Witwarm aanbod by motorskou

Besoekers aan vanjaar se Namibië Toerisme Ekspo (NTE) sal kan huis toe ry met splinternuwe wiele danksy uitstekende finansieringsaanbiedinge by die Nedbank Motorskou. Die pasgemaakte pakkette, wat op 22 Mei bekend gestel is en tot 30 Junie geldig is, sluit in ses maande se gratis versekering, mededingende primakoerse en bekostigbare terugbetalingsopsies. Nóg iets waarna besoekers kan uitsien, is Die Watergat by die Old Mutual-hek wat tot 24:00 sal oop wees en waar mense kan kuier wanneer die stalletjies om 22:00 sluit. Teenwoordig by die bekend­stelling Woensdag was (van links) Michelle le Roux, organiseerder van die NTE, Gernot de Klerk van Nedbank, Octavia Tsibes en haar kollega, Helené Bam (regs), van die spesiale koerant Expo Times, Ndangi Katoma van Old Mutual en Arrie Hougaard van Namibia Media Holdings (NMH). Agter is Willie Alcock, ook van NMH. Nedbank en Old Mutual is die hoofborge van die gewilde NTE wat Donderdag vir die publiek open. Foto Tanja Bause