Ali se Ark (Deel 1)
'n Hart vir diere
In die eerste aflewering van Ali se Ark begin die storie by 'n Britse nooi wat in 'n klein dorpie in die Verenigde Koninkryk omring deur plase grootgeword het en hoe haar reis met en liefde vir diere haar uiteindelik na die Namibiese platteland sou lei.
Haar grootword op ’n klein dorpie op die Britse platteland het beslis haar liefde vir die natuur gevorm, maar dit is haar reis met diere wat aktief begin het op die ouderdom van 15, wat uiteindelik haar lewenspad sou bepaal.
Ali Ryan van The ARK, 'n veilige hawe vir die redding en rehabilitasie van diere in nood op Omaruru.
Terwyl sy as tiener haar tyd begin spandeer het by ’n kattehuis en tussen hondehokke van diere wat gered is, het Ali toenemend bewus geraak van die stryd wat soveel diere moes deurmaak. In dieselfde tyd wat sy besig was met navorsing vir ’n skoolprojek oor die bewaring van renosters en olifante, het sy tot die besef gekom haar liefde vir diere strek soveel verder as net vir troeteldiere.
“Ek het ’n diep roeping tot Afrika se wildlewe gevoel,” vertel Ali. Van daardie oomblik het sy sleutelbesluite geneem om haar op buite akademiese en praktiese vlak so aantreklik moontlik vir werkgewers te maak om ’n lewe te bou wat toegewyd is tot diere en bewaring.
Ná skool voltooi sy haar studies van vier jaar in dierebestuur aan die Kingston Maurward Kollege waar sy ’n diepgaande begrip kry van diere se gedrag en welstand oor ’n wye reeks spesies - van troetel- tot plaasdiere en selfs eksotiese spesies. Die volgende drie jaar studeer sy vir ’n BSc-graad in Zoölogie met Bewaring aan die Bangor-universiteit met vakke soos taksonomie, morfologie, fisiologie, selbiologie, biodiversiteit, ekologie, gedrag en evolusie. Haar studiereis bring haar na Suid-Afrika en Botswana waar sy vir ses maande as ’n veldgids opgelei word.
“My studies in Suid-Afrika en Botswana het my begrip verdiep van Afrika se ekostelsel as geheel en dit was presies wat ek wou gehad het,” sê Ali.
Haar verbintenis met Namibië begin in 2016 toe sy genoeg geld gespaar het om tydens haar universiteitstudies as vrywilliger by die Elephant Human Relations Aid (EHRA) te werk.
“Die rustigheid van Namibië se landskappe, die warmte van haar mense en natuurlik die ongelooflike wildlewe het my beslis ingetrek!”
In 2019 met haar studies suksesvol agter die rug en op die ouderdom van 23 jaar neem Ali die lewensveranderende besluit om te probeer om ’n lewe op haar eie in Namibië te bou. Aan die begin help sy twee wildlewe-organisasies en hoewel haar passie altyd by wildlewe gelê het, besef Ali sy kan nie haar rug draai op die oorweldigende aantal hulpelose honde en katte nie.
“Hoewel ek altyd so gedrewe was om met wilde diere te werk, moet ’n mens optree wanneer ’n dier in nood is.”
Haar liefde vir diere was nog altyd ’n integrale deel van haar lewe, erken Ali.
“Ek kan eerlik nie my wêreld sonder hulle voorstel nie!”
Om diere te help, is haar doel en sy glo vas om een te hê is ongelooflik belangrik. Van die red van beseerde voëls op ’n jong ouderdom tot die werk op ’n plaas met skape en beeste, help by kattehuise en hondehokke en met die rehabilitasie van wilde diere totdat sy uiteindelik die Ark sou begin, was diere nog altyd die hart van alles wat Ali doen.
Die diere wat hier beland, is dikwels in ’n desperate toestand en sy en haar span spesialiseer om dié te help wat siek, beseer of haweloos is en ook die wat verwaarloos en mishandel is.
“Die onvoorwaardelike vertroue wat hulle in ons het, dryf elke liewe dag my toewyding.”
Die besluit om Omaruru haar tuiste te maak, is grootliks beïnvloed deur die feit dat dit die naaste en mees betroubare veeartse was aan waar Ali begin het om diere te red.
“Dit het net sin gemaak om nader aan die hulpbronne te wees wat nodig is vir die diere, veral omdat soveel van hulle siek is wanneer ons hulle red.”
Dit was egter nie net om praktiese redes wat sy Omaruru sou kies nie. Ali het ook hier haar kollega Corischna Grobler ontmoet.
“Van die oomblik wat ons ontmoet het, het ons gekliek! Sy is sedert 2021 ’n integrale deel van die Ark. Haar toewyding, passie en harde werk het ’n reuse-impak op ons missie gemaak en ons het ’n ware span geword.“
Om na Omaruru te verhuis was nie net oor logistiek nie, maar oor die bande bou en verbintenis met mense wat haar visie deel en kon help om ’n verskil te maak in die diere wat hulle red, sê Ali.
Die Ark se reis begin in 2020 in die Kunenestreek hoofsaaklik tussen Palmwag en Opuwo waar sy die meeste van haar tyd spandeer.
Terwyl sy oraloor Namibië reis, kom Ali baie honde en katte teë wat werklik swaarkry - brandmaer, siek, beseer en dikwels met siektes soos bosluiskoors onder lede.
“Dit was duidelik dat meer hulp nodig was. Self as ek net ’n paar diere kon help!”
Die ARK se doel was altyd eenvoudig, verduidelik Ali - om diere ’n tweede kans te gee.
“Ek wou aan hulle hoop en ’n beter lewe gee, ongeag die toestand waarin hulle gered is. Hoewel daar ongelukkig ook die hartseer tye is wanneer diere op ’n vreedsame manier van hul lyding verlos moet word, kan ’n bietjie geduld, baie liefde en die regte mediese sorg wonderwerke laat gebeur, sê Ali.
Dit is hierdie onbaatsugtige sending wat haar elke dag dryf en waarom sy en Corischna so goed saamwerk, vertel sy.
“Ons albei deel ’n diep passie om behoeftige diere te help, veral dié vir wie die lewe ’n seer kant gewys het.”
Die ARK het vir die eerste keer die lig gesien by Ali se huis in Khowarib en het later na haar huis in Omaruru verskuif. Soos die aantal diere egter gegroei het, moes die diere na ’n meer geskikte area verskuif word. Basiese hondehokke en ’n kattehuis is op ’n industriële landgoed in Omaruru gebou wat vir twee jaar die ARK se tuiste was.
Vandag het die rehabilitasiesentrum en veilige hawe vir diere ’n mooi, uitgebreide perseel net buite Omaruru.
Tans word sowat 110 diere hier versorg, met die perseel wat ook die ARK se eie praktyk het waar Ali-hulle saam met veeartse werk om siek en beseerde diere te behandel en te versorg.
Die sentrum wat in 2021 amptelik as ’n nie-winsgewende organisasie geregistreer is, het twee groot kattehuise, drie klein kattehuise en dan 30 hondehokke wat ook ses kleiner hokke insluit vir verpligte kwarantyn wanneer diere vir die eerste keer by die ARK inboek. - [email protected]
Ali Ryan van The ARK, 'n veilige hawe vir die redding en rehabilitasie van diere in nood op Omaruru.
Terwyl sy as tiener haar tyd begin spandeer het by ’n kattehuis en tussen hondehokke van diere wat gered is, het Ali toenemend bewus geraak van die stryd wat soveel diere moes deurmaak. In dieselfde tyd wat sy besig was met navorsing vir ’n skoolprojek oor die bewaring van renosters en olifante, het sy tot die besef gekom haar liefde vir diere strek soveel verder as net vir troeteldiere.
“Ek het ’n diep roeping tot Afrika se wildlewe gevoel,” vertel Ali. Van daardie oomblik het sy sleutelbesluite geneem om haar op buite akademiese en praktiese vlak so aantreklik moontlik vir werkgewers te maak om ’n lewe te bou wat toegewyd is tot diere en bewaring.
Ná skool voltooi sy haar studies van vier jaar in dierebestuur aan die Kingston Maurward Kollege waar sy ’n diepgaande begrip kry van diere se gedrag en welstand oor ’n wye reeks spesies - van troetel- tot plaasdiere en selfs eksotiese spesies. Die volgende drie jaar studeer sy vir ’n BSc-graad in Zoölogie met Bewaring aan die Bangor-universiteit met vakke soos taksonomie, morfologie, fisiologie, selbiologie, biodiversiteit, ekologie, gedrag en evolusie. Haar studiereis bring haar na Suid-Afrika en Botswana waar sy vir ses maande as ’n veldgids opgelei word.
“My studies in Suid-Afrika en Botswana het my begrip verdiep van Afrika se ekostelsel as geheel en dit was presies wat ek wou gehad het,” sê Ali.
Haar verbintenis met Namibië begin in 2016 toe sy genoeg geld gespaar het om tydens haar universiteitstudies as vrywilliger by die Elephant Human Relations Aid (EHRA) te werk.
“Die rustigheid van Namibië se landskappe, die warmte van haar mense en natuurlik die ongelooflike wildlewe het my beslis ingetrek!”
In 2019 met haar studies suksesvol agter die rug en op die ouderdom van 23 jaar neem Ali die lewensveranderende besluit om te probeer om ’n lewe op haar eie in Namibië te bou. Aan die begin help sy twee wildlewe-organisasies en hoewel haar passie altyd by wildlewe gelê het, besef Ali sy kan nie haar rug draai op die oorweldigende aantal hulpelose honde en katte nie.
“Hoewel ek altyd so gedrewe was om met wilde diere te werk, moet ’n mens optree wanneer ’n dier in nood is.”
Haar liefde vir diere was nog altyd ’n integrale deel van haar lewe, erken Ali.
“Ek kan eerlik nie my wêreld sonder hulle voorstel nie!”
Om diere te help, is haar doel en sy glo vas om een te hê is ongelooflik belangrik. Van die red van beseerde voëls op ’n jong ouderdom tot die werk op ’n plaas met skape en beeste, help by kattehuise en hondehokke en met die rehabilitasie van wilde diere totdat sy uiteindelik die Ark sou begin, was diere nog altyd die hart van alles wat Ali doen.
Die diere wat hier beland, is dikwels in ’n desperate toestand en sy en haar span spesialiseer om dié te help wat siek, beseer of haweloos is en ook die wat verwaarloos en mishandel is.
“Die onvoorwaardelike vertroue wat hulle in ons het, dryf elke liewe dag my toewyding.”
Die besluit om Omaruru haar tuiste te maak, is grootliks beïnvloed deur die feit dat dit die naaste en mees betroubare veeartse was aan waar Ali begin het om diere te red.
“Dit het net sin gemaak om nader aan die hulpbronne te wees wat nodig is vir die diere, veral omdat soveel van hulle siek is wanneer ons hulle red.”
Dit was egter nie net om praktiese redes wat sy Omaruru sou kies nie. Ali het ook hier haar kollega Corischna Grobler ontmoet.
“Van die oomblik wat ons ontmoet het, het ons gekliek! Sy is sedert 2021 ’n integrale deel van die Ark. Haar toewyding, passie en harde werk het ’n reuse-impak op ons missie gemaak en ons het ’n ware span geword.“
Om na Omaruru te verhuis was nie net oor logistiek nie, maar oor die bande bou en verbintenis met mense wat haar visie deel en kon help om ’n verskil te maak in die diere wat hulle red, sê Ali.
Die Ark se reis begin in 2020 in die Kunenestreek hoofsaaklik tussen Palmwag en Opuwo waar sy die meeste van haar tyd spandeer.
Terwyl sy oraloor Namibië reis, kom Ali baie honde en katte teë wat werklik swaarkry - brandmaer, siek, beseer en dikwels met siektes soos bosluiskoors onder lede.
“Dit was duidelik dat meer hulp nodig was. Self as ek net ’n paar diere kon help!”
Die ARK se doel was altyd eenvoudig, verduidelik Ali - om diere ’n tweede kans te gee.
“Ek wou aan hulle hoop en ’n beter lewe gee, ongeag die toestand waarin hulle gered is. Hoewel daar ongelukkig ook die hartseer tye is wanneer diere op ’n vreedsame manier van hul lyding verlos moet word, kan ’n bietjie geduld, baie liefde en die regte mediese sorg wonderwerke laat gebeur, sê Ali.
Dit is hierdie onbaatsugtige sending wat haar elke dag dryf en waarom sy en Corischna so goed saamwerk, vertel sy.
“Ons albei deel ’n diep passie om behoeftige diere te help, veral dié vir wie die lewe ’n seer kant gewys het.”
Die ARK het vir die eerste keer die lig gesien by Ali se huis in Khowarib en het later na haar huis in Omaruru verskuif. Soos die aantal diere egter gegroei het, moes die diere na ’n meer geskikte area verskuif word. Basiese hondehokke en ’n kattehuis is op ’n industriële landgoed in Omaruru gebou wat vir twee jaar die ARK se tuiste was.
Vandag het die rehabilitasiesentrum en veilige hawe vir diere ’n mooi, uitgebreide perseel net buite Omaruru.
Tans word sowat 110 diere hier versorg, met die perseel wat ook die ARK se eie praktyk het waar Ali-hulle saam met veeartse werk om siek en beseerde diere te behandel en te versorg.
Die sentrum wat in 2021 amptelik as ’n nie-winsgewende organisasie geregistreer is, het twee groot kattehuise, drie klein kattehuise en dan 30 hondehokke wat ook ses kleiner hokke insluit vir verpligte kwarantyn wanneer diere vir die eerste keer by die ARK inboek. - [email protected]
Kommentaar
Republikein
Geen kommentaar is op hierdie artikel gelaat nie