Trofeejag: Plase genereer inkomste van N$350 m.

Trofeejag op private grond dra jaarliks sowat N$350 miljoen se inkomste vir Namibië by.Die Namibië Professionele Jagtersvereniging (Napha) het gesê dit beteken werksekerheid vir professionele jagters, spoorsnyers en diegene wat in verwante velde soos gasvryheid, logistiek en taksidermie werk.Die vereniging sê die professionele jagsektor is ’n sleutelbydraer tot Namibië se ekonomie en skep duisende direkte en indirekte werksgeleenthede.Volgens Napha is professionele jag in Namibië meer as net ’n werk, dit is ’n gerespekteerde loopbaan wat finansiële stabiliteit bied asook ’n verbintenis met die natuur en ’n geleentheid om by te dra tot bewaringspogings.Napha het gesê met Namibië se goed gestruktureerde opleidingstelsel en groeiende toerismesektor is om ’n professionele jagter te word ’n uitstekende opsie vir individue wat ’n lonende loopbaan in die buitelug soek.Volgens Napha het Namibië ’n jare lange tradisie om in harmonie saam met wild te leef.“Baie Namibiërs beskik reeds oor die vaardighede en kennis wat nodig is vir spoorsny, dieregedrag en volhoubare hulpbrongebruik.”OMSKEP VAARDIGHEDENapha meen om ’n professionele jagter te word, stel individue in staat om hierdie vaardighede te omskep in ’n formele, goed betaalde loopbaan wat in lyn is met Namibië se bewaringsgebaseerde benadering tot wildbestuur.“Vir diegene wat belangstel om hul eie besigheid te begin, bied professionele jag ook die potensiaal om van ’n vakleerling tot ’n onafhanklike operateur te groei, deur internasionale besoekers te ontvang en jagskoue by te woon.”Napha het bygevoeg dat professionele jag in Namibië ’n belangrike rol in bewaring speel.“Deur wildbevolkings te bestuur en inkomste te genereer vir teenstropery en landelike gemeenskappe, dra jagpersoneel direk by tot Namibië se internasionaal erkende bewaringsukses.”Napha het gesê talle bewaringsgebiede baat by gereguleerde jag, die herbelegging van inkomste in onderwys, gesondheidsorg en plaaslike indiensneming.“Vir diegene wat hul erfenis, die buitelewe en volhoubare wildbestuur waardeer, bied professionele jag ’n kans om ’n verskil te maak terwyl hulle ’n goeie inkomste verdien.”Alhoewel Napha einde verlede jaar 330 geregistreerde jagters gehad het, verteenwoordig dit net 40% van al die jagters in Namibië.– ellanie@nmh-hub.com.na

Trofeejag: Plase genereer inkomste van N$350 m.

Kommentaar

Republikein 2025-04-11

Meld asseblief aan om kommentaar te lewer

Trofeejag: Plase genereer inkomste van N$350 m.

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie