Woermann Brock gee bakkie weg

Mnr. Lorenzo Gawaseb (foto) was die afgelope Saterdag die gelukkige wenner van 'n splinternuwe Toyota Land Cruiser van Woermann Brock se onlangse Royal-promosiekompetisie by hul kleurvolle winkel in Khomasdal. Tydens die geleentheid het die hoof van bemarking, mnr. Konrad Schwieger, gesê: “As ons sê ons gaan iets weggee, dan gee ons dit weg.” Hy sê meer as 35 000 inskrywings is vir die kompetisie ontvang en Saterdag het die drie finaliste, Gawaseb en mnre. Magnus Sechogele en Jonas Johannes elk 'n sleutel gekies. Gaweseb het laaste gekies. “Net een sleutel sal die voertuig aanskakel en elke wenner kry 'n kans om hul sleutel te probeer,” het Schwieger gesê. Ná Sechogele en Johannes se mislukte pogings, het Gaweseb se sleutel die voertuig aangeskakel. Foto Augetto Graig