Vrywilligers poets Alte Feste weer blink
Yandi du Plessis – Die Alte Feste lyk weer spiekeries nadat 'n groep vrywilligers en verskeie maatskappye Saterdag kragte saamgespan het om die terrein rondom dié geskiedkundige fort in die hoofstad op te ruim.
Mnr. Melchisedek (Melkies) Ausiku, 'n toergids en die medestigter en uitvoerende hoof van LEFA Namibia, het die bal aan die rol gesit. Nadat hy die opruim-inisiatief op Facebook voorgestel het, wou me. Carmen Visagie help om die plan uit te voer.
“Ons het besef dat, ondanks die regering se verantwoordelikheid om parke, museums en erfenisgebiede in stand te hou, kan ons as Namibiërs ook bydra tot hierdie mandaat deur gemeenskapswerk,” vertel Ausiku.
“Wanneer ons stadstoere doen, stel ons kliënte baie belang in verskillende erfenisterreine in Windhoek, waarvan Alte Feste een is. Die Alte Feste was in 'n betreurenswaardige toestand, só erg dat ons nie meer ons kliënte soontoe kon neem nie.”
Ausiku het op Facebook 'n beroep op die Windhoek-gemeenskap gedoen om by die opruim-inisiatief betrokke te raak.
Visagie vertel: “Ek het Melkies se plasing gesien en vir hom gesê ek is in. Ons het 'n WhatsApp-groep geskep en die skakel op die Local Tourism Is Lekker-Facebookblad gedeel.”
VEERTIG DAAG OP
Hoewel 160 mense by die groep aangesluit het, het net 40 Saterdag opgedaag om hand by te sit. Ausiku sê dit was nietemin geensins 'n teleurstelling nie, want hulle het steeds hul doel bereik.
Verskeie ondernemings het ook ingespring om die inisiatief te ondersteun. Talisman Tools Hire het gereedskap verskaf en kos vir die vrywilligers geskenk, Wolfshack en Prostudio het kos geskenk, Namibia Breweries (NBL) het bottels water vir die dag van handearbeid in die son oorhandig, Mikel Jes het gesorg vir voertuie om die rommel weg te ry, en verskeie individue het gereedskap, kos en verversings geskenk en donasies gemaak om die ekstra helpende hande te betaal.
“Die eindresultaat dien as 'n bewys van wat ons as Namibiërs kan bereik as ons hande vat en saam werk,” sê Ausiku.
Hulle beplan om die inisiatief binnekort na ander erfenisgebiede uit te brei.– [email protected]
Mnr. Melchisedek (Melkies) Ausiku, 'n toergids en die medestigter en uitvoerende hoof van LEFA Namibia, het die bal aan die rol gesit. Nadat hy die opruim-inisiatief op Facebook voorgestel het, wou me. Carmen Visagie help om die plan uit te voer.
“Ons het besef dat, ondanks die regering se verantwoordelikheid om parke, museums en erfenisgebiede in stand te hou, kan ons as Namibiërs ook bydra tot hierdie mandaat deur gemeenskapswerk,” vertel Ausiku.
“Wanneer ons stadstoere doen, stel ons kliënte baie belang in verskillende erfenisterreine in Windhoek, waarvan Alte Feste een is. Die Alte Feste was in 'n betreurenswaardige toestand, só erg dat ons nie meer ons kliënte soontoe kon neem nie.”
Ausiku het op Facebook 'n beroep op die Windhoek-gemeenskap gedoen om by die opruim-inisiatief betrokke te raak.
Visagie vertel: “Ek het Melkies se plasing gesien en vir hom gesê ek is in. Ons het 'n WhatsApp-groep geskep en die skakel op die Local Tourism Is Lekker-Facebookblad gedeel.”
VEERTIG DAAG OP
Hoewel 160 mense by die groep aangesluit het, het net 40 Saterdag opgedaag om hand by te sit. Ausiku sê dit was nietemin geensins 'n teleurstelling nie, want hulle het steeds hul doel bereik.
Verskeie ondernemings het ook ingespring om die inisiatief te ondersteun. Talisman Tools Hire het gereedskap verskaf en kos vir die vrywilligers geskenk, Wolfshack en Prostudio het kos geskenk, Namibia Breweries (NBL) het bottels water vir die dag van handearbeid in die son oorhandig, Mikel Jes het gesorg vir voertuie om die rommel weg te ry, en verskeie individue het gereedskap, kos en verversings geskenk en donasies gemaak om die ekstra helpende hande te betaal.
“Die eindresultaat dien as 'n bewys van wat ons as Namibiërs kan bereik as ons hande vat en saam werk,” sê Ausiku.
Hulle beplan om die inisiatief binnekort na ander erfenisgebiede uit te brei.– [email protected]
Kommentaar
Republikein
Geen kommentaar is op hierdie artikel gelaat nie