Eerste waarneming van suidelike noordkappers
Twee suidelike noordkapperwalvisse is Vrydag in Guanobaai by Lüderitz gewaar.
Dit is die eerste aangetekende waarneming van dié spesie vir die jaar.
Die suidelike noordkapper is ’n paar dekades gelede amper in Namibië se waters uitgewis. Sedert waarnemings van die spesie in die 1990’s, het waarnemings meer algemeen voorgekom namate die plaaslike bevolking stadig begin herstel het, het Lüderitz Marine Research op hulle Facebook-blad gesê.
In Namibiese waters word hulle meestal tussen einde Mei en laat Oktober waargeneem, terwyl hulle gedurende die Namibiese somer na sub-Antarktiese waters migreer.
In onlangse jare het die waarnemings van Namibië merkbaar afgeneem, wat vrae laat ontstaan het oor moontlike veranderinge in migrasiepatrone weens klimaatsverandering.
Hoewel laat in die seisoen, bewys die twee walvisse in Guanobaai by die Halifax-eiland dat Namibiese waters steeds deel van dié ikoniese spesie se omvang uitmaak.
Dit wil voorkom of dit twee jong volwasse walvisse is.
’n Geboorte van hierdie spesie in Namibiese waters is etlike jare laas aangeteken.
– [email protected]
Dit is die eerste aangetekende waarneming van dié spesie vir die jaar.
Die suidelike noordkapper is ’n paar dekades gelede amper in Namibië se waters uitgewis. Sedert waarnemings van die spesie in die 1990’s, het waarnemings meer algemeen voorgekom namate die plaaslike bevolking stadig begin herstel het, het Lüderitz Marine Research op hulle Facebook-blad gesê.
In Namibiese waters word hulle meestal tussen einde Mei en laat Oktober waargeneem, terwyl hulle gedurende die Namibiese somer na sub-Antarktiese waters migreer.
In onlangse jare het die waarnemings van Namibië merkbaar afgeneem, wat vrae laat ontstaan het oor moontlike veranderinge in migrasiepatrone weens klimaatsverandering.
Hoewel laat in die seisoen, bewys die twee walvisse in Guanobaai by die Halifax-eiland dat Namibiese waters steeds deel van dié ikoniese spesie se omvang uitmaak.
Dit wil voorkom of dit twee jong volwasse walvisse is.
’n Geboorte van hierdie spesie in Namibiese waters is etlike jare laas aangeteken.
– [email protected]
Kommentaar
Republikein
Geen kommentaar is op hierdie artikel gelaat nie