Meer as 2 300 plante, diere waargeneem
Algeheel 10de uit 35 projekte
Namibië se poging is gelei deur die Gobabeb Namib Navorsingsinstituut wat plaaslik aan die stuur gestaan het van die multinasionale poging in die Sentrale Namib Bioblitz.
Henriette Lamprecht – In Oktober verlede jaar het kenners in biodiversiteit, sowel as amateur-wetenskaplikes oraloor die Suidelike Halfrond vir vier dae kragte saamgesnoer vir die Groot Suidelike Bioblitz (GSB 2022), waartydens alle lewende spesies in ’n afgebakende gebied in die globale suide aangeteken word.
Namibië se poging is deur die Gobabeb Namib Navorsingsinstituut gelei, wat plaaslik aan die stuur gestaan het van die multinasionale poging in die Sentrale Namib Bioblitz.
Verskeie spanne waarnemers het oor die grysvlaktes van die Namibwoestyn vanaf die kus tot die groot platorand meer as 2 300 waarnemings van plante, diere (buiten honde en katte) en ligene aangeteken.
Meer as 200 vrywillige spesialiste het gehelp om meer as 550 spesies te identifiseer. Dit was Namibië se eerste deelname aan die Groot Suidelike Bioblitz. Die hoofdoel van die opname is om die fenomenale biodiversiteit uit te lig wat oraloor die Suidelike Halfrond gevind word.
Nog ’n doelwit is om Jan Publiek se omgang met en belangstelling in die natuur aan te wakker met die hulp van die toepassing vir burgerlike wetenskaplikes, iNaturalist.
Waarnemers neem foto’s, laai dit op die toepassing en kundiges oraloor die wêreld help om die spesies te identifiseer. Die jaarlikse geleentheid het nou gegroei om navorsingsinstellings, universiteite, munisipaliteite, gemeenskappe, belangegroepe en individuele natuurkenners oor drie vastelande en 26 lande in die Suidelike Halfrond in te stel.
Gobabeb het die Sentrale Namib Bioblitz voorgestel, ontwikkel en gekoördineer. Buiten die netwerk van waarnemers wat deelgeneem het, het Gobabeb ook leerlinge van twee sekondêre skole aan die kus – die Sekondêre Skool Swakopmund en Hoërskool Westside – betrek by die naweek wat klem gelê het op die belangrikheid van die biodiversiteit van die woestyn, sowel as maniere om diere in die natuur waar te neem.
Die leerlinge het aan groepwandelinge in die vroeë oggendure, laatmiddag deelgeneem en ook in die aand om te sien watter diere is wanneer aktief in die Namib.
Hul deelname is deur die Verenigde Nasies se Ontwikkelingsprogram (UNDP) ondersteun. Buiten die vyf spanne bestaande uit Gobabeb-personeel, het ywerige lede van die publiek ook die afgebakende deel van die woestyn ingevaar. Toestemming vir toegang tot die aangewese projekgebied binne die Namib-Naukluft Nasionale Park is deur die ministerie van omgewing, bosbou en toerisme verleen.
Die wenner van vanjaar se Blitz was die Overstrand-projek in die Wes-Kaap wat 2 623 spesies, via 19 807 waarnemings deur 171 mense aangeteken het.
Gobabeb se poging het Namibië ’n 10de plek uit ’n algehele 35 projekte vir suidelike Afrika besorg en ’n 19de plek vir die algehele GSB 2022.
– [email protected]
Namibië se poging is deur die Gobabeb Namib Navorsingsinstituut gelei, wat plaaslik aan die stuur gestaan het van die multinasionale poging in die Sentrale Namib Bioblitz.
Verskeie spanne waarnemers het oor die grysvlaktes van die Namibwoestyn vanaf die kus tot die groot platorand meer as 2 300 waarnemings van plante, diere (buiten honde en katte) en ligene aangeteken.
Meer as 200 vrywillige spesialiste het gehelp om meer as 550 spesies te identifiseer. Dit was Namibië se eerste deelname aan die Groot Suidelike Bioblitz. Die hoofdoel van die opname is om die fenomenale biodiversiteit uit te lig wat oraloor die Suidelike Halfrond gevind word.
Nog ’n doelwit is om Jan Publiek se omgang met en belangstelling in die natuur aan te wakker met die hulp van die toepassing vir burgerlike wetenskaplikes, iNaturalist.
Waarnemers neem foto’s, laai dit op die toepassing en kundiges oraloor die wêreld help om die spesies te identifiseer. Die jaarlikse geleentheid het nou gegroei om navorsingsinstellings, universiteite, munisipaliteite, gemeenskappe, belangegroepe en individuele natuurkenners oor drie vastelande en 26 lande in die Suidelike Halfrond in te stel.
Gobabeb het die Sentrale Namib Bioblitz voorgestel, ontwikkel en gekoördineer. Buiten die netwerk van waarnemers wat deelgeneem het, het Gobabeb ook leerlinge van twee sekondêre skole aan die kus – die Sekondêre Skool Swakopmund en Hoërskool Westside – betrek by die naweek wat klem gelê het op die belangrikheid van die biodiversiteit van die woestyn, sowel as maniere om diere in die natuur waar te neem.
Die leerlinge het aan groepwandelinge in die vroeë oggendure, laatmiddag deelgeneem en ook in die aand om te sien watter diere is wanneer aktief in die Namib.
Hul deelname is deur die Verenigde Nasies se Ontwikkelingsprogram (UNDP) ondersteun. Buiten die vyf spanne bestaande uit Gobabeb-personeel, het ywerige lede van die publiek ook die afgebakende deel van die woestyn ingevaar. Toestemming vir toegang tot die aangewese projekgebied binne die Namib-Naukluft Nasionale Park is deur die ministerie van omgewing, bosbou en toerisme verleen.
Die wenner van vanjaar se Blitz was die Overstrand-projek in die Wes-Kaap wat 2 623 spesies, via 19 807 waarnemings deur 171 mense aangeteken het.
Gobabeb se poging het Namibië ’n 10de plek uit ’n algehele 35 projekte vir suidelike Afrika besorg en ’n 19de plek vir die algehele GSB 2022.
– [email protected]
Kommentaar
Republikein
Geen kommentaar is op hierdie artikel gelaat nie