Wêreld se boere tier oor Trump se subsidies
Indien Amerika sy boere met subsidies van miljarde bystaan, gaan internasionale landboumarkte daaronder ly, meen kritici.
Vida Booysen - 'n Invloedryke internasionale landbou-organisasie het pres. Donald Trump van Amerika skerp gekritiseer oor die subsidies wat hy aan Amerikaanse boere wil toestaan.
Trump se regering het vroeër aangekondig hy gaan US$12 miljard beskikbaar stel om Amerikaanse boere te help wat deur die uitkringende handelsoorlog, ook met China, geraak word. Die regering gaan onder meer sojabone en neute koop wat boere nie verkoop kry nie weens China se invoertariewe op dié produkte.
Die Cairns Group Farm Leaders (CGFL), wat boere uit tien lande verteenwoordig wat saam sowat 'n derde van die wêreld se landbou-uitvoer produseer, sê die subsidies sal internasionale landboumarkte net verder skeeftrek en landbouprodusente (soos dié in Suid-Afrika) wat geen of min steun van hul regering kry, verder benadeel.
“Ons vra die Amerikaanse regering om die raad van sy landbou-organisasies te volg en die handelsoorlog te beëindig wat strafmaatreëls teen sy boere tot gevolg het en wat hulle nadelig sal raak.”
Die organisasie sê die uitkringende uitwerking van 'n handelsoorlog “los niks op nie en maak boere en verbruikers ewe seer”.
Suid-Afrikaanse
Die Suid-Afrikaanse landbousakekamer Agbiz is ook lid van die CGFL en volgens dr. John Purchase, uitvoerende hoof van Agbiz, word Suid-Afrika reeds deur die versteuring van landbouhandel geraak.
“Die wêreld is klaar in 'n volskaalse handelsoorlog gedompel en hoewel ons die impak hiervan eers oor 'n ruk sal voel, sal dit aansienlik wees.”
Sojaboonpryse het sedert April met 15% geval nadat China met invoertariewe daarop gedreig het.
Purchase wys daarop dat Suid-Afrikaanse sojaboonpryse uit die internasionale prys afgelei word en dat dit dus ook gedaal het – tot nadeel van plaaslike produsente.
“Om nou die Amerikaanse boere te subsidieer sal hul produksie stimuleer en dit bring net verdere versteuring van die internasionale mark.”
Hy sê landbou-uitvoer is die sensitiefste en polities mees beïnvloedbare deel van internasionale handel.
“Omdat mense emosioneel is oor voedselsekerheid is die landbouhandel altyd in die spervuur van twiste oor handel.”
Amerikaanse boere, wat nagenoeg 20% van hul inkomste uit uitvoer verdien, is dankbaar oor die regeringshulp, maar sou verkies om eerder onbelemmerde marktoegang te hê, volgens Reuters.
“Die hulppakket herinner my aan liefdadigheid en ek wil niks daarmee te doen hê nie,” het Eugene Wiederholt, 'n boer van Iowa, aan Reuters gesê. Trump het dié deelstaat Donderdag besoek.
Iowa, soos verskeie ander deelstate in die Amerikaanse middeweste, is in die spervuur van China se invoertariewe op hul landbouprodukte nadat die Trump-regering die afgelope maande invoertariewe op staal, aluminium en verskeie ander Chinese produkte ingestel het.
Die Chinese vervaardig die meeste staal ter wêreld en word daarvan beskuldig dat hulle goedkoop staal op wêreldmarkte stort om sodoende staalpryse kunsmatig af te dwing tot laer as die vervaardigers in ander lande se insetkoste.
Trump kry kritiek uit die geledere van sy eie party oor invoertariewe en die “hulppakket” van US$12 miljard aan boere.
“As tariewe boere straf, is die antwoord nie welsyn vir boere nie. Die antwoord is om tariewe te verwyder,” het Rand Paul, 'n Republikein van Kentucky, getwiet.
Die Republikeinse Party is tradisioneel 'n voorstander van vrye handel. – Netwerk24
Trump se regering het vroeër aangekondig hy gaan US$12 miljard beskikbaar stel om Amerikaanse boere te help wat deur die uitkringende handelsoorlog, ook met China, geraak word. Die regering gaan onder meer sojabone en neute koop wat boere nie verkoop kry nie weens China se invoertariewe op dié produkte.
Die Cairns Group Farm Leaders (CGFL), wat boere uit tien lande verteenwoordig wat saam sowat 'n derde van die wêreld se landbou-uitvoer produseer, sê die subsidies sal internasionale landboumarkte net verder skeeftrek en landbouprodusente (soos dié in Suid-Afrika) wat geen of min steun van hul regering kry, verder benadeel.
“Ons vra die Amerikaanse regering om die raad van sy landbou-organisasies te volg en die handelsoorlog te beëindig wat strafmaatreëls teen sy boere tot gevolg het en wat hulle nadelig sal raak.”
Die organisasie sê die uitkringende uitwerking van 'n handelsoorlog “los niks op nie en maak boere en verbruikers ewe seer”.
Suid-Afrikaanse
Die Suid-Afrikaanse landbousakekamer Agbiz is ook lid van die CGFL en volgens dr. John Purchase, uitvoerende hoof van Agbiz, word Suid-Afrika reeds deur die versteuring van landbouhandel geraak.
“Die wêreld is klaar in 'n volskaalse handelsoorlog gedompel en hoewel ons die impak hiervan eers oor 'n ruk sal voel, sal dit aansienlik wees.”
Sojaboonpryse het sedert April met 15% geval nadat China met invoertariewe daarop gedreig het.
Purchase wys daarop dat Suid-Afrikaanse sojaboonpryse uit die internasionale prys afgelei word en dat dit dus ook gedaal het – tot nadeel van plaaslike produsente.
“Om nou die Amerikaanse boere te subsidieer sal hul produksie stimuleer en dit bring net verdere versteuring van die internasionale mark.”
Hy sê landbou-uitvoer is die sensitiefste en polities mees beïnvloedbare deel van internasionale handel.
“Omdat mense emosioneel is oor voedselsekerheid is die landbouhandel altyd in die spervuur van twiste oor handel.”
Amerikaanse boere, wat nagenoeg 20% van hul inkomste uit uitvoer verdien, is dankbaar oor die regeringshulp, maar sou verkies om eerder onbelemmerde marktoegang te hê, volgens Reuters.
“Die hulppakket herinner my aan liefdadigheid en ek wil niks daarmee te doen hê nie,” het Eugene Wiederholt, 'n boer van Iowa, aan Reuters gesê. Trump het dié deelstaat Donderdag besoek.
Iowa, soos verskeie ander deelstate in die Amerikaanse middeweste, is in die spervuur van China se invoertariewe op hul landbouprodukte nadat die Trump-regering die afgelope maande invoertariewe op staal, aluminium en verskeie ander Chinese produkte ingestel het.
Die Chinese vervaardig die meeste staal ter wêreld en word daarvan beskuldig dat hulle goedkoop staal op wêreldmarkte stort om sodoende staalpryse kunsmatig af te dwing tot laer as die vervaardigers in ander lande se insetkoste.
Trump kry kritiek uit die geledere van sy eie party oor invoertariewe en die “hulppakket” van US$12 miljard aan boere.
“As tariewe boere straf, is die antwoord nie welsyn vir boere nie. Die antwoord is om tariewe te verwyder,” het Rand Paul, 'n Republikein van Kentucky, getwiet.
Die Republikeinse Party is tradisioneel 'n voorstander van vrye handel. – Netwerk24
Kommentaar
Republikein
Geen kommentaar is op hierdie artikel gelaat nie