Water bly skaars

Somaliese meisies drink verpakte water by 'n skool in Mogadisjoe, die hoofstad van Somalië. Ongeveer 600 miljoen kinders, of een uit elke vier kinders wêreldwyd, sal volgens die Verenigde Nasies (VN) teen 2040 in gebiede met uiters beperkte waterbronne woon. Dit blyk uit 'n verslag wat die VN se kinderfonds (Unicef) op Wêreldwaterdag bekend gestel het. Volgens die verslag sterf meer as 800 kinders jonger as vyf jaar daagliks weens diaree wat verband hou met onvoldoende water, sanitasie en higiëne. Foto Nampa/Xinhua