Whitey Basson sê finaal totsiens aan Shoprite
Shoprite het van R1 miljoen in aandeelhouerfondse tot R98 miljard onder Whitey Basson se leierskap gegroei.
Nellie Brand-Jonker - Whitey Basson, voormalige uitvoerende hoof van die Shoprite-groep, het die groep finaal verlaat.
Basson het reeds verlede jaar as uitvoerende hoof afgetree en sy opvolger, Pieter Engelbrecht, het aan die begin van die jaar by hom oorgeneem.
Basson is begin Januarie vanjaar as ondervoorsitter en nie-uitvoerende direkteur aangestel.
Sy uittrede uit die twee rolle is met onmiddellike ingang op 25 Oktober aangekondig en in die resultate van die jaarvergadering en spesiale vergadering wat Maandag gehou is.
Christo Wiese, die grootste aandeelhouer en voorsitter van Shoprite, het in die jaarverslag gesê Basson het afgetree as uitvoerende hoof ná 39 jaar by die groep. Hy sê Basson het 'n “wonderlike erfenis” nagelaat.
“Dit is werd om dit te herhaal dat hy begin het in sy rol met 'n netto R1 miljoen in aandeelhouersfondse en dat hy 'n groep met 'n markwaarde van meer as R98 miljard agtergelaat het. Dit is sonder twyfel een van Suid-Afrika se grootste bedryfsprestasies en ek is trots daarop om met hom geassosieer te word.”
Wiese sê Basson het 'n jong bestuurspan opgebou wat baie bevoeg deur Pieter Engelbrecht gelei word. Hy meen Engelbrecht sal sonder twyfel in die komende jare nog sy stempel afdruk.
“Ons is in 'n oorgang na 'n hele nuwe era van sake doen en ek is vol vertroue dat ons 'n talentvolle span opgebou het om dit te hanteer.
“Hy (Basson) het 'n merkwaardige loopbaan gehad . . . en ons sal dankbaar bly vir die onmeetlike bydraes wat hy gemaak het,” word in die jaarverslag gesê.
Vergoeding
Basson het einde September verlede jaar kennis van sy uittrede gegee en omdat hy 'n kennistydperk van 12 maande met die groep het, het hy verder in die diens van die groep gebly. Hy ontvang ook vergoeding vir die tydperk tot einde September vanjaar van R50,1 miljoen.
In die vorige jaar het hy R100 miljoen verdien, waarvan sowat die helfte 'n korttermyn-aansporing was vir sekere winsteikens wat behaal is.
Basson het vroeër die jaar nuus gemaak toe dit bekend geword het hy het 'n dienskontrak met Shoprite om 'n opsie uit te oefen ingevolge waarvan die maatskappy R1,7 miljard se aandele van hom terugkoop.
Aandeelhouers het op 5 September die besluit goedgekeur dat die maatskappy die aandele by hom terugkoop.
Die werkkontrak met hom is in 2003 aangegaan.
In die jaarverslag word gesê Engelbrecht se vergoeding verskil van die vorige uitvoerende hoof s'n.
'n Totale gewaarborgde betaling is bepaal deur na die vergoeding in die mark vir soortgelyke winkelgroepe te kyk.
Die wisselende dele van sy vergoedingspakket is as volg:
• Korttermyn-aansporing: 'n Kontantbonus van tot 'n derde van sy jaarlikse totale gewaarborgde vergoeding as aan sekere teikens voldoen is. Die bonus gaan met 'n geskikte perk gepaard indien uitpresteer word (beperk tot 40% van sy jaarlikse totale gewaarborgde vergoeding).
• Langtermyn-aansporing: 'n Jaarlikse toekenning van aandele wat gegrond is op prestasieteikens wat in die vorige boekjaar bereik moes word.
Die jaarverslag toon Engelbrecht het einde van die boekjaar R31,2 miljoen ontvang waarvan R16 miljoen 'n langtermyn-aansporing was en R4,3 miljoen 'n kontantbonus.
Aandeelhouers ontevrede
Die Shoprite-groep het op sy jaarvergadering vir die eerste keer aan sy aandeelhouers die geleentheid gegee om op 'n niebindende grondslag oor sy vergoedingsbeleid te stem.
Aandeelhouers het op die twee gewone niebindende besluite oor sy vergoedingsbeleid en die implementering daarvan 29,89% en 28,58% daarteen gestem.
Shoprite het gesê omdat meer as 25% van sy aandeelhouers teenwoordig daarteen gestem het, sal 'n uitnodiging aan die afkeurende aandeelhouers gerig word om met die maatskappy daaroor te skakel.
Die grootste aandeelhouers op 2 Julie vanjaar was:
•Christo Wiese - 16,89%
•Government Employees Pension Fund
- 11,22%
•Shoprite Checkers (Edms) Bpk -
5,91%
•Capital Group - 4,07%
•Lazard - 3,49%
•Vanguard - 2,46%
•GIC Private Beperk - 2,33%
•Namibian Government Institutions
Pension Fund - 1,92%
•Oppenheimer Funds - 2,11%
•BlackRock - 1,91%
•Whitey Basson - 1,52%
•T. Rowe Price - 1,49%
•J.F. Le Roux - 1,41%
•Government Pension Fund - Norway
1,41%– Netwerk24
Basson het reeds verlede jaar as uitvoerende hoof afgetree en sy opvolger, Pieter Engelbrecht, het aan die begin van die jaar by hom oorgeneem.
