Vyf landelike klinieke kry sonpanele
Die gebruik van sonkrag oorkom die uitdagings van elektrisiteitsvoorsiening én verbeter die gehalte van gesondheidsdienste.
Die Ontwikkelingsprogram van die Verenigde Nasies (UNDP) in Namibië het in samewerking met die Globale Fonds en die ministerie van gesondheid en maatskaplike dienste vyf landelike klinieke van sonpanele voorsien.
Dit is deel van die UNDP se globale inisiatief bekend as “Solar 4 Health”.
Die loodsprogram in Namibië het in Desember afgeskop en tussen 13 en 18 Desember is die klinieke met sonpanele toegerus.
Die projek is deur die Globale Fonds gefinansier en is daarop gemik om regerings te ondersteun om die gehalte van gesondheidsdienste te verbeter.
Hierdie stelsels voorsien deurlopende en kostedoeltreffende toegang tot elektrisiteit. Dit help gevolglik weerlose gemeenskappe om die gevolge van klimaatverandering asook armoedetoestande te verlig.
Volgens ‘n UNDP-verklaring het die Okaukamasheshe- en Uutsathima-kliniek in die Omusatistreek en die Eiseb-, Klein Aub- en Kalkrandkliniek in die Hardapstreek sonpanele gekry.
Daarbenewens het UNDP Namibië twee mobiele klinieke gehuur wat oor sonkragtoerusting beskik, vir die diagnosering van tuberkulose (TB) om die land se eerste nasionale TB-opname van 29 November tot 5 Desember 2017 te doen.
UNDP se beampte belas met aanskaffings, mnr. Blessing Kabasa, wat in Kopenhagen gestasioneer is, vergesel van ‘n beampte belas met algemene dienste, mnr. Toivo Shikongo, het vanaf 14 tot 18 Desember besoek afgelê by van die klinieke wat nou sonpanele het.
Die klinieke gebruik die sonkrag om landelike gemeenskappe by te staan deur kostedoeltreffende, betroubare en volhoubare krag te voorsien. Dit stel ook mediese personeel in staat om noodsaaklike mediese dienste in die betrokke dele van die land te lewer.
“Namibië is ‘n stap nader aan die verwesenliking van die Volhoubare Ontwikkelingsdoelwitte (SDG) se artikel 17. Artikels 3, 7, 13 en 17 van die SDG fokus op goeie gesondheid en welstand, bekostigbare en skoon energie en vennootskappe. Dit is met behulp van die ‘Solar 4 Health’-projek verwesenlik,” lui ‘n verklaring deur UNDP Namibië.
Volgens die UNDP lê die Wêreldgesondheidsorganisasie (WHO) se operasionele raamwerk klem op die totstandbringing van gesondheidstelsels wat aangepas is by die klimaat, en sonder ‘n breë benadering uit om die uitdagings van klimaatverandering die hoof te bied. Dit sluit die fokus op hernubare energie in gesondheidsinstansies en die benutting van skeppende tegnologieë in.
“Namibië is geografies in ‘n sonskynryke streek geleë en sonkragenergiestelsels is ideaal om laekoste-elektrisiteit te verskaf.
“Die doeltreffende benutting van sonkragoplossings sal die Namibiese gesondheidstelsel in staat te stel om sy lewenskragtigheid te verbeter om die uitdagings van klimaatverandering die hoof te bied. Dit sluit uiterste weersomstandighede soos droogtes in, wat konvensionele bronne van elektrisiteit beïnvloed,” lui die verklaring.
Dit is deel van die UNDP se globale inisiatief bekend as “Solar 4 Health”.
Die loodsprogram in Namibië het in Desember afgeskop en tussen 13 en 18 Desember is die klinieke met sonpanele toegerus.
Die projek is deur die Globale Fonds gefinansier en is daarop gemik om regerings te ondersteun om die gehalte van gesondheidsdienste te verbeter.
Hierdie stelsels voorsien deurlopende en kostedoeltreffende toegang tot elektrisiteit. Dit help gevolglik weerlose gemeenskappe om die gevolge van klimaatverandering asook armoedetoestande te verlig.
Volgens ‘n UNDP-verklaring het die Okaukamasheshe- en Uutsathima-kliniek in die Omusatistreek en die Eiseb-, Klein Aub- en Kalkrandkliniek in die Hardapstreek sonpanele gekry.
Daarbenewens het UNDP Namibië twee mobiele klinieke gehuur wat oor sonkragtoerusting beskik, vir die diagnosering van tuberkulose (TB) om die land se eerste nasionale TB-opname van 29 November tot 5 Desember 2017 te doen.
UNDP se beampte belas met aanskaffings, mnr. Blessing Kabasa, wat in Kopenhagen gestasioneer is, vergesel van ‘n beampte belas met algemene dienste, mnr. Toivo Shikongo, het vanaf 14 tot 18 Desember besoek afgelê by van die klinieke wat nou sonpanele het.
Die klinieke gebruik die sonkrag om landelike gemeenskappe by te staan deur kostedoeltreffende, betroubare en volhoubare krag te voorsien. Dit stel ook mediese personeel in staat om noodsaaklike mediese dienste in die betrokke dele van die land te lewer.
“Namibië is ‘n stap nader aan die verwesenliking van die Volhoubare Ontwikkelingsdoelwitte (SDG) se artikel 17. Artikels 3, 7, 13 en 17 van die SDG fokus op goeie gesondheid en welstand, bekostigbare en skoon energie en vennootskappe. Dit is met behulp van die ‘Solar 4 Health’-projek verwesenlik,” lui ‘n verklaring deur UNDP Namibië.
Volgens die UNDP lê die Wêreldgesondheidsorganisasie (WHO) se operasionele raamwerk klem op die totstandbringing van gesondheidstelsels wat aangepas is by die klimaat, en sonder ‘n breë benadering uit om die uitdagings van klimaatverandering die hoof te bied. Dit sluit die fokus op hernubare energie in gesondheidsinstansies en die benutting van skeppende tegnologieë in.
“Namibië is geografies in ‘n sonskynryke streek geleë en sonkragenergiestelsels is ideaal om laekoste-elektrisiteit te verskaf.
“Die doeltreffende benutting van sonkragoplossings sal die Namibiese gesondheidstelsel in staat te stel om sy lewenskragtigheid te verbeter om die uitdagings van klimaatverandering die hoof te bied. Dit sluit uiterste weersomstandighede soos droogtes in, wat konvensionele bronne van elektrisiteit beïnvloed,” lui die verklaring.
Kommentaar
Republikein
Geen kommentaar is op hierdie artikel gelaat nie