Vuurwapeneienaars is bekommerd oor wet
Van die bepalings is nie weldeurdag, moontlik of goedkoop nie, sê eienaars.
Elvira Hattingh - Die Vuurwapeneienaarsvereniging van Namibië (Goan) sê hy neem met kommer kennis van die aanvaarding van die wysigings aan die Namibiese wapen- en ammunisiewet op 2 Oktober in die Nasionale Vergadering (NV).
Die nuutgestigte vereniging wat homself vir die regte van Namibiese vuurwapeneienaars bewyer, sê hy het nou ’n beroep op die kantoor van die president gedoen om in te gryp – vóór die wetsontwerp onderteken word.
Dit volg nadat Goan sedert sy ontstaan glo aktief met die betrokke owerhede geskakel het “om die vele tekortkominge en gebreke in die nuwe wetgewing uit te lig in ’n poging om ’n eerlike en openhartige dialoog te voer en die situasie reg te stel,” het die vereniging se voorsitter, mnr. Kallie Venzke, in ’n nuusverklaring gesê.
Verskeie plaaslike vuurwapenhandelaars, skietklubs, individue asook die Namibië Professionele Jagvereniging (Napha) het Goan op 11 Julie vanjaar gestig.
“Tot dusver is hierdie skakeling geïgnoreer. Ons hoop ons president gaan ons die geleentheid gun om ons kommer te bespreek en om saam ’n billike en regverdige oplossing vir alle Namibiese vuurwapeneienaars te vind,” het Venzke gesê.
ONNODIGE DRUK
Die verengiging sê hoewel hulle nie teen al die bepalings van die wetsontwerp is nie, is sommige daarvan nie weldeurdag nie en bykans onmoontlik om regverdig oraloor die land toe te pas.
Terselfdertyd plaas dit onnodige en onregverdige finansiële druk op wetsgehoorsame vuurwapeneienaars, sê Venzke.
Die vereniging sê hulle sal graag wil sien dat vier vereistes van die wetsontwerp hersien word, wat insluit verpligte ballistiese toetse vir elke enkele vuurwapen wat wettig in Namibië bekom is, asook die vereiste dat vuurwapenlisensies vyfjaarliks hernu moet word, asook die bevoegdheidstoetse wat daarmee gepaard gaan.
Hulle wil ook hê die beperkings op ammunisie en kaliber moet hersien word.
“Die vereniging meen die bogenoemde bepalings sal dit baie duur maak om ’n vuurwapen in Namibië te besit, afgesien daarvan dat dit teen vuurwapeneienaars diskrimineer wat op verafgeleë plekke in ons land woon.
“Hierdie bepalings sal, in die lig van die toenemende misdaadsyfers in ons land, inbreuk maak op Namibiërs se reg om hulself en hul gesinne se lewens te beskerm, asook hul eiendom,” het Venzke gesê.
Dit volg nadat die NV die wetsontwerp verlede maand goedgekeur het en dit in die Staatskoerant gepubliseer moet word sodra die NV dit verwerk het en die president dit onderteken het.
Die adjunkminister van veiligheid en sekuriteit, mnr. Daniel Kashikola, het in Maart aan die NV gesê daar was in 2004 sowat 97 262 wapenlisensies in omloop, terwyl dié syfer tans op 210 000 staan.
Hy het gesê in die derde kwartaal van 2018 alleen is 4 870 aansoeke ingedien om wapens te besit.
Die helfte hiervan was vir handwapens om glo vir selfverdedigingsdoeleindes te gebruik.
- [email protected]
Die nuutgestigte vereniging wat homself vir die regte van Namibiese vuurwapeneienaars bewyer, sê hy het nou ’n beroep op die kantoor van die president gedoen om in te gryp – vóór die wetsontwerp onderteken word.
Dit volg nadat Goan sedert sy ontstaan glo aktief met die betrokke owerhede geskakel het “om die vele tekortkominge en gebreke in die nuwe wetgewing uit te lig in ’n poging om ’n eerlike en openhartige dialoog te voer en die situasie reg te stel,” het die vereniging se voorsitter, mnr. Kallie Venzke, in ’n nuusverklaring gesê.
Verskeie plaaslike vuurwapenhandelaars, skietklubs, individue asook die Namibië Professionele Jagvereniging (Napha) het Goan op 11 Julie vanjaar gestig.
“Tot dusver is hierdie skakeling geïgnoreer. Ons hoop ons president gaan ons die geleentheid gun om ons kommer te bespreek en om saam ’n billike en regverdige oplossing vir alle Namibiese vuurwapeneienaars te vind,” het Venzke gesê.
ONNODIGE DRUK
Die verengiging sê hoewel hulle nie teen al die bepalings van die wetsontwerp is nie, is sommige daarvan nie weldeurdag nie en bykans onmoontlik om regverdig oraloor die land toe te pas.
Terselfdertyd plaas dit onnodige en onregverdige finansiële druk op wetsgehoorsame vuurwapeneienaars, sê Venzke.
Die vereniging sê hulle sal graag wil sien dat vier vereistes van die wetsontwerp hersien word, wat insluit verpligte ballistiese toetse vir elke enkele vuurwapen wat wettig in Namibië bekom is, asook die vereiste dat vuurwapenlisensies vyfjaarliks hernu moet word, asook die bevoegdheidstoetse wat daarmee gepaard gaan.
Hulle wil ook hê die beperkings op ammunisie en kaliber moet hersien word.
“Die vereniging meen die bogenoemde bepalings sal dit baie duur maak om ’n vuurwapen in Namibië te besit, afgesien daarvan dat dit teen vuurwapeneienaars diskrimineer wat op verafgeleë plekke in ons land woon.
“Hierdie bepalings sal, in die lig van die toenemende misdaadsyfers in ons land, inbreuk maak op Namibiërs se reg om hulself en hul gesinne se lewens te beskerm, asook hul eiendom,” het Venzke gesê.
Dit volg nadat die NV die wetsontwerp verlede maand goedgekeur het en dit in die Staatskoerant gepubliseer moet word sodra die NV dit verwerk het en die president dit onderteken het.
Die adjunkminister van veiligheid en sekuriteit, mnr. Daniel Kashikola, het in Maart aan die NV gesê daar was in 2004 sowat 97 262 wapenlisensies in omloop, terwyl dié syfer tans op 210 000 staan.
Hy het gesê in die derde kwartaal van 2018 alleen is 4 870 aansoeke ingedien om wapens te besit.
Die helfte hiervan was vir handwapens om glo vir selfverdedigingsdoeleindes te gebruik.
- [email protected]
Kommentaar
Republikein
Geen kommentaar is op hierdie artikel gelaat nie