Basson is begin Januarie vanjaar as ondervoorsitter en nie-uitvoerende direkteur aangestel.
Sy uittrede uit die twee rolle is met onmiddellike ingang op 25 Oktober aangekondig en in die resultate van die jaarvergadering en spesiale vergadering wat Maandag gehou is.
Christo Wiese, die grootste aandeelhouer en voorsitter van Shoprite, het in die jaarverslag gesê Basson het afgetree as uitvoerende hoof ná 39 jaar by die groep. Hy sê Basson het 'n “wonderlike erfenis” nagelaat.
“Dit is werd om dit te herhaal dat hy begin het in sy rol met 'n netto R1 miljoen in aandeelhouersfondse en dat hy 'n groep met 'n markwaarde van meer as R98 miljard agtergelaat het. Dit is sonder twyfel een van Suid-Afrika se grootste bedryfsprestasies en ek is trots daarop om met hom geassosieer te word.”
Wiese sê Basson het 'n jong bestuurspan opgebou wat baie bevoeg deur Pieter Engelbrecht gelei word. Hy meen Engelbrecht sal sonder twyfel in die komende jare nog sy stempel afdruk.
“Ons is in 'n oorgang na 'n hele nuwe era van sake doen en ek is vol vertroue dat ons 'n talentvolle span opgebou het om dit te hanteer.
“Hy (Basson) het 'n merkwaardige loopbaan gehad . . . en ons sal dankbaar bly vir die onmeetlike bydraes wat hy gemaak het,” word in die jaarverslag gesê.
Vergoeding
Basson het einde September verlede jaar kennis van sy uittrede gegee en omdat hy 'n kennistydperk van 12 maande met die groep het, het hy verder in die diens van die groep gebly. Hy ontvang ook vergoeding vir die tydperk tot einde September vanjaar van R50,1 miljoen.
In die vorige jaar het hy R100 miljoen verdien, waarvan sowat die helfte 'n korttermyn-aansporing was vir sekere winsteikens wat behaal is.
Basson het vroeër die jaar nuus gemaak toe dit bekend geword het hy het 'n dienskontrak met Shoprite om 'n opsie uit te oefen ingevolge waarvan die maatskappy R1,7 miljard se aandele van hom terugkoop.
Aandeelhouers het op 5 September die besluit goedgekeur dat die maatskappy die aandele by hom terugkoop.
Die werkkontrak met hom is in 2003 aangegaan.
In die jaarverslag word gesê Engelbrecht se vergoeding verskil van die vorige uitvoerende hoof s'n.
'n Totale gewaarborgde betaling is bepaal deur na die vergoeding in die mark vir soortgelyke winkelgroepe te kyk.
Die wisselende dele van sy vergoedingspakket is as volg:
• Korttermyn-aansporing: 'n Kontantbonus van tot 'n derde van sy jaarlikse totale gewaarborgde vergoeding as aan sekere teikens voldoen is. Die bonus gaan met 'n geskikte perk gepaard indien uitpresteer word (beperk tot 40% van sy jaarlikse totale gewaarborgde vergoeding).
• Langtermyn-aansporing: 'n Jaarlikse toekenning van aandele wat gegrond is op prestasieteikens wat in die vorige boekjaar bereik moes word.
Die jaarverslag toon Engelbrecht het einde van die boekjaar R31,2 miljoen ontvang waarvan R16 miljoen 'n langtermyn-aansporing was en R4,3 miljoen 'n kontantbonus.
Aandeelhouers ontevrede
Die Shoprite-groep het op sy jaarvergadering vir die eerste keer aan sy aandeelhouers die geleentheid gegee om op 'n niebindende grondslag oor sy vergoedingsbeleid te stem.
Aandeelhouers het op die twee gewone niebindende besluite oor sy vergoedingsbeleid en die implementering daarvan 29,89% en 28,58% daarteen gestem.
Shoprite het gesê omdat meer as 25% van sy aandeelhouers teenwoordig daarteen gestem het, sal 'n uitnodiging aan die afkeurende aandeelhouers gerig word om met die maatskappy daaroor te skakel.
Die grootste aandeelhouers op 2 Julie vanjaar was:
•Christo Wiese - 16,89%
•Government Employees Pension Fund
- 11,22%
•Shoprite Checkers (Edms) Bpk -
5,91%
•Capital Group - 4,07%
•Lazard - 3,49%
•Vanguard - 2,46%
•GIC Private Beperk - 2,33%
•Namibian Government Institutions
Pension Fund - 1,92%
•Oppenheimer Funds - 2,11%
•BlackRock - 1,91%
•Whitey Basson - 1,52%
•T. Rowe Price - 1,49%
•J.F. Le Roux - 1,41%
•Government Pension Fund - Norway
1,41%– Netwerk24
Kommentaar
Republikein
Geen kommentaar is op hierdie artikel gelaat nie