Windhoek: Steeds te veel lyke, te min plek
Die verassing of teraardebestelling van onopgeëiste lyke is direk afhanklik van lede van die publiek se samewerking om dit wél te kom opeis.
Henriette Lamprecht
Die polisie se lykhuis in Windhoek het te veel lyke en te min plek.
Maar, sê die adjunkminister van veiligheid en sekuriteit, die aantal liggame wat tans hier gestoor word, het aansienlik verminder ná die nodige wetenskaplike en regsprosedures voltooi is.
Mnr. Daniel Kashikola wou egter nie bevestig of daar steeds tussen 180 en 200 liggame geberg word in 'n ruimte wat eintlik net vir 24 bedoel is nie.
Kashikola het in die parlement gereageer op 'n vraag van mnr. Apius Auchab van die UDF, wat onder meer wou weet wat word van die liggame wat reeds meer as 'n dekade hier geberg word.
Volgens Auchab maak die ministerie van veiligheid en sekuriteit voorsiening vir 'n lykhuis in sy nuwe gebou vir forensiese wetenskap, wat tans in aanbou is.
“Ons wil egter nie hiermee beweer dit sal die huidige probleme oplos nie, omdat niemand met sekerheid kan voorspel hoeveel sterftes van tyd tot tyd 'n ondersoek van die polisie sal verg nie,” het hy gesê.
Volgens Auchab is die verassing of teraardebestelling van onopgeëiste lyke direk afhanklik van lede van die publiek se samewerking om dit wél te kom opeis.
“Liggame en ander menslike oorskot word meestal op versoek van familielede en geliefdes geberg,” sê hy.
Hy het erken die aantal onopgeëiste liggame dra tot die probleem van beperkte ruimte by die lykhuis by, maar wou nie bevestig of van dié lyke vir 10 jaar reeds hier geberg word nie.
Auchab het wél vertragings weens “onvoorsiene omstandighede” verlede jaar in die uitvoer van lykskouings erken. Dié struikelblokke is volgens hom egter oorbrug.
Hy het voorts gesê die ministerie hou deurgaans by voorgeskrewe prosedures wanneer familielede en geliefdes ingelig word om die liggame te kom opeis. Dié prosedures sluit direkte persoonlike kommunikasie, korrespondensie, sowel as kennisgewings in die gedrukte sowel as elektroniese media in.
Volgens Auchab is die ministerie in gesprek met die kantoor van die aanklaer-generaal en die ministerie van gesondheid en maatskaplike dienste om 'n oplossing vir die oorvol lykhuis te probeer vind.
As 'n direkte gevolg hiervan het die verassing van onopgeëiste liggame reeds volgens hom begin.
Hy het voorts beklemtoon huidige wetgewing spreek die situasie aan en die verantwoordelikheid vir die teraardebestelling of verassing van bogenoemde liggame sal steeds deur die ministerie van gesondheid en maatskaplike dienste gedra word.
Republikein het in Julie verlede jaar berig oor die lykhuis wat toe meer as 180 liggame geberg het.
Toe het die oorweldigende stank van liggaamsvloeistowwe van liggame wat reeds maande, selfs jare, gelede dood is, oor die lykhuis gehang.
Een van die onopgeëiste lyke was dié van 'n man wat sedert 2009 nog nooit deur 'n vriend of 'n familielid opgeëis is nie.
Benewens Windhoek, word liggame uit Okahandja, Rehoboth, Dordabis en Klein-Aub hierheen gebring, terwyl lyke uit die Hardap-, ||Kharas- en Erongostreek ook hier gehuisves moet word.
Volgens regulasie 15 van die Wet op Staatshospitale en Gesondheidsinstellings van 1994 kan die hoof van die staatshospitaal 'n skrywe rig dat 'n liggaam wat nie binne 14 dae opgeëis word nie, in die begraafplaas die naaste aan die lykhuis begrawe word.
Die regering het gewoonlik armlastiges in die hoofstad se begraafplase op hul onkoste begrawe.
Die ministerie van gesondheid en maatskaplike dienste is verantwoordelik vir onopgeëiste liggame en stel daarom 'n begrafnisondernemer aan om die proses te versnel.
Die Namibiese polisie het verlede jaar dringend N$5 miljoen nodig gehad om onopgeëiste liggame te veras wat tans in die polisie se lykhuis in Windhoek gestoor word.
Die polisie se lykhuis in Windhoek het te veel lyke en te min plek.
Maar, sê die adjunkminister van veiligheid en sekuriteit, die aantal liggame wat tans hier gestoor word, het aansienlik verminder ná die nodige wetenskaplike en regsprosedures voltooi is.
Mnr. Daniel Kashikola wou egter nie bevestig of daar steeds tussen 180 en 200 liggame geberg word in 'n ruimte wat eintlik net vir 24 bedoel is nie.
Kashikola het in die parlement gereageer op 'n vraag van mnr. Apius Auchab van die UDF, wat onder meer wou weet wat word van die liggame wat reeds meer as 'n dekade hier geberg word.
Volgens Auchab maak die ministerie van veiligheid en sekuriteit voorsiening vir 'n lykhuis in sy nuwe gebou vir forensiese wetenskap, wat tans in aanbou is.
“Ons wil egter nie hiermee beweer dit sal die huidige probleme oplos nie, omdat niemand met sekerheid kan voorspel hoeveel sterftes van tyd tot tyd 'n ondersoek van die polisie sal verg nie,” het hy gesê.
Volgens Auchab is die verassing of teraardebestelling van onopgeëiste lyke direk afhanklik van lede van die publiek se samewerking om dit wél te kom opeis.
“Liggame en ander menslike oorskot word meestal op versoek van familielede en geliefdes geberg,” sê hy.
Hy het erken die aantal onopgeëiste liggame dra tot die probleem van beperkte ruimte by die lykhuis by, maar wou nie bevestig of van dié lyke vir 10 jaar reeds hier geberg word nie.
Auchab het wél vertragings weens “onvoorsiene omstandighede” verlede jaar in die uitvoer van lykskouings erken. Dié struikelblokke is volgens hom egter oorbrug.
Hy het voorts gesê die ministerie hou deurgaans by voorgeskrewe prosedures wanneer familielede en geliefdes ingelig word om die liggame te kom opeis. Dié prosedures sluit direkte persoonlike kommunikasie, korrespondensie, sowel as kennisgewings in die gedrukte sowel as elektroniese media in.
Volgens Auchab is die ministerie in gesprek met die kantoor van die aanklaer-generaal en die ministerie van gesondheid en maatskaplike dienste om 'n oplossing vir die oorvol lykhuis te probeer vind.
As 'n direkte gevolg hiervan het die verassing van onopgeëiste liggame reeds volgens hom begin.
Hy het voorts beklemtoon huidige wetgewing spreek die situasie aan en die verantwoordelikheid vir die teraardebestelling of verassing van bogenoemde liggame sal steeds deur die ministerie van gesondheid en maatskaplike dienste gedra word.
Republikein het in Julie verlede jaar berig oor die lykhuis wat toe meer as 180 liggame geberg het.
Toe het die oorweldigende stank van liggaamsvloeistowwe van liggame wat reeds maande, selfs jare, gelede dood is, oor die lykhuis gehang.
Een van die onopgeëiste lyke was dié van 'n man wat sedert 2009 nog nooit deur 'n vriend of 'n familielid opgeëis is nie.
Benewens Windhoek, word liggame uit Okahandja, Rehoboth, Dordabis en Klein-Aub hierheen gebring, terwyl lyke uit die Hardap-, ||Kharas- en Erongostreek ook hier gehuisves moet word.
Volgens regulasie 15 van die Wet op Staatshospitale en Gesondheidsinstellings van 1994 kan die hoof van die staatshospitaal 'n skrywe rig dat 'n liggaam wat nie binne 14 dae opgeëis word nie, in die begraafplaas die naaste aan die lykhuis begrawe word.
Die regering het gewoonlik armlastiges in die hoofstad se begraafplase op hul onkoste begrawe.
Die ministerie van gesondheid en maatskaplike dienste is verantwoordelik vir onopgeëiste liggame en stel daarom 'n begrafnisondernemer aan om die proses te versnel.
Die Namibiese polisie het verlede jaar dringend N$5 miljoen nodig gehad om onopgeëiste liggame te veras wat tans in die polisie se lykhuis in Windhoek gestoor word.
Kommentaar
Republikein
Geen kommentaar is op hierdie artikel gelaat nie