Windhoek Ritmies gee die pas aan

Windhoek Ritmiese Klub (WRC) se gimnaste het die kompetisie op die meeste vlakke oorheers by die nasionale gimnastiekkampioenskap wat die afgelope naweek op Walvisbaai aangebied is.

In die ritmiese kompetisie het WRC-gimnaste in nege kategorieë as die nasionale trofeewenners weggestap.

Gimnaste van agt klubs was in die ritmiese kompetisie betrokke, naamlik Windhoek Ritmies, Parkies-klub, Elite en Illusion (almal van Windhoek) tesame met Walvisbaai, Oceanview (Swakopmund) en Tsumeb.

Die nasionale trofeewenners was:

Vlak 1: Claudette Rubios (Elite-klub)

Vlak 2: Danell Pesch (Windhoek Ritmies)

Vlak 3: Kechia de Koe (Walvisbaai)

Vlak 4: Ndapewa Ekandja (Windhoek Ritmies)

Vlak 5: Unotjari Kaurimuje (Windhoek Ritmies)

Vlak 6: Jameela Mupia (Windhoek Ritmies)

Vlak 7: Madison Rust (Windhoek Ritmies)

Vlak 8: Joy Kabooy (Walvisbaai)

Vlak 9: Kenandjo Mupia (Windhoek Ritmies)

Vlak 10: Ndina Simon (Windhoek Ritmies)

Hoëprestasievlak 1: Lia Kafuna (Walvisbaai)

Pre-junior: Angelina Namases (Oceanview)

Junior: Shayna Schutte (Windhoek Ritmies)

Senior: Trusty Kavezuva (Windhoek Ritmies)

Die nasionale kampioenskap se hoofborg was Erongo Red, terwyl Kuisebmond Water en Viggo Lund ook as borge bygedra het.