Windhoek en skole toe tot 30 Junie

President Hage Geingob het tydens die aankondiging van nuwe regulasies om die derde golf van die Covid-pandemie in Namibië te bekamp, verskeie nuwe maatreëls aangekondig wat tot 30 Junie geld. Dit sluit in geen kontaksport en toeskouers; toegang tot en uitgang uit Windhoek, Rehoboth en Okahandja beperk tot 30 Junie; openbare byeenkomste beperk tot 10 persone; aandklokreël in plek van 22:00 tot 04:00; aangesig-tot-aangesig-onderrig in Windhoek opgeskort tot 30 Junie; koop en verkoop van alkohol beperk in kroeë en sjebiens van 09:00 tot 18:00 op 'n wegneembasis; dobbelhuise en nagklubs gesluit; vervoer van passasiers beperk tot die helfte van die kapasiteit van die voertuig, terwyl Covid-19-begrafnisse se protokol in plek bly en begrafnisse binne sewe dae moet plaasvind.