Eise, dreigemente ná onderwyser se afdanking
Kollegas oorweeg massabetogings
Die klagskrif waarsku dat die komende nasionale verkiesing hierdeur ontwrig kan word.
Onderwysers in die noordelike streke het die ministerie van onderwys, kuns en kultuur tot einde Augustus gegee om die afgedankte onderwyser, Petrus Ndeulita, weer aan te stel.
Hulle dreig om die komende nasionale verkiesing, wat in November plaasvind, te ontwrig indien die ministerie nie aan hul eis voldoen nie. Die onderwysers het ook gedreig om die komende eksamens oor te slaan en ’n landswye massabetoging te hou.
Ndeulita is verlede maand by die Laerskool Hashiyana op Ongwediva afgedank weens ’n voorval wat drie jaar gelede plaasgevind het. Hy het na bewering ’n graad 7-leerling vir meer as ’n uur ’n stoel oor sy kop laat hou om hom te straf.
Ná ’n betoging verlede Vrydag by die kantoor van die onderwysdirektoraat in die Oshanastreek, het die groep ’n klagskrif van sewe bladsye aan onder meer die minister van onderwys, kuns en kultuur, Anna Nghipondoka, oorhandig.
“Ons is ook bereid om te verseker dat die nasionale eindeksamens nie voortgaan as Ndeulita nie heraangestel word nie.
“As dit beteken dat Namibiese onderwysers die Keniaanse jeug van 2024 sal word, dan is ons voorbereid. As hulle van ons wil afdank, is ons meer as voorbereid,” lui die klagskrif.
DEURSIGTIGHEID
Die onderwysers eis antwoorde op grond waarvan die ministerie Ndeulita afgedank het.
Hulle het verwys na die wet op openbare dienste wat voorsiening maak vir vier alternatiewe dissiplinêre stappe wat die ministerie kon toepas, naamlik ’n boete van hoogstens N$2 000, ’n oorplasing na ’n ander pos of ’n verlaging in salaris en/of rang.
Die onderwysers het by monde van voorsitter Petrus Shiweva aangevoer dat die wet nie regverdig en deursigtig of in geheel toegepas is nie, maar eerder toegepas is om sekere individue te bevoordeel.
Hulle eis dat Ndeulita heraangestel word en dat ’n regverdige en deursigtige ondersoek van stapel gestuur word.
“Ons eis dat die [ministerie van onderwys] se uitvoerende direkteur [Sanet Steenkamp] van die hele proses verwyder word aangesien sy botsende belange het,” luidens die klagskrif.
Die onderwysers het ook geëis dat Amon Ndeitwa – die voormalige hoof van Hashiyana – afgedank of oorgeplaas word, maar nie na Ongwediva se hulpbronsentrum vir onderwysers (OTRC) nie, aangesien hy na bewering voortgaan om onderrig by die skool te beïnvloed sedert hy in 2022 verwyder is en by die OTRC aangesluit het.
‘BEDANK BY NANTU’
In die klagskrif doen die onderwysers ’n beroep op alle Namibiese onderwysers om uit die Namibiese Nasionale Onderwysersunie (Nantu) te bedank.
“Die vakbond het gewys dat hy ons nie net tydens salarisonderhandelinge verraai nie, maar ook tydens moeilike tye soos hierdie.”
Steenkamp het verlede week aan Republikein se susterkoerant Namibian Sun gesê dat Ndeulita geregtig was om teen die ministerie se besluit te appelleer.
Intussen het Ndeitwa ontken dat hy sy mes vir die afgedankte onderwyser in gehad het en volgehou dat die proses deursigtig was en dat hy, as voormalige skoolhoof, geen direkte invloed daarop gehad het nie.
– [email protected]
Hulle dreig om die komende nasionale verkiesing, wat in November plaasvind, te ontwrig indien die ministerie nie aan hul eis voldoen nie. Die onderwysers het ook gedreig om die komende eksamens oor te slaan en ’n landswye massabetoging te hou.
Ndeulita is verlede maand by die Laerskool Hashiyana op Ongwediva afgedank weens ’n voorval wat drie jaar gelede plaasgevind het. Hy het na bewering ’n graad 7-leerling vir meer as ’n uur ’n stoel oor sy kop laat hou om hom te straf.
Ná ’n betoging verlede Vrydag by die kantoor van die onderwysdirektoraat in die Oshanastreek, het die groep ’n klagskrif van sewe bladsye aan onder meer die minister van onderwys, kuns en kultuur, Anna Nghipondoka, oorhandig.
“Ons is ook bereid om te verseker dat die nasionale eindeksamens nie voortgaan as Ndeulita nie heraangestel word nie.
“As dit beteken dat Namibiese onderwysers die Keniaanse jeug van 2024 sal word, dan is ons voorbereid. As hulle van ons wil afdank, is ons meer as voorbereid,” lui die klagskrif.
DEURSIGTIGHEID
Die onderwysers eis antwoorde op grond waarvan die ministerie Ndeulita afgedank het.
Hulle het verwys na die wet op openbare dienste wat voorsiening maak vir vier alternatiewe dissiplinêre stappe wat die ministerie kon toepas, naamlik ’n boete van hoogstens N$2 000, ’n oorplasing na ’n ander pos of ’n verlaging in salaris en/of rang.
Die onderwysers het by monde van voorsitter Petrus Shiweva aangevoer dat die wet nie regverdig en deursigtig of in geheel toegepas is nie, maar eerder toegepas is om sekere individue te bevoordeel.
Hulle eis dat Ndeulita heraangestel word en dat ’n regverdige en deursigtige ondersoek van stapel gestuur word.
“Ons eis dat die [ministerie van onderwys] se uitvoerende direkteur [Sanet Steenkamp] van die hele proses verwyder word aangesien sy botsende belange het,” luidens die klagskrif.
Die onderwysers het ook geëis dat Amon Ndeitwa – die voormalige hoof van Hashiyana – afgedank of oorgeplaas word, maar nie na Ongwediva se hulpbronsentrum vir onderwysers (OTRC) nie, aangesien hy na bewering voortgaan om onderrig by die skool te beïnvloed sedert hy in 2022 verwyder is en by die OTRC aangesluit het.
‘BEDANK BY NANTU’
In die klagskrif doen die onderwysers ’n beroep op alle Namibiese onderwysers om uit die Namibiese Nasionale Onderwysersunie (Nantu) te bedank.
“Die vakbond het gewys dat hy ons nie net tydens salarisonderhandelinge verraai nie, maar ook tydens moeilike tye soos hierdie.”
Steenkamp het verlede week aan Republikein se susterkoerant Namibian Sun gesê dat Ndeulita geregtig was om teen die ministerie se besluit te appelleer.
Intussen het Ndeitwa ontken dat hy sy mes vir die afgedankte onderwyser in gehad het en volgehou dat die proses deursigtig was en dat hy, as voormalige skoolhoof, geen direkte invloed daarop gehad het nie.
– [email protected]
Kommentaar
Republikein
Geen kommentaar is op hierdie artikel gelaat nie