Wêreld se beste o.17's in Nairobi aangedurf
Namibië se jong talent word vandeesmaand op die hoogste vlak ten toon gestel.
Andrew Poolman - Vier van Namibië se uitgesoekte baan- en veldatlete het die naweek na Nairobi, Kenia vertrek vir die IAAF jeug wêreldkampioenskap vir onder 17's wat môre begin.
Die naellopers Sadé de Sousa, Theron Human en Ivan-Danny Geldenhuys, asook die diskusgooier Ryan Williams is die land se verteenwoordigers in die komende dae.
Sadé de Sousa (Windhoek Gimnasium) se aanslag op die 100 meter begin môre met die uitdunne (vanaf 16:45 Namibiese tyd), met beide die halfeind- en eindronde die volgende namiddag.
In die 200 meter is haar afspraak in die uitdunne Vrydag (vanaf 08:40), met die semifinaal Saterdag en die finaal Sondag.
Haar persoonlike beste tye is beide in April vanjaar in Windhoek opgestel, naamlik 11.85 sekondes en 24.88.
Theron Human (Privaatskool Elnatan) sal ook in twee items meeding. Die 100 meter is altyd een van die hoogtepunte en word van begin tot einde môre afgehandel – uitdunne vanaf 07:55, semifinale om 15:00, finaal om 17:20.
Human se eerste uitdun in die 200 meter is Vrydag (09:25), met die semifinale die volgende dag en die eindrondte Sondag om 13:40.
Sy persoonlike beste tye is ook in Aprilmaand in Windhoek opgestel (10.81 en 21.80).
Ivan Danny Geldenhuys (Windhoek Hoërskool) is vir die 400 meter ingeskryf, wat môre om 10:05 met die uitdunne begin. Die semifinale is Donderdag vanaf 16:45 en die finaal is Vrydag om 17:10.
Hy het by die NSSU nasionale kampioenskap die 400 meter vir o.17's in 49.23 sekondes, asook die 200 in 21.78 gewen. By die Cossasa in Harare was 48.26 sy vinnigste vir die seisoen.
Die diskusgooier Ryan Williams (Gobabis Gimnasium) kom met 'n persoonlike beste van 56.53 meter in Nairobi aan, wat hy in Mei vanjaar in Harare opgestel het.
Die twee groepe diskusgooiers vir die uitdunne sal Vrydag om 08:10 en 09:20 met hul kompetisie begin, om te bepaal wie na die eindrondte (Saterdag om 16:20) deurdring.
• Regstreekse beeldsending van die byeenkoms se oggend- en namiddagsessies is op DStv se sportkanale (meestal SuperSport 8) geskeduleer.
STATEBOND JEUGSPELE
Die 2017 Statebond Jeugspele in Nassau, in die Bahamas, se openingseremonie vind op Dinsdag, 18 Julie plaas.
Die naelloper Ivan Danny Geldenhuys is die enigste atleet wat vanuit Nairobi by sy Namibiese spanmaats sal aansluit. Die hoogspringer en verspringer Natalie Louw, asook die spiesgooier Johannes Smith is die ander verteenwoordigers op die atletiekbaan.
Die res van die Namibiese span is die bergfietsryers Alex Miller en Charl du Plooy; die boksers Tangeni Nampadhi en Tryagain Ndevelo; asook die tennisspelers Codie van Schalkwyk en Georgina Moolman.
Die reisende bestuurslede sal me. Joan Smit (missiehoof), Lucky Gerson Gawanab (atletiekafrigter), Petrus Gerson (boksafrigter), Hans du Toit (fietsry-afrigter), Pierre du Plooy (fietsry-tegnikus) en Clive Gawanab (tennisafrigter) wees.
• Auas Motors het voor die naweek 'n skenking van sportsakke aan die jeugspanne na beide Nairobi en die Bahamas oorhandig.
“Die reissakke is as 'n behoefte vir die span uitgewys en ons het besluit om betrokke te raak en te help waar ons kan,” het mnr. Gawie Koekemoer van Auas Motors gesê.
Die Namibiese Nasionale Olimpiese Komitee se sekretaris-generaal, mnr. Abner Xoagub, het gesê die borgskap word gewaardeer te midde van die huidige moeilike tye om hulpbronne vir sport te bekostig.
“As atlete moet julle hierdie geleenthede ten volle aangryp, wat vir soveel andere nie beskore was nie. Julle is 'n klein span, maar met sterk talent en heeltemal in staat om met goeie resultate terug te keer.
“Rolspelers soos die Olimpiese Komitee en julle ouers het reeds baie belê om jul loopbane tot op hierdie punt te kry. Atlete soos julle moet voortgaan op hierdie pad om ook vir Statebond- en Olimpiese Speles te kwalifiseer, want as julle te vroeg ophou, moet die land weer van nuuts af aan die volgende geslag begin slyp,” het Xoagub gesê.
Die naellopers Sadé de Sousa, Theron Human en Ivan-Danny Geldenhuys, asook die diskusgooier Ryan Williams is die land se verteenwoordigers in die komende dae.
Sadé de Sousa (Windhoek Gimnasium) se aanslag op die 100 meter begin môre met die uitdunne (vanaf 16:45 Namibiese tyd), met beide die halfeind- en eindronde die volgende namiddag.
In die 200 meter is haar afspraak in die uitdunne Vrydag (vanaf 08:40), met die semifinaal Saterdag en die finaal Sondag.
Haar persoonlike beste tye is beide in April vanjaar in Windhoek opgestel, naamlik 11.85 sekondes en 24.88.
Theron Human (Privaatskool Elnatan) sal ook in twee items meeding. Die 100 meter is altyd een van die hoogtepunte en word van begin tot einde môre afgehandel – uitdunne vanaf 07:55, semifinale om 15:00, finaal om 17:20.
Human se eerste uitdun in die 200 meter is Vrydag (09:25), met die semifinale die volgende dag en die eindrondte Sondag om 13:40.
Sy persoonlike beste tye is ook in Aprilmaand in Windhoek opgestel (10.81 en 21.80).
Ivan Danny Geldenhuys (Windhoek Hoërskool) is vir die 400 meter ingeskryf, wat môre om 10:05 met die uitdunne begin. Die semifinale is Donderdag vanaf 16:45 en die finaal is Vrydag om 17:10.
Hy het by die NSSU nasionale kampioenskap die 400 meter vir o.17's in 49.23 sekondes, asook die 200 in 21.78 gewen. By die Cossasa in Harare was 48.26 sy vinnigste vir die seisoen.
Die diskusgooier Ryan Williams (Gobabis Gimnasium) kom met 'n persoonlike beste van 56.53 meter in Nairobi aan, wat hy in Mei vanjaar in Harare opgestel het.
Die twee groepe diskusgooiers vir die uitdunne sal Vrydag om 08:10 en 09:20 met hul kompetisie begin, om te bepaal wie na die eindrondte (Saterdag om 16:20) deurdring.
• Regstreekse beeldsending van die byeenkoms se oggend- en namiddagsessies is op DStv se sportkanale (meestal SuperSport 8) geskeduleer.
STATEBOND JEUGSPELE
Die 2017 Statebond Jeugspele in Nassau, in die Bahamas, se openingseremonie vind op Dinsdag, 18 Julie plaas.
Die naelloper Ivan Danny Geldenhuys is die enigste atleet wat vanuit Nairobi by sy Namibiese spanmaats sal aansluit. Die hoogspringer en verspringer Natalie Louw, asook die spiesgooier Johannes Smith is die ander verteenwoordigers op die atletiekbaan.
Die res van die Namibiese span is die bergfietsryers Alex Miller en Charl du Plooy; die boksers Tangeni Nampadhi en Tryagain Ndevelo; asook die tennisspelers Codie van Schalkwyk en Georgina Moolman.
Die reisende bestuurslede sal me. Joan Smit (missiehoof), Lucky Gerson Gawanab (atletiekafrigter), Petrus Gerson (boksafrigter), Hans du Toit (fietsry-afrigter), Pierre du Plooy (fietsry-tegnikus) en Clive Gawanab (tennisafrigter) wees.
• Auas Motors het voor die naweek 'n skenking van sportsakke aan die jeugspanne na beide Nairobi en die Bahamas oorhandig.
“Die reissakke is as 'n behoefte vir die span uitgewys en ons het besluit om betrokke te raak en te help waar ons kan,” het mnr. Gawie Koekemoer van Auas Motors gesê.
Die Namibiese Nasionale Olimpiese Komitee se sekretaris-generaal, mnr. Abner Xoagub, het gesê die borgskap word gewaardeer te midde van die huidige moeilike tye om hulpbronne vir sport te bekostig.
“As atlete moet julle hierdie geleenthede ten volle aangryp, wat vir soveel andere nie beskore was nie. Julle is 'n klein span, maar met sterk talent en heeltemal in staat om met goeie resultate terug te keer.
“Rolspelers soos die Olimpiese Komitee en julle ouers het reeds baie belê om jul loopbane tot op hierdie punt te kry. Atlete soos julle moet voortgaan op hierdie pad om ook vir Statebond- en Olimpiese Speles te kwalifiseer, want as julle te vroeg ophou, moet die land weer van nuuts af aan die volgende geslag begin slyp,” het Xoagub gesê.
Kommentaar
Republikein
Geen kommentaar is op hierdie artikel gelaat nie