Waterrekeningskok

Elvira Hattingh - Windhoekers is geskok oor hul jongste waterrekeninge, wat in verskeie gevalle twee keer so hoog as gewoonlik is.Windhoek se munisipaliteit (CoW) is sedert Maandag met navrae hieroor oorstroom.Die oorsaak is glo CoW se skielike toepassing van ‘n spesiale, hoër watertarief wat tydens waterskaarstes geld, asook die feit dat meterlesings nie tydens die vakansieseisoen geneem is nie. Bekommerde lesers het Republikein gister laat weet hul rekeninge is tussen 77% en 100% hoër as gewoonlik en hul navrae werp geen lig op die krisis nie.Mnr. Harold Akwenye, munisipale woordvoerder, het gister bevestig hulle het sedert Maandag verskeie klagtes oor uitsonderlike hoë waterrekeninge ontvang, en bygevoeg ‘n nuusverklaring met meer inligting sal binnekort uitgereik word. REDESAkwenye sê een rede vir die hoë rekeninge is dat meterlesings nie in die vakansieseisoen geneem is nie, wat mense se rekeninge hoog laat voorkom omdat dit oor meer as een maand strek. Hy sê ’n ander oorsaak kan die spesiale watertarief wees wat in droogtetye vir huishoudings geld en veral diegene raak wat meer as 30 000 l water per dag verbruik.Hiervolgens moet ‘n huishouding wat meer as 1 000 l water per dag in ‘n tydperk van waterskaarste verbruik, N$141,00 per m³ opdok in vergelyking met net N$61,00 in tye wanneer die stad nie onder ‘n waterskaarste gebuk gaan nie.Akwenye wou nie sê of dié spesiale droogtetarief nou eers in werking getree het nie, maar ‘n ingeligte bron sê die munisipaliteit se finansiële afdeling het weens ‘n tegniese fout van 1 Augustus af die tarief slegs op besighede toegepas en dit is nou eers vir huishoudings ingestel. Dit is dus moontlik dat huishoudings se rekeninge die hoër tariewe nou eers weerspieël en dit is boonop terugwerkend tot 1 Januarie vanjaar. Daar is glo besluit om huishoudings vir die vyf maande van verlede jaar grasie te gee toe die spesiale tarief reeds in werking moes getree het, het die bron gesê.KENNISGEWINGAkwenye sê waterverbruikers is betyds hiervan in kennis gestel en dit slaan die grootste verbruikers die hardste. Hy sê afgesien daarvan dat die toepassing van die tariewe reeds in Julie se munisipale nuusbrief, Aloe, aangekondig is, het ‘n kennisgewing hieroor ook in ‘n koerant verskyn.Volgens Julie 2018 se Aloe moes die munisipaliteit noodgedwonge hul waterbestuurplan van ‘n kategorie B (verskaffingswaarskuwing) na ‘n kategorie C-scenario verander, wat op ‘n waterskaarste dui. Dié verandering is op ‘n analise van beskikbare water vir die volgende drie jaar gebaseer. Hiervolgens is ‘n waterskaarste toe amptelik afgekondig en dienooreenkomstig is waterbeperkings aangepas, wat insluit dat Windhoekers 5% tot 10% water moet bespaar. Op die laaste blad van die publikasie word die implementering van watertariewe tydens ‘n waterskaarste uiteengesit.Die huishoudelike tarief vir water tydens waterskaarste benadeel die swaarste verbruikers. Hiervolgens is ‘n tarief van N$33,20 per kubieke meter betaalbaar wanneer jou huishouding tussen 6 en 22 m³ per maand verbruik, terwyl die hoër tariewe onder normale omstandighede eers van toepassing is op huishoudings wat 6 tot 30 m³ water per maand verbruik.In droogtetye moet huishoudings N$61,00/m³ opdok as hulle tussen 22 en 30 m³ water per maand verbruik. Diegene wat meer as dit verbruik, betaal N$141,00/m³. Die munisipalteit sê die toepassing van hierdie tarief is baie belangrik, omdat Windhoek vanjaar heel moontlik weer ‘n waterkrisis die hoof sal moet bied.

Waterrekeningskok

Kommentaar

Republikein 2025-04-07

Meld asseblief aan om kommentaar te lewer

Waterrekeningskok

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie