Naomab vra ACC-ondersoek teen hom moet wag
Talle aantygings teen Nust-visekanselier
Verlede maand het die ACC die Nust-direksie versoek om 'n forensiese ondersoek van stapel te stuur na onder andere bewerings van misbruik van openbare fondse en magsmisbruik.
Jemima Beukes - Die visekanselier van die Namibië Universiteit van Wetenskap en Tegnologie (Nust) het die universiteit se direksievoorsitter, Leake Hangala, gevra om besprekings oor die brief van die Teenkorrupsiekommissie (ACC) uit te stel waarin ’n forensiese ondersoek teen hom aangevra word.
Verlede maand het die ACC die Nust-direksie versoek om ’n forensiese ondersoek van stapel te stuur na bewerings van misbruik van openbare fondse, nepotisme, stamvooroordeel en magsmisbruik teen die visekanselier, dr. Erold Naomab.
Volgens ’n vertroulike memorandum gedateer 8 Augustus 2023 het Naomab egter ’n versoek ingedien dat die direksie die bespreking van die ACC se versoek na die volgende vergadering uitstel.
“Die versoek berus daarop om die direksie genoeg tyd te gee om al die stawende dokumente te ontvang. Die visekanselier sowel as die registrateur dra geen kennis van die Teenkorrupsiekommissie se briewe en die inhoud daarvan nie,” lui die memorandum wat deur Naomab onderteken is.
Hangala het vandeesweek geweier om kommentaar te lewer en gesê: “Ek wil nie direksiekwessies in die koerante bespreek nie.”
AGENDAKWESSIES
Paulus Noa, die direkteur van die ACC, het gesê die reaksie wat hy van die voormalige direksievoorsitter, Florette Nakusera, ontvang het, is dat sy sal seker maak die saak word aangebied as deel van alle uitstaande kwessies wat aan die tussentydse direksie oorhandig word.
“As professor Naomab nou vir uitstel vra, is die vraag hoe dit op die agenda gekom het. Dit beteken dit is aan die nuwe direksie oorhandig. Iewers is iemand in besit van daardie brief, daarom is dit op die agenda. So, wat gaan hy [Naomab] volgende bespreek as hy nie kennis dra van die brief nie? As ’n persoon se ampstermyn [voorsitter] eindig, gaan hulle nie weg met dokumente nie; hulle los dit agter,” het Noa gesê.
AANTYGINGS
Die bestuur van Nust stamp koppe met die Namibiese Vakbond vir Staatsdienswerkers (Napwu), wat gevra het vir ’n dringende ingryping deur hoër owerhede in die sake van die staatsuniversiteit nadat verdoemende bewerings van korrupsie, magsmisbruik en nepotisme kop uitgesteek het.
In ’n brief wat in Maart aan Nakusera gerig is, spreek Petrus Nevonga, hoofsekretaris van Napwu, kommer uit oor talle bewerings.
Die brief was die gevolg van raadplegende vergaderings wat die vakbond in Februarie met personeellede gehou het.
Punte van kommer wat ontevrede werknemers geopper het, fokus hoofsaaklik op die blatante verontagsaming van die Arbeidswet, Nust se menslikehulpbronkode en beginsels van goeie bestuur, het die dagblad New Era destyds berig. – [email protected]
Verlede maand het die ACC die Nust-direksie versoek om ’n forensiese ondersoek van stapel te stuur na bewerings van misbruik van openbare fondse, nepotisme, stamvooroordeel en magsmisbruik teen die visekanselier, dr. Erold Naomab.
Volgens ’n vertroulike memorandum gedateer 8 Augustus 2023 het Naomab egter ’n versoek ingedien dat die direksie die bespreking van die ACC se versoek na die volgende vergadering uitstel.
“Die versoek berus daarop om die direksie genoeg tyd te gee om al die stawende dokumente te ontvang. Die visekanselier sowel as die registrateur dra geen kennis van die Teenkorrupsiekommissie se briewe en die inhoud daarvan nie,” lui die memorandum wat deur Naomab onderteken is.
Hangala het vandeesweek geweier om kommentaar te lewer en gesê: “Ek wil nie direksiekwessies in die koerante bespreek nie.”
AGENDAKWESSIES
Paulus Noa, die direkteur van die ACC, het gesê die reaksie wat hy van die voormalige direksievoorsitter, Florette Nakusera, ontvang het, is dat sy sal seker maak die saak word aangebied as deel van alle uitstaande kwessies wat aan die tussentydse direksie oorhandig word.
“As professor Naomab nou vir uitstel vra, is die vraag hoe dit op die agenda gekom het. Dit beteken dit is aan die nuwe direksie oorhandig. Iewers is iemand in besit van daardie brief, daarom is dit op die agenda. So, wat gaan hy [Naomab] volgende bespreek as hy nie kennis dra van die brief nie? As ’n persoon se ampstermyn [voorsitter] eindig, gaan hulle nie weg met dokumente nie; hulle los dit agter,” het Noa gesê.
AANTYGINGS
Die bestuur van Nust stamp koppe met die Namibiese Vakbond vir Staatsdienswerkers (Napwu), wat gevra het vir ’n dringende ingryping deur hoër owerhede in die sake van die staatsuniversiteit nadat verdoemende bewerings van korrupsie, magsmisbruik en nepotisme kop uitgesteek het.
In ’n brief wat in Maart aan Nakusera gerig is, spreek Petrus Nevonga, hoofsekretaris van Napwu, kommer uit oor talle bewerings.
Die brief was die gevolg van raadplegende vergaderings wat die vakbond in Februarie met personeellede gehou het.
Punte van kommer wat ontevrede werknemers geopper het, fokus hoofsaaklik op die blatante verontagsaming van die Arbeidswet, Nust se menslikehulpbronkode en beginsels van goeie bestuur, het die dagblad New Era destyds berig. – [email protected]
Kommentaar
Republikein
Geen kommentaar is op hierdie artikel gelaat nie