Finansiële hulp vir 2021 se graad 11’s

Deeltydse kandidate wat hul punte in graad 11 gewone vlak (NSSCO) verbeter het en nou kwalifiseer vir gevorderde vlak (AS), kan na die skoolbanke op ’n voltydse basis terugkeer. Die enigste voorwaarde is dat hulle 21 jaar en jonger teen 31 Desember vanjaar moet wees. Die ministerie van onderwys, kuns en kultuur sê by monde van sy uitvoerende direkteur, me. Sanet Steenkamp, skole moet verseker kandidate kan alle vakke neem waarvoor hulle kwalifiseer en kies vir gevorderde vlak en dat hulle nie weens ’n botsing in vakroosters beperk word nie.Die ministerie gaan ook in samewerking met die Namibiese Kollege vir Afstandsonderrig (Namcol) leerlinge wat verlede jaar voltyds vir die graad 11-gewone vlak (NSSCO) geregistreer was, op verskeie maniere finansieel ondersteun om met hul onderrig voort te gaan. Die ministerie sal ’n gedeelte van die Namcol-registrasiefooi, die eksamenfooi, sowel as 50% van die onderrigfooie tot ’n maksimum van vier vakke by Namcol betaal. Die registrasiefooi is N$110, waarvan die ministerie N$90 sal betaal. Vir die registrasie vir eksamen betaal die ministerie die volle fooi van N$108. Vir die vakfooi van N$300, betaal die ministerie N$150 per vak (maksimum van vier vakke). Uit die totale koste vir registrasie, eksamenfooi per vak, sowel as die fooi per vak, betaal die ministerie dus N$348 (66,5%) van die totaal van N$508, terwyl die leerling se bydrae N$170 (33,5%) beloop.Steenkamp het beklemtoon onderrig is ’n gesamentlike verantwoordelikheid en ouers en voogde moet toesien dat kandidate “ten volle betrokke” by die onderrigproses is.Kandidate moet hulself tot die tweede geleentheid wat aan hulle gebied word, “herverbind”.“Elke dag maak ’n verskil en kandidate moet verseker hulle bestuur hul tyd en take voldoende. Hulle word ook aangemoedig om studiegroepe te vorm en van alle geleenthede en maniere wat beskikbaar is, gebruik te maak om ’n sukses van hul studies te maak,” het Steenkamp gesê. – henriette@republikein.com.na

Finansiële hulp vir 2021 se graad 11’s

Kommentaar

Republikein 2025-04-08

Meld asseblief aan om kommentaar te lewer

Finansiële hulp vir 2021 se graad 11’s

Kommentaar

Republikein 2025-04-08

Meld asseblief aan om kommentaar te lewer

MELD AAN

Advertensie