Witskrif vir San opgestel

Augetto GraigDie regering finaliseer tans 'n witskrif oor die regte van inheemse mense in Namibië.Hierdie beleidsdokument sal die regte van randgemeenskappe in die land beskerm en ander ingrypings uiteensit om hul lewenstandaarde te verbeter. Namibië se San-bevolking behels sowat 26 191 huisgesinne, waarvan die meerderheid in die Omaheke, Otjozondjupa-, Zambezi-, Kavango-Oos- en -Wes-, Oshana-, Omusati-, Oshikoto- en Ohangwenastreek woon. Volgens mnr. Abraham Iilongo, uitvoerende direkteur van die afdeling vir randgemeenskappe by die kantoor van die visepresident, is nie alle San-mense in die land by hulle geregistreer nie, maar is hulle bewus van 130 955 San-begunstigdes. “Vroeg in 2005 het die regering die San-ontwikkelingsprojek gevestig om randgemeenskappe soos die San, Ovatue en Ovatjimba se integrasie by die Namibiese samelewing te bespoedig omdat hierdie gemeenskappe weens hul nomadiese leefstyl beperkte toegang tot skole, gesondheidsdienste, drinkwater en behuising gehad het,” sê Iilongo.Hy sê die grondwet verbied diskriminasie en lede van kwesbare gemeenskappe word ook daarteen beskerm. Deel hiervan is die poging om alle gemeenskapslede van identiteitsdokumente te verskaf. Iilongo sê geregistreerde begunstigdes beskik oor identiteitsdokumente en die ministerie van binnelandse sake en immigrasie koördineer die voortdurende proses om meer gemeenskapslede te dien.Die San-ontwikkelingsprogram ondersteun onderwys deur die bou van kleuterskole en 'n maandelikse toelaag van N$500 aan San-leerlinge in graad 10 en 12. Skoolfondse, boeke, verblyf en 'n maandelikse toelaag van N$1 500 word ook aan studente toegestaan. Vervoer word tydens vakansies na en van sekere skole verskaf, sê Iilongo.Die regering ondersteun die San-gemeenskap se tuinprojekte en projekte om inkomste te skep, en maak ook vir begrafnisse voorsiening. Verder baat 26 191 huisgesinne by skenkings van meel, kookolie en geblikte vis. Boonop is nege plase deur die ministerie van grondhervorming gekoop, waarop 900 San-huisgesinne hervestig is, sê Iilonga.FOTOKREDIET: Elaine Villatoro, livemoretravelmore.comaugetto@republikein.com.na

Witskrif vir San opgestel

Kommentaar

Republikein 2025-04-07

Meld asseblief aan om kommentaar te lewer

Witskrif vir San opgestel

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie