27 boorgate vir Kavango-Wes
Krokodille volop in dié gebied
Die streek se goewerneur doen 'n beroep op kantore, ministeries en agentskappe om van hul funksies na streekrade te desentraliseer om dienslewering aan die gemeenskap te verbeter.
Verskeie boorgate is langs die Kavangorivier geboor en geïnstalleer waar krokodille volop is in ’n poging om veilige drinkwater aan inwoners in die Kavango-Wesstreek te voorsien.
Die goewerneur van dié streek, Sirkka Ausiku, het Vrydag aangekondig dat 27 boorgate in die gebied geboor is.
“Daarbenewens is twee tradisionele putte by Sharukwe in die Ncuncuni-kiesafdeling en Tjohwa in die Mpungu-kiesafdeling opgegradeer, terwyl drie gronddamme in die Mpungu-kiesafdeling aangebou is,” het sy bygevoeg.
Hoewel Ausiku dié vordering geprys het, glo sy dat selfs meer gedoen kan word om dié gebiede van water te voorsien.
“Volgens NSA [Namibië Statistiekagentskap] het slegs 76,3% van die bevolking in die streek toegang tot veilige drinkwater en sommige reis steeds minstens 31 km om by waterpunte te kom.
“Ek moedig ook ons gemeenskappe aan om hul waterinfrastruktuur teen vandalisme en diefstal te beskerm,” het sy gesê.
Ausiku het haar waardering teenoor NamWater uitgespreek vir die bekendstelling van die nuwe aanleg vir grootmaat-waterbehandeling op Rundu in reaksie op die streek se versoek vir die bou van waterpypleidings langs nasionale paaie.
PROGRAMME EN PROJEKTE
“Soos voorheen berig gaan die raad in die Kavango-Wesstreek voort om die program vir landelike sanitasie te implementeer.
“Nagenoeg 100 toilette is gedurende die jaar gebou en nog N$2,3 miljoen is vanjaar aan die program toegeken. Meer begrotingstoewysing word egter onder hierdie program vereis om die streek te help om sanitasieprobleme te takel,” het Ausiku bygevoeg.
“Die streek doen steeds ’n beroep op sommige kantore, ministeries en agentskappe om hul funksies na streekrade te desentraliseer om dienslewering aan ons gemeenskap te verbeter.
“Die kantoor van die goewerneur sal voortgaan om hulle uit te nooi om vergaderings te hou om programme en projekte wat in die streek geïmplementeer is, met hulle te deel,” het sy gesê.
BEGROTING
Die goewerneur het verder herhaal dat haar kantoor steeds probleme ondervind om inligting van sommige kantore, miniteries en agentskappe te bekom oor hoe die toegekende ontwikkelings- en bedryfsbegroting in die streek geïmplementeer word.
“Terselfdertyd waardeer die streek die begrotingstoekenning vir die 2024-’25-boekjaar van sowat N$322,3 miljoen vir die ontwikkelingsbegroting met 52 projekte wat deur verskeie kantore, ministerie en agentskappe in die streek geïmplementeer gaan word.
“Die streek doen ’n beroep op alle kantore, ministeries en agentskappe om die toegekende begroting ten volle te implementeer,” het sy gesê.
– [email protected]
Die goewerneur van dié streek, Sirkka Ausiku, het Vrydag aangekondig dat 27 boorgate in die gebied geboor is.
“Daarbenewens is twee tradisionele putte by Sharukwe in die Ncuncuni-kiesafdeling en Tjohwa in die Mpungu-kiesafdeling opgegradeer, terwyl drie gronddamme in die Mpungu-kiesafdeling aangebou is,” het sy bygevoeg.
Hoewel Ausiku dié vordering geprys het, glo sy dat selfs meer gedoen kan word om dié gebiede van water te voorsien.
“Volgens NSA [Namibië Statistiekagentskap] het slegs 76,3% van die bevolking in die streek toegang tot veilige drinkwater en sommige reis steeds minstens 31 km om by waterpunte te kom.
“Ek moedig ook ons gemeenskappe aan om hul waterinfrastruktuur teen vandalisme en diefstal te beskerm,” het sy gesê.
Ausiku het haar waardering teenoor NamWater uitgespreek vir die bekendstelling van die nuwe aanleg vir grootmaat-waterbehandeling op Rundu in reaksie op die streek se versoek vir die bou van waterpypleidings langs nasionale paaie.
PROGRAMME EN PROJEKTE
“Soos voorheen berig gaan die raad in die Kavango-Wesstreek voort om die program vir landelike sanitasie te implementeer.
“Nagenoeg 100 toilette is gedurende die jaar gebou en nog N$2,3 miljoen is vanjaar aan die program toegeken. Meer begrotingstoewysing word egter onder hierdie program vereis om die streek te help om sanitasieprobleme te takel,” het Ausiku bygevoeg.
“Die streek doen steeds ’n beroep op sommige kantore, ministeries en agentskappe om hul funksies na streekrade te desentraliseer om dienslewering aan ons gemeenskap te verbeter.
“Die kantoor van die goewerneur sal voortgaan om hulle uit te nooi om vergaderings te hou om programme en projekte wat in die streek geïmplementeer is, met hulle te deel,” het sy gesê.
BEGROTING
Die goewerneur het verder herhaal dat haar kantoor steeds probleme ondervind om inligting van sommige kantore, miniteries en agentskappe te bekom oor hoe die toegekende ontwikkelings- en bedryfsbegroting in die streek geïmplementeer word.
“Terselfdertyd waardeer die streek die begrotingstoekenning vir die 2024-’25-boekjaar van sowat N$322,3 miljoen vir die ontwikkelingsbegroting met 52 projekte wat deur verskeie kantore, ministerie en agentskappe in die streek geïmplementeer gaan word.
“Die streek doen ’n beroep op alle kantore, ministeries en agentskappe om die toegekende begroting ten volle te implementeer,” het sy gesê.
– [email protected]
Kommentaar
Republikein
Geen kommentaar is op hierdie artikel gelaat nie