Mynbouplan verdeel Aranos-gemeenskap
Soek antwoorde oor risiko’s
Terwyl sommige gemeenskapslede bekommerd is oor moontlike besoedeling, is ander optimisties oor ontwikkelingsgeleenthede wat die voorgestelde mynbouplan na die gebied kan bring.
Die Aranos-gemeenskap is verdeeld oor Headspring Investment se uraansoektog in die Leonardville-area, waarvoor ’n mynproses bekend as in situ-uitloging voorgestel word. Terwyl sommiges ten gunste daarvan is, is ’n ander groep van die gemeenskap sterk teen die voorgestelde ontwikkeling gekant.
Die maatskappy het ’n openbare bewusmakingsveldtog van stapel gestuur en het gemeenskapslede se bekommernisse tydens ’n onlangse besoek aan Aranos aangeroer.
Mnr. Jako van Wyk, ’n lid van die Stampriet-akwiferkomitee, het gesê Headspring Investments verskaf nie die nodige antwoorde op vrae rondom sy voorgestelde mynbouprosesse nie.
“My persoonlike mening is dat hulle met ’n openbare skakelveldtog besig is. Hulle het nie ons vrae beantwoord oor die hoeveelheid water wat in die akwifer gepomp word nie en mense in hierdie omgewing is afhanklik van die waterbronne,” het Van Wyk gesê.
“Ons is nou die dag ingelig dat die water kernaktiewe nukliede bevat. My familie het in hierdie gebied met hierdie water geboer, maar niemand in my familie is dood aan kanker as gevolg van hierdie nukliede nie,” het hy gesê.
“Die kern van die saak hier is, tensy hulle kan verseker dat besoedeling nie sal plaasvind nie, sal ons nie dié mynboubedrywighede toelaat nie,” het Van Wyk bygevoeg.
Mnr. Nico Smit, die Popular Democratic Movement se parlementslid, het op sy beurt gesê eksplorasieaktiwiteite wat in die artesiese kom by Stampriet uitgevoer is, het tot die besoedeling daarvan gelei.
“Die gemeenskap is gekant teen eksplorasie en enige mynbou in die akwifer. Daar is besoedeling en ons weet dit. Waar kom dit vandaan? Dit is as gevolg van die boorwerk,” het Smit gesê.
VRESE VIR BESOEDELING
Mnr. Danie Kotze, wat ’n petisie teen voorgestelde in situ-mynbou gelei het, het gesê enige moontlike besoedeling weens mynbou kan daartoe lei dat die hele akwifer as onbruikbaar geag word.
“Hulle vertel ’n mooi storie, maar hulle lig ons nie in oor die risiko’s nie, naamlik dat die water besoedel sal word en ons almal geraak sal word. Niks het hier gebeur totdat daar grondwater was nie en ons is heeltemal teen hierdie ontwikkeling,” het Kotze gesê.
’n Lid van die Aranos-dorpsraad, mnr. Hans Baffrath, was optimisties dat die mynbouplan verdere ontwikkeling na Aranos sou bring.
“Dis iets wat ontwikkeling en werksgeleenthede na Aranos sal bring. Hoe stop ons iets wat ontwikkeling kan bring?” het hy gevra.
Gemeenskapslede wat nie Headspring se betrokkenheid in die gebied geboikot het nie, het gesê die petisie verteenwoordig slegs ’n sekere deel van die Aranos-gemeenskap se oortuigings.
“Die wit gemeenskap, die boere is teen hierdie ontwikkeling. Hulle is bang die plase word gekoop,” het gemeenskapslede buite die Rooms-Katolieke kerksaal in Aranos gesê.
“Die wit mense manipuleer mense. Wat Headspring gesê het en wat ons van hulle hoor, is twee verskillende goed,” het hulle bygevoeg.
Headspring voer tans ’n bewusmakingsveldtog in die Hardap- en Omahekestreek uit. Hulle sou verlede week soortgelyke vergaderings op Leonardville en Aminuis hou.
– [email protected]
Die maatskappy het ’n openbare bewusmakingsveldtog van stapel gestuur en het gemeenskapslede se bekommernisse tydens ’n onlangse besoek aan Aranos aangeroer.
Mnr. Jako van Wyk, ’n lid van die Stampriet-akwiferkomitee, het gesê Headspring Investments verskaf nie die nodige antwoorde op vrae rondom sy voorgestelde mynbouprosesse nie.
“My persoonlike mening is dat hulle met ’n openbare skakelveldtog besig is. Hulle het nie ons vrae beantwoord oor die hoeveelheid water wat in die akwifer gepomp word nie en mense in hierdie omgewing is afhanklik van die waterbronne,” het Van Wyk gesê.
“Ons is nou die dag ingelig dat die water kernaktiewe nukliede bevat. My familie het in hierdie gebied met hierdie water geboer, maar niemand in my familie is dood aan kanker as gevolg van hierdie nukliede nie,” het hy gesê.
“Die kern van die saak hier is, tensy hulle kan verseker dat besoedeling nie sal plaasvind nie, sal ons nie dié mynboubedrywighede toelaat nie,” het Van Wyk bygevoeg.
Mnr. Nico Smit, die Popular Democratic Movement se parlementslid, het op sy beurt gesê eksplorasieaktiwiteite wat in die artesiese kom by Stampriet uitgevoer is, het tot die besoedeling daarvan gelei.
“Die gemeenskap is gekant teen eksplorasie en enige mynbou in die akwifer. Daar is besoedeling en ons weet dit. Waar kom dit vandaan? Dit is as gevolg van die boorwerk,” het Smit gesê.
VRESE VIR BESOEDELING
Mnr. Danie Kotze, wat ’n petisie teen voorgestelde in situ-mynbou gelei het, het gesê enige moontlike besoedeling weens mynbou kan daartoe lei dat die hele akwifer as onbruikbaar geag word.
“Hulle vertel ’n mooi storie, maar hulle lig ons nie in oor die risiko’s nie, naamlik dat die water besoedel sal word en ons almal geraak sal word. Niks het hier gebeur totdat daar grondwater was nie en ons is heeltemal teen hierdie ontwikkeling,” het Kotze gesê.
’n Lid van die Aranos-dorpsraad, mnr. Hans Baffrath, was optimisties dat die mynbouplan verdere ontwikkeling na Aranos sou bring.
“Dis iets wat ontwikkeling en werksgeleenthede na Aranos sal bring. Hoe stop ons iets wat ontwikkeling kan bring?” het hy gevra.
Gemeenskapslede wat nie Headspring se betrokkenheid in die gebied geboikot het nie, het gesê die petisie verteenwoordig slegs ’n sekere deel van die Aranos-gemeenskap se oortuigings.
“Die wit gemeenskap, die boere is teen hierdie ontwikkeling. Hulle is bang die plase word gekoop,” het gemeenskapslede buite die Rooms-Katolieke kerksaal in Aranos gesê.
“Die wit mense manipuleer mense. Wat Headspring gesê het en wat ons van hulle hoor, is twee verskillende goed,” het hulle bygevoeg.
Headspring voer tans ’n bewusmakingsveldtog in die Hardap- en Omahekestreek uit. Hulle sou verlede week soortgelyke vergaderings op Leonardville en Aminuis hou.
– [email protected]
Kommentaar
Republikein
Geen kommentaar is op hierdie artikel gelaat nie