Water op pad Etoshapan toe
Tanja Bause - Die Oshigamborivier in die Noorde is tans besig om na die Etoshapan te vloei.
Volgens mnr. Sakaria Kandenge, ’n boorling van die omgewing, het die rivier in 2009 laas só sterk gevloei.
“Die Oshigambo het Maandag onderdeur die brug op die B1-hoofpad tussen Ondangwa en Tsumeb geloop. Baie water is op pad en dit is nou eers Januarie. Daar is reeds baie water in die oshanas in die Noorde en dit gaan net meer word wanneer die efundja afkom,” sê hy.
Volgens hom is die water tans sowat 40 km van die pan af.
“Dalk sal dit die pan bereik sodra die Oshigambo weer afkom wanneer dit in Februarie en Maart reën. Honderde watervoëls het al saam met die water begin beweeg.”
Mnr. Olle Eriksson (78), ook goed bekend met die betrokke gebied, sê die Oshigambo bereik die Etoshapan baie selde, omdat die water gewoonlik in die sand suid van die panne wegsyfer.
“Ek weet wel die rivier het die pan in 1954, 1978 en 1970 bereik. Ek was op reis in daai gebied en elke keer kon ek nie verder ry nie, omdat die Oshigambo in vloed was,” sê hy.
“Die meeste van die Etoshapan se water kom van die Ekumarivier af. Soms kry die pan water van die Oshigambo en soms ook van die Omuramba Owamborivier af.”
– [email protected]
Volgens mnr. Sakaria Kandenge, ’n boorling van die omgewing, het die rivier in 2009 laas só sterk gevloei.
“Die Oshigambo het Maandag onderdeur die brug op die B1-hoofpad tussen Ondangwa en Tsumeb geloop. Baie water is op pad en dit is nou eers Januarie. Daar is reeds baie water in die oshanas in die Noorde en dit gaan net meer word wanneer die efundja afkom,” sê hy.
Volgens hom is die water tans sowat 40 km van die pan af.
“Dalk sal dit die pan bereik sodra die Oshigambo weer afkom wanneer dit in Februarie en Maart reën. Honderde watervoëls het al saam met die water begin beweeg.”
Mnr. Olle Eriksson (78), ook goed bekend met die betrokke gebied, sê die Oshigambo bereik die Etoshapan baie selde, omdat die water gewoonlik in die sand suid van die panne wegsyfer.
“Ek weet wel die rivier het die pan in 1954, 1978 en 1970 bereik. Ek was op reis in daai gebied en elke keer kon ek nie verder ry nie, omdat die Oshigambo in vloed was,” sê hy.
“Die meeste van die Etoshapan se water kom van die Ekumarivier af. Soms kry die pan water van die Oshigambo en soms ook van die Omuramba Owamborivier af.”
– [email protected]
Kommentaar
Republikein
Geen kommentaar is op hierdie artikel gelaat nie