Shifeta geskok oor moontlike verbod
Duitsland se voorneme as ‘onwettig’ beskou
Sowat 80% van Duitse jagters beskou Namibië as hul gunsteling-jagbestemming in Afrika.
Ellanie Smit – Die minister van die omgewing, bosbou en toerisme het in ’n brief aan die Duitse minister van omgewingsake sy skok uitgespreek dat dié land voortgaan met sy pogings om die invoer van jagtrofeë verder te beperk of te verbied, en dit as onwettig beskryf.
“Ons is verstom om van verskeie bronne te verneem dat die Duitse federale ministerie vir die omgewing, bewaring, kernveiligheid en verbruikersbeskerming beplan om die invoer van jagtrofeë van diere gelys in aanhangsels I en II van die Konvensie op Internasionale Handel in Bedreigde spesies (Cites) moeiliker te maak en in sommige gevalle dit heeltemal te verbied,” sê Shifeta.
Volgens die minister wil hy daarom “vriendelik vra” wat die basis is vir dié beoogde optrede, asook watter tipe invoere Duitsland spesifiek van plan is om te beperk buiten die Cites-regulasies wat reeds in plek is.
“Ons is bekommerd oor die huidige verwikkelinge in Duitsland met betrekking tot die wettige invoer van jagtrofeë, aangesien verdere Duitse en of Europese beperkings en verbod op invoere Namibië se spesiebewaringstrategie onvermydelik sal benadeel.”
Shifeta het beklemtoon Duitse gaste speel ’n noodsaaklike rol vir Namibiese kommunale en private grondeienaars, met 80% van Duitse jagters wat Namibië as hul gunsteling-jagbestemming in Afrika bestempel.
Volgens die minister beskou die ministerie enige beperking of verbod op jagtrofeë gelys in Cites aanhangsel I en II wat verder as die Cites-regulasies strek, as eensydige, onwettige en neo-koloniale inmenging met Namibië se soewereine reg tot die volhoubare gebruik van sy hulpbronne.
Shifeta sê sommige van die spesies wat in die Cites-aanhangsels gelys word, is in oorvloed en neem toe in Namibië. Dit sluit in olifante, swart- en witrenosters, leeus, luiperds, Hartmann-sebras en kameelperde.
“Soos in Duitsland en Europa het wilde spesies volhoubare, gereguleerde bestuur nodig om die bewaring van hul bevolkings en habitatte te verseker, asook om skade aan ons landbou- en bosbouhulpbronne te voorkom.”
Shifeta verwys ook na die beskerming teen mens-dier-konflikte wat soms lei tot noodlottige uitkomste vir mense en hul lewende hawe.
Hy het verduidelik dat die bestuur van Namibië se wildspesies gebaseer is op die beste beskikbare data en metodes en in noue ooreenstemming met internasionale en bindende regulasies.
“Soortgelyk aan Duitsland en Europa, is volhoubare, gereguleerde jag deur plaaslike en buitelandse jagters ’n sleutelkomponent van Namibië se bewaringstrategie vir die land se spesies.”
Shifeta sê in Namibië is die inkomste uit bewaringsjag noodsaaklik om die land se nasionale en internasionale doelwitte vir klimaatsbeskerming te behaal. Laasgenoemde verseker menseregte deur middel van werk- en voedselsekuriteit asook die ontwikkeling van ’n vooruitstrewende wildlewe-ekonomie deur middel van gebalanseerde foto- en jagtoerisme.
“Ons aanvaar dat, voordat jou ministerie enige invoerbeperkings aanvaar, dit met die Namibiese regering, ons spesialisowerhede asook private en kommunale grondeienaars in gesprek sal tree.”
– [email protected]
“Ons is verstom om van verskeie bronne te verneem dat die Duitse federale ministerie vir die omgewing, bewaring, kernveiligheid en verbruikersbeskerming beplan om die invoer van jagtrofeë van diere gelys in aanhangsels I en II van die Konvensie op Internasionale Handel in Bedreigde spesies (Cites) moeiliker te maak en in sommige gevalle dit heeltemal te verbied,” sê Shifeta.
Volgens die minister wil hy daarom “vriendelik vra” wat die basis is vir dié beoogde optrede, asook watter tipe invoere Duitsland spesifiek van plan is om te beperk buiten die Cites-regulasies wat reeds in plek is.
“Ons is bekommerd oor die huidige verwikkelinge in Duitsland met betrekking tot die wettige invoer van jagtrofeë, aangesien verdere Duitse en of Europese beperkings en verbod op invoere Namibië se spesiebewaringstrategie onvermydelik sal benadeel.”
Shifeta het beklemtoon Duitse gaste speel ’n noodsaaklike rol vir Namibiese kommunale en private grondeienaars, met 80% van Duitse jagters wat Namibië as hul gunsteling-jagbestemming in Afrika bestempel.
Volgens die minister beskou die ministerie enige beperking of verbod op jagtrofeë gelys in Cites aanhangsel I en II wat verder as die Cites-regulasies strek, as eensydige, onwettige en neo-koloniale inmenging met Namibië se soewereine reg tot die volhoubare gebruik van sy hulpbronne.
Shifeta sê sommige van die spesies wat in die Cites-aanhangsels gelys word, is in oorvloed en neem toe in Namibië. Dit sluit in olifante, swart- en witrenosters, leeus, luiperds, Hartmann-sebras en kameelperde.
“Soos in Duitsland en Europa het wilde spesies volhoubare, gereguleerde bestuur nodig om die bewaring van hul bevolkings en habitatte te verseker, asook om skade aan ons landbou- en bosbouhulpbronne te voorkom.”
Shifeta verwys ook na die beskerming teen mens-dier-konflikte wat soms lei tot noodlottige uitkomste vir mense en hul lewende hawe.
Hy het verduidelik dat die bestuur van Namibië se wildspesies gebaseer is op die beste beskikbare data en metodes en in noue ooreenstemming met internasionale en bindende regulasies.
“Soortgelyk aan Duitsland en Europa, is volhoubare, gereguleerde jag deur plaaslike en buitelandse jagters ’n sleutelkomponent van Namibië se bewaringstrategie vir die land se spesies.”
Shifeta sê in Namibië is die inkomste uit bewaringsjag noodsaaklik om die land se nasionale en internasionale doelwitte vir klimaatsbeskerming te behaal. Laasgenoemde verseker menseregte deur middel van werk- en voedselsekuriteit asook die ontwikkeling van ’n vooruitstrewende wildlewe-ekonomie deur middel van gebalanseerde foto- en jagtoerisme.
“Ons aanvaar dat, voordat jou ministerie enige invoerbeperkings aanvaar, dit met die Namibiese regering, ons spesialisowerhede asook private en kommunale grondeienaars in gesprek sal tree.”
– [email protected]
Kommentaar
Republikein
Geen kommentaar is op hierdie artikel gelaat nie