenwoordig het, en haar Noordelikes-spanmaat Kirsty Adams hou hulle gereed indien op hul knoppie gedruk word om hul debuut vir Suid-Afrika te maak.
Die SA span word aangevoer deur Jessica O'Connor van die KwaZulu-Natal Raiders, wat met 108 wedstryde vir Suid-Afrika nou verreweg die mees ervare spanlid is en die leierskap oorneem by Cindy Hack, wat uitgetree het.
FOTO’s
’n Jonger Dunell van Taak in Desember 2015 in aksie toe Namibië vir Suid-Afrika in Durban geklop het. Die Windhoeker het intussen kante geruil en is in die RSA se nasionale oefengroep. Foto Neville Bailey
Lede van die Namibiese vrouespan tydens hul oefenkamp verlede maand op Swakopmund. Foto verskaf
Kommentaar
Republikein
Geen kommentaar is op hierdie artikel gelaat nie