Wildeperde kan uitsterf
Yochanaan Coetzee
Namibië se wêreldberoemde Garub-wildeperde kan binne die volgende ses maande uitsterf.
Dít gegewe hul getalle en voortplantingsvermoë volgens ’n verslag van die Namibië Wildeperdestigting oor die staat van dié unieke perde.
Nie net het die droogte ’n negatiewe impak op hul getalle gehad nie, maar hiënas in die area hou tans die grootste bedreiging vir dié mooi diere in.
Minstens twee wildeperde word per week deur hiënas platgetrek.
“Die perde is nie in die beste kondisie nie en hiënas jag in groepe, so hulle kry dit reg om groter diere beet te kry. Boonop is al die vulletjies wat die afgelope drie jaar gebore is, ook deur hiënas geteiken. Dit sluit 23 in wat verlede jaar gebore is,” het ’n woordvoerder van die stigting gesê.
Die stigting, in samewerking met stigtings vir die bewaring van hiënas, en die ministerie van die omgewing en toerisme, het verlede week ooreengekom om die perde na ’n oord in die Garub-omgewing te skuif waar hulle bewaar kan word.
Terwyl die area geïdentifiseer word en die nodige reëlings getref word, sal ander wild geskuif word na die area waar die perde tans is om die druk van die perde af te vat.
In ’n verslag wat ná die vergadering uitgereik is, sê die stigting hoewel dié oplossing nie gewaarborg is nie, is daar ’n goeie kans dat dit vir beide die perde en die hiënas voordele sal inhou.
“Na ’n honderd jaar van geografiese afsondering en gedragsaanpassings by geweldig uitdagende kondisies, is hierdie perde nie net uniek nie, maar ook ’n besonderse lewende deel van ons land se geskiedenis. Hulle lok ’n groot aantal internasionale besoekers en dit sal tragies wees as ons hulle verloor.”
Die wildeperdgetalle was in 2012 sterk met 286 perde wat in die area getel is.
Maar teen die einde van verlede jaar was daar net ’n kommerwekkende 136 perde oor - en die getal word elke week minder.
Die verslag dui ook aan dat daar teen die einde van 2016 net 48 merries was en dat die geenpoel al kleiner raak, wat weer eens ’n groot probleem vir die toekoms van die wildeperde is.
Die koers waarteen die perde se syfers daal, is boonop in teenstelling met die pas waarteen die hiënas in die area groei. Daar is sowat vyf hiëna-kleintjies in die afgelope jaar gebore.
Die stigting het sedert Oktober 2015 meer as 40 ton proteïene-minerale lek en 135 ton gras en lusern aan die perde verskaf teen ’n koste van omgever N$ 1,5 miljoen. Hul voerprogaam duur voort omdat die area minder as 5 mm reën in 2016 ontvang het.
Dít in ’n poging deur die stigting om die hoë getal sterftes, soos in die 1998-'89-droogte, te vermy. Met die ondersteuning van plaaslike en internasionale borge en donasies kon die stigting verseker dat geen perde die afgelope twee jaar van honger sterf nie.
Namibië se wêreldberoemde Garub-wildeperde kan binne die volgende ses maande uitsterf.
Dít gegewe hul getalle en voortplantingsvermoë volgens ’n verslag van die Namibië Wildeperdestigting oor die staat van dié unieke perde.
Nie net het die droogte ’n negatiewe impak op hul getalle gehad nie, maar hiënas in die area hou tans die grootste bedreiging vir dié mooi diere in.
Minstens twee wildeperde word per week deur hiënas platgetrek.
“Die perde is nie in die beste kondisie nie en hiënas jag in groepe, so hulle kry dit reg om groter diere beet te kry. Boonop is al die vulletjies wat die afgelope drie jaar gebore is, ook deur hiënas geteiken. Dit sluit 23 in wat verlede jaar gebore is,” het ’n woordvoerder van die stigting gesê.
Die stigting, in samewerking met stigtings vir die bewaring van hiënas, en die ministerie van die omgewing en toerisme, het verlede week ooreengekom om die perde na ’n oord in die Garub-omgewing te skuif waar hulle bewaar kan word.
Terwyl die area geïdentifiseer word en die nodige reëlings getref word, sal ander wild geskuif word na die area waar die perde tans is om die druk van die perde af te vat.
In ’n verslag wat ná die vergadering uitgereik is, sê die stigting hoewel dié oplossing nie gewaarborg is nie, is daar ’n goeie kans dat dit vir beide die perde en die hiënas voordele sal inhou.
“Na ’n honderd jaar van geografiese afsondering en gedragsaanpassings by geweldig uitdagende kondisies, is hierdie perde nie net uniek nie, maar ook ’n besonderse lewende deel van ons land se geskiedenis. Hulle lok ’n groot aantal internasionale besoekers en dit sal tragies wees as ons hulle verloor.”
Die wildeperdgetalle was in 2012 sterk met 286 perde wat in die area getel is.
Maar teen die einde van verlede jaar was daar net ’n kommerwekkende 136 perde oor - en die getal word elke week minder.
Die verslag dui ook aan dat daar teen die einde van 2016 net 48 merries was en dat die geenpoel al kleiner raak, wat weer eens ’n groot probleem vir die toekoms van die wildeperde is.
Die koers waarteen die perde se syfers daal, is boonop in teenstelling met die pas waarteen die hiënas in die area groei. Daar is sowat vyf hiëna-kleintjies in die afgelope jaar gebore.
Die stigting het sedert Oktober 2015 meer as 40 ton proteïene-minerale lek en 135 ton gras en lusern aan die perde verskaf teen ’n koste van omgever N$ 1,5 miljoen. Hul voerprogaam duur voort omdat die area minder as 5 mm reën in 2016 ontvang het.
Dít in ’n poging deur die stigting om die hoë getal sterftes, soos in die 1998-'89-droogte, te vermy. Met die ondersteuning van plaaslike en internasionale borge en donasies kon die stigting verseker dat geen perde die afgelope twee jaar van honger sterf nie.
Kommentaar
Republikein
Geen kommentaar is op hierdie artikel gelaat nie