Zim se oud-adjunk dalk van hoogverraad aangekla

Emmerson Mnangagwa, Zimbabwe se voormalige adjunkpresident, kan moontlik aangekla word van hoogverraad nadat hy vroeër vandeesweek uit sy amp verwyder is.Sy afdanking volg ná beweringe dat hy pres. Robert Mugabe (93) ondermyn het.Mnangagwa het ’n sterk bewoorde verklaring uitgereik waarin hy die president afgekraak het. Hy het intussen landuit gevlug.Mnangagwa het beloof om terug te keer om die Zanu-PF te lei, maar hy het egter nie genoem hoe hy beplan om die leisels by die huidige leier oor te neem nie. Dit het volgens NewsDay daartoe gelei dat hoogverraadklagte teen die voormalige adjunk moontlik is.’n Anonieme bron binne die regering sê hy kan aangekla word van “sameswering om ’n grondwetlik verkose regering omver te gooi”.Luidens berigte het Simon Khaya-Moyo, die Zimbabwiese minister van inligting, bevestig dat die land se staatsveiligheid besig is om Mnangagwa se verklaring te ondersoek. Hy het gesê dat ’n aankondiging binnekort gemaak sou word oor die optrede wat teen hom geneem gaan word.’n Klag van hoogverraad kan lei tot die doodstraf of lewenslange tronkstraf in dié land.Intussen berig die Zimbabwe Independent dat die land se departement van kriminele ondersoeke ’n spesiale eenheid bymekaargeroep het om beweerde misdade wat deur Mnangagwa gepleeg is te ondersoek.Die klagte teen hom sluit in dwarsboming van die gereg, korrupsie, poging tot moord en moord.Volgens anonieme bronne was die polisie naby daaraan om vier sake van beweerde moord op te los, wat die voormalige adjunkpresident betrek. – Netwerk24

Zim se oud-adjunk dalk van hoogverraad aangekla

Kommentaar

Republikein 2025-03-12

Meld asseblief aan om kommentaar te lewer

Zim se oud-adjunk dalk van hoogverraad aangekla

Kommentaar

Republikein 2025-03-12

Meld asseblief aan om kommentaar te lewer

MELD AAN

Advertensie