Gemeenskapsbewaring laat die geld inrol

Gemeenskapsbewaring het ’n geraamde N$1,075 miljard tot Namibië se netto nasionale inkomste in 2023 bygedra, wat die totale bydrae van 1990 tot die einde van 2023 op meer as N$15,2 miljard te staan bring.Gemeenskapsbewaringsgebiede beslaan ongeveer 60,7% van alle kommunale grond in Namibië, wat na raming 244 587 inwoners ondersteun en 2 340 werksgeleenthede skep.Hierdie syfers is van die jongste verslag oor die stand van gemeenskapsbewaring vir 2023.Gemeenskapsbewaringsgebiede strek oor 185 809 vierkante kilometer, met bewaringsgebiede wat 166 179 vierkante kilometer bestuur – 20,2% van Namibië se landskap.In 2023 was 1 057 mense direk in diens van bewaringsgebiede.WERKSKEPPINGAltesaam 74 gesamentlike ondernemings binne bewaringsgebiede het 934 mense voltyds en 104 deeltyds in diens gehad, terwyl 57 jagkonsessies 165 voltydse en 80 deeltydse werksgeleenthede geskep het.Van die N$166 miljoen kontant en ander voordele wat in 2023 deur bewaringsgebiede gegenereer is, het bewaringsjag N$48,9 miljoen ingebring, met ’n vleiswaarde van N$2,4 miljoen, lui die verslag.Toerisme het N$111 miljoen genenereer, inheemse plantprodukte N$1,19 miljoen, terwyl ander inkomste meer as N$3,07 miljoen ingebring het.Inwoners van bewaringsgebiede het ’n totale kontantinkomste van N$90,5 miljoen verdien.Hiervan was meer as N$57,7 miljoen afkomstig van gesamentlike ondernemingstoerisme, N$30,7 miljoen van bewaringsgebiede en N$1,9 miljoen uit bewaringsjag.Gemeenskappe het meer as 90 000 kilogram wildsvleis van trofeejag ontvang, terwyl meer as N$28 miljoen se kontantvoordele aan inwoners uitgedeel is en gebruik is om gemeenskapsprojekte te ondersteun. – republikein@republikein.com.na

Gemeenskapsbewaring laat die geld inrol

Kommentaar

Republikein 2025-03-18

Meld asseblief aan om kommentaar te lewer

Gemeenskapsbewaring laat die geld inrol

Kommentaar

Republikein 2025-03-18

Meld asseblief aan om kommentaar te lewer

MELD AAN

Advertensie