Jagters gelok by twee jagskoue in VSA
Sowat 30 Namibiese verteenwoordigers het verlede week die gewilde internasionale jagskou van Safari Club International (SCI) in Nashville in die Amerikaanse deelstaat Tennessee bygewoon waar rekordsyfers van meer as 18 000 jag- en buitelug-entoesiaste en 950 uitstallers toegesak het.
Vroeër in middel Januarie het verteenwoordigers van die Namibiese jagsektor en die Namibië Toerismeraad (NTB), asook die Namibiese ambassadeur in die VSA, Margaret Mensah-Williams, die Dallas Safari Club-jagskou in Atlanta in die deelstaat Georgia bygewoon.
Lede van die Namibiese Professionele Jagtersvereniging (Napha), was by beide jagskoue teenwoordig, maar die minister van die omgewing, bosbou en toerisme, Pohamba Shifeta het nie soos gewoonlik die Dallas Safari Club-jagskou bygewoon nie, met ministeriebeamptes wat by die SCI-jagskou teenwoordig was.
Volgens die president van Napha, Axel Cramer, was beide jagskoue 'n reuse-sukses en is die Namibiese vlag hoog in Amerika gewaai.
"Sowat 30 Namibiese uitstallers was van Woensdag tot Saterdag in Nashville. Van ons Napha-lede het bevestig daar was groot belangstelling in veral grootwildjagtogte vir onder meer olifante, krokodille en buffels, maar nie soveel vir vlaktewild nie," het Cramer uit Nashville aan Network Media Hub (NMH) gesê.
Hy het gesê daar was sterk mededinging uit Afrika by die jagskoue, veral uit Suid-Afrika, asook Tanzanië en Zambië.
- [email protected]
Vroeër in middel Januarie het verteenwoordigers van die Namibiese jagsektor en die Namibië Toerismeraad (NTB), asook die Namibiese ambassadeur in die VSA, Margaret Mensah-Williams, die Dallas Safari Club-jagskou in Atlanta in die deelstaat Georgia bygewoon.
Lede van die Namibiese Professionele Jagtersvereniging (Napha), was by beide jagskoue teenwoordig, maar die minister van die omgewing, bosbou en toerisme, Pohamba Shifeta het nie soos gewoonlik die Dallas Safari Club-jagskou bygewoon nie, met ministeriebeamptes wat by die SCI-jagskou teenwoordig was.
Volgens die president van Napha, Axel Cramer, was beide jagskoue 'n reuse-sukses en is die Namibiese vlag hoog in Amerika gewaai.
"Sowat 30 Namibiese uitstallers was van Woensdag tot Saterdag in Nashville. Van ons Napha-lede het bevestig daar was groot belangstelling in veral grootwildjagtogte vir onder meer olifante, krokodille en buffels, maar nie soveel vir vlaktewild nie," het Cramer uit Nashville aan Network Media Hub (NMH) gesê.
Hy het gesê daar was sterk mededinging uit Afrika by die jagskoue, veral uit Suid-Afrika, asook Tanzanië en Zambië.
- [email protected]
Kommentaar
Republikein
Geen kommentaar is op hierdie artikel gelaat nie