Oshigambo-leerlinge sal kan terugkeer skool toe
Ministerie betaal ’n deel van subsidie
'n Hoërskool in die Oshikotostreek het Saterdag leerlinge se ouers in kennis gestel dat die skool se deure nie vir die tweede semester sal oopmaak nie. Die kwessie is intussen uitgesorteer.
Die Hoërskool Oshigambo se raad meng in met die kinders se onderrig deur aankondigings op sosiale media te maak sonder die medewete van die betrokke kantore.
Die direkteur van onderwys in die Oshikotostreek, