Swerm sprinkane teister die Suide
Eiers broei tans uit
Die ministerie is besig om boere op te lei en gif aan hulle te voorsien om die sprinkane op hul plase te bekamp.
Sedert verlede week Donderdag is sprinkane besig om die inwoners in die Noordhoek- en Westdene- woonbuurt op Keetmanshoop te teister.
Volgens mnr. Wesley Steenkamp, die bestuurder van parke in die Keetmanshoop-munisipaliteit, is hulle besig om die geraakte gebiede te spuit om ontslae van die sprinkane te raak.
‘n Ongeluk is Sondag omstreeks 12:00 24 kilometer buite Keetmanshoop op die hoofpad tussen die dorp en Tses aangemeld. ’n Minibus wat vanaf Keetmanshoop op pad na Windhoek toe was, het omgeslaan. Die bussie, met 11 passasiers, het weens die talle sprinkane op die pad gegly en die bestuurder het beheer oor die voertuig verloor. Niemand is in die ongeluk beseer nie.
Volgens mnr. Ben Haraseb, die adjunkdirekteur van landbou, water en grondhervorming in die ||Kharas-, Hardap- en Omahekestreek, het hulle meer mannekrag nodig om die sprinkaan-uitbreking onder beheer te bring. Die eiers broei tans uit en nog geen volwasse sprinkane is opgemerk nie.
“Die bruin sprinkane het ons streke sedert November ingeval en die Desember-vakansie het die besproeiing van die sprinkane onderbreek.”
Die ministerie is besig om boere op te lei en gif aan hulle te voorsien om die sprinkane op hul plase te bekamp.
Volgens Haraseb is die beste tyd om gif te spuit in die vroeë oggendure of laat aande wanneer die sprinkane rustig is, aangesien hulle gedurende die dag rondvlieg wanneer dit warm is. – [email protected]
Volgens mnr. Wesley Steenkamp, die bestuurder van parke in die Keetmanshoop-munisipaliteit, is hulle besig om die geraakte gebiede te spuit om ontslae van die sprinkane te raak.
‘n Ongeluk is Sondag omstreeks 12:00 24 kilometer buite Keetmanshoop op die hoofpad tussen die dorp en Tses aangemeld. ’n Minibus wat vanaf Keetmanshoop op pad na Windhoek toe was, het omgeslaan. Die bussie, met 11 passasiers, het weens die talle sprinkane op die pad gegly en die bestuurder het beheer oor die voertuig verloor. Niemand is in die ongeluk beseer nie.
Volgens mnr. Ben Haraseb, die adjunkdirekteur van landbou, water en grondhervorming in die ||Kharas-, Hardap- en Omahekestreek, het hulle meer mannekrag nodig om die sprinkaan-uitbreking onder beheer te bring. Die eiers broei tans uit en nog geen volwasse sprinkane is opgemerk nie.
“Die bruin sprinkane het ons streke sedert November ingeval en die Desember-vakansie het die besproeiing van die sprinkane onderbreek.”
Die ministerie is besig om boere op te lei en gif aan hulle te voorsien om die sprinkane op hul plase te bekamp.
Volgens Haraseb is die beste tyd om gif te spuit in die vroeë oggendure of laat aande wanneer die sprinkane rustig is, aangesien hulle gedurende die dag rondvlieg wanneer dit warm is. – [email protected]
Kommentaar
Republikein
Geen kommentaar is op hierdie artikel gelaat nie