Familie ontstig ná hond glo kind by skool byt
’n Oom van ’n graad 2-leerling aan die Gekombineerde Skool Epundi in die Odayafingwa-nedersetting in die Ohangwenastreek is woedend oor die skoolbestuur se hantering van ’n voorval waarin ’n hond sy agtjarige broerskind na bewering op die skoolterrein gebyt het.
Die hond behoort na bewering aan ’n personeellid.
Erastus Kleopas, wat die leerling se gesin verteenwoordig, beweer hy moes geld opdok vir die kind se vervoer na en van die hospitaal sodat hy inspuitings vir hondsdolheid kon ontvang.
Kleopas het gesê hy vrees ook dat die hondsdolheid-behandeling die kind se akademiese prestasie sal belemmer.
Die voorval het glo op 17 Oktober plaasgevind en volgens onderhoude wat Network Media Hub (NMH) gevoer het, het die slagoffer na bewering op die hond getrap, wat gereageer het deur hom na bewering aan die bobeen te byt.
Sedert die voorval het die seun, volgens die oom, die Oshakati-staatshospitaal vir hondsdolheid-inspuitings besoek – altesaam vyf word benodig.
Die hond, Chief, behoort glo aan ’n personeellid by die skool. Die hond se eienaar het vandeesweek gesê sy het ingestem om die koste ná die voorval te dek, maar het ontken dat die hond die kind gebyt het en gesê dit was bloot ’n skraap.
‘NIE ’N BYT’
Die skoolhoof, Magnus Angula, het egter die bewerings dat die hond ’n gevaar vir leerlinge inhou, weerlê en gesê dit was die eerste voorval van sy soort in sy meer as 12 jaar as skoolhoof.
“Daar is vir my gesê die leerling het op die hond getrap en die hond het hom gekrap. Daar was geen bloed nie. Noodhulp is egter as voorsorgmaatreël toegepas, en daarna het die voog van die kind en die eienaar van die hond ’n mondelinge ooreenkoms aangegaan, dat die hond se eienaar vir die vervoerkoste na die hospitaal sal betaal,” het Angula gesê, wat nie ten tyde van die voorval by die skool was nie.
Die hond volg na bewering al vir etlike jare sy eienaar van die huis af skool toe en het na bewering voortgegaan om dit te doen ná die voorval.
Angula het ook gesê dat ’n paar honde – wat aan leerlinge, personeel of lede van die gemeenskap behoort – toegang tot die skool se perseel verkry deur ’n heining wat nie behoorlik in stand gehou is nie.
KOSTES AAN FAMILIE
“Die kind moet nou verskeie inspuitings kry om hondsdolheid te vermy,” het Kleopas gesê, en bygevoeg dat die vervoer na die hospitaal ’n finansiële las op die gesin geplaas het.
“Verder vrees ons vir die veiligheid van die kinders terwyl hulle by die skool is, aangesien die skoolterrein ’n bedreiging en gevaar vir die kinders inhou.
“Sy is ’n permanente personeellid by die skool. Ons het gevoel dat die skool die reëls oor huisdiere en bedreigde diere in openbare plekke verontagsaam het,” het Kleopas verder gesê.
Die direkteur van onderwys in die Ohangwenastreek, Isak Hamatwi, het gesê dat troeteldiere nie by skole toegelaat word nie. Hy sê die skoolbestuur moet altyd die veiligheid van leerlinge en onderwysers verseker.
– [email protected]
Die hond behoort na bewering aan ’n personeellid.
Erastus Kleopas, wat die leerling se gesin verteenwoordig, beweer hy moes geld opdok vir die kind se vervoer na en van die hospitaal sodat hy inspuitings vir hondsdolheid kon ontvang.
Kleopas het gesê hy vrees ook dat die hondsdolheid-behandeling die kind se akademiese prestasie sal belemmer.
Die voorval het glo op 17 Oktober plaasgevind en volgens onderhoude wat Network Media Hub (NMH) gevoer het, het die slagoffer na bewering op die hond getrap, wat gereageer het deur hom na bewering aan die bobeen te byt.
Sedert die voorval het die seun, volgens die oom, die Oshakati-staatshospitaal vir hondsdolheid-inspuitings besoek – altesaam vyf word benodig.
Die hond, Chief, behoort glo aan ’n personeellid by die skool. Die hond se eienaar het vandeesweek gesê sy het ingestem om die koste ná die voorval te dek, maar het ontken dat die hond die kind gebyt het en gesê dit was bloot ’n skraap.
‘NIE ’N BYT’
Die skoolhoof, Magnus Angula, het egter die bewerings dat die hond ’n gevaar vir leerlinge inhou, weerlê en gesê dit was die eerste voorval van sy soort in sy meer as 12 jaar as skoolhoof.
“Daar is vir my gesê die leerling het op die hond getrap en die hond het hom gekrap. Daar was geen bloed nie. Noodhulp is egter as voorsorgmaatreël toegepas, en daarna het die voog van die kind en die eienaar van die hond ’n mondelinge ooreenkoms aangegaan, dat die hond se eienaar vir die vervoerkoste na die hospitaal sal betaal,” het Angula gesê, wat nie ten tyde van die voorval by die skool was nie.
Die hond volg na bewering al vir etlike jare sy eienaar van die huis af skool toe en het na bewering voortgegaan om dit te doen ná die voorval.
Angula het ook gesê dat ’n paar honde – wat aan leerlinge, personeel of lede van die gemeenskap behoort – toegang tot die skool se perseel verkry deur ’n heining wat nie behoorlik in stand gehou is nie.
KOSTES AAN FAMILIE
“Die kind moet nou verskeie inspuitings kry om hondsdolheid te vermy,” het Kleopas gesê, en bygevoeg dat die vervoer na die hospitaal ’n finansiële las op die gesin geplaas het.
“Verder vrees ons vir die veiligheid van die kinders terwyl hulle by die skool is, aangesien die skoolterrein ’n bedreiging en gevaar vir die kinders inhou.
“Sy is ’n permanente personeellid by die skool. Ons het gevoel dat die skool die reëls oor huisdiere en bedreigde diere in openbare plekke verontagsaam het,” het Kleopas verder gesê.
Die direkteur van onderwys in die Ohangwenastreek, Isak Hamatwi, het gesê dat troeteldiere nie by skole toegelaat word nie. Hy sê die skoolbestuur moet altyd die veiligheid van leerlinge en onderwysers verseker.
– [email protected]
Kommentaar
Republikein
Geen kommentaar is op hierdie artikel gelaat nie