Zimbabwe se onderwysers terug op hul pos
Die onderwysers in Zimbabwe het hul nasionale staking om ’n beter salaris afgelas, het die vakbonde Sondag gesê. Hulle dreig egter om weer te begin staak indien die regering nie gehoor aan hul eise gee nie.
Die onderwysers het op 5 Februarie begin staak nadat onderhandelinge met die regering ’n dooiepunt bereik het.
Hul vakbonde het met Paul Mavima, minister van onderwys, vergader en ooreengekom dat onderwysers weer Maandag by hul skole sal aanmeld.
Die twee grootste vakbonde, die Zimbabwean Teachers’ Union en die Progressive Teachers’ Union of Zimbabwe (PTUZ), sê die regering moet introspeksie doen en met goeie en deurdagte oplossings vorendag kom.
Die vakbonde sê indien dít nie gebeur nie, sal die onderwysers weer staak.
Die staatsdienswerkers eis ’n loonverhoging en betaling in dollar om die stygende inflasie en die ekonomiese krisis in Zimbabwe die hoof te bied. – Netwerk24/Reuters
Die onderwysers het op 5 Februarie begin staak nadat onderhandelinge met die regering ’n dooiepunt bereik het.
Hul vakbonde het met Paul Mavima, minister van onderwys, vergader en ooreengekom dat onderwysers weer Maandag by hul skole sal aanmeld.
Die twee grootste vakbonde, die Zimbabwean Teachers’ Union en die Progressive Teachers’ Union of Zimbabwe (PTUZ), sê die regering moet introspeksie doen en met goeie en deurdagte oplossings vorendag kom.
Die vakbonde sê indien dít nie gebeur nie, sal die onderwysers weer staak.
Die staatsdienswerkers eis ’n loonverhoging en betaling in dollar om die stygende inflasie en die ekonomiese krisis in Zimbabwe die hoof te bied. – Netwerk24/Reuters
Kommentaar
Republikein
Geen kommentaar is op hierdie artikel gelaat nie