Parlementariërs gesensitiseer oor dringende klimaatsrisiko’s
Vergader fokus op bewusmaking
Die omgewingsminister meen dat parlementariërs 'n belangrike rol het om te speel in die monitering en versekering van aanspreeklikheid in terme van aksies wat die klimaat bedreig.
’n Vergadering is verlede week in Windhoek gehou wat daarop gemik was om parlementariërs te sensitiseer oor klimaatsrisiko’s wat die Suider-Afrikaanse streek in die gesig staar.
Dit het verder gefokus op bewusmaking oor nasionale en internasionale verpligtinge om klimaatsverandering te bekamp.
Die minister van die omgewing, bosbou en toerisme, Pohamba Shifeta, het die tweede parlementêre streekvergadering vir Suider-Afrika oor die versterking van die kapasiteit van nasionale parlemente oor die aanspreeklikheid en verslagdoening oor klimaatsaksie geopen.
Shifeta het gesê die afgelope jare het die dringendheid om klimaatsverandering te takel al hoe duideliker geword.
“Ons streek staar unieke en dringende klimaatsuitdagings in die gesig, wat dit noodsaaklik vir ons maak om ingelig te bly en proaktief op te tree.”
Hy het gesê dat die Suider-Afrikaanse Ontwikkelingsgemeenskap (SADC)-streek daagliks die negatiewe impak van klimaatsverandering aanskou en dit ervaar deur erge droogtes, migrasies, ernstige vloede en ander natuurrampe.
“Hierdie geleentheid het ten doel om ons op hoogte te hou van die wetgewende raamwerke wat dwarsoor ons nasies in plek is, om ervarings te deel oor die instrumente wat ons vir monitering kan gebruik en om die vordering vir die implementering oor beleide te volg.”
AANSPREEKLIKHEID
Shifeta het gesê dat hulle as parlementariërs en verteenwoordigers van die mense ’n belangrike rol het om te speel in die monitering en versekering van aanspreeklikheid in terme van aksies wat die klimaat bedreig.
“Ons is toevertrou met die verantwoordelikheid om nie net die kompleksiteit van klimaatsrisiko’s te verstaan ??nie, maar ook om ons onderskeie regerings te lei in die neem van ingeligte en doeltreffende beleidsbesluite.”
Hy meen dat hulle deur die bespreking van sleutelelemente van toesig- en vorderingsopsporinginstrumente, hul vermoë kan verbeter om onderskeie regerings aanspreeklik te hou en te verseker dat klimaatsverpligtinge nagekom word.
“Die rol van die parlement in die ondersoek en leiding van hierdie pogings kan dus nie oorbeklemtoon word nie.”
Shifeta het bygevoeg dat die vergadering 'n magdom kennis en ervaring van oraloor die streek bymekaargebring het.
Hy meen dat hulle die beste praktyke, uitdagings en innoverende oplossings kan deel om gesamentlik die vermoë te verbeter om doeltreffend toesig te hou oor klimaatsaksie.
– [email protected]
Dit het verder gefokus op bewusmaking oor nasionale en internasionale verpligtinge om klimaatsverandering te bekamp.
Die minister van die omgewing, bosbou en toerisme, Pohamba Shifeta, het die tweede parlementêre streekvergadering vir Suider-Afrika oor die versterking van die kapasiteit van nasionale parlemente oor die aanspreeklikheid en verslagdoening oor klimaatsaksie geopen.
Shifeta het gesê die afgelope jare het die dringendheid om klimaatsverandering te takel al hoe duideliker geword.
“Ons streek staar unieke en dringende klimaatsuitdagings in die gesig, wat dit noodsaaklik vir ons maak om ingelig te bly en proaktief op te tree.”
Hy het gesê dat die Suider-Afrikaanse Ontwikkelingsgemeenskap (SADC)-streek daagliks die negatiewe impak van klimaatsverandering aanskou en dit ervaar deur erge droogtes, migrasies, ernstige vloede en ander natuurrampe.
“Hierdie geleentheid het ten doel om ons op hoogte te hou van die wetgewende raamwerke wat dwarsoor ons nasies in plek is, om ervarings te deel oor die instrumente wat ons vir monitering kan gebruik en om die vordering vir die implementering oor beleide te volg.”
AANSPREEKLIKHEID
Shifeta het gesê dat hulle as parlementariërs en verteenwoordigers van die mense ’n belangrike rol het om te speel in die monitering en versekering van aanspreeklikheid in terme van aksies wat die klimaat bedreig.
“Ons is toevertrou met die verantwoordelikheid om nie net die kompleksiteit van klimaatsrisiko’s te verstaan ??nie, maar ook om ons onderskeie regerings te lei in die neem van ingeligte en doeltreffende beleidsbesluite.”
Hy meen dat hulle deur die bespreking van sleutelelemente van toesig- en vorderingsopsporinginstrumente, hul vermoë kan verbeter om onderskeie regerings aanspreeklik te hou en te verseker dat klimaatsverpligtinge nagekom word.
“Die rol van die parlement in die ondersoek en leiding van hierdie pogings kan dus nie oorbeklemtoon word nie.”
Shifeta het bygevoeg dat die vergadering 'n magdom kennis en ervaring van oraloor die streek bymekaargebring het.
Hy meen dat hulle die beste praktyke, uitdagings en innoverende oplossings kan deel om gesamentlik die vermoë te verbeter om doeltreffend toesig te hou oor klimaatsaksie.
– [email protected]
Kommentaar
Republikein
Geen kommentaar is op hierdie artikel gelaat nie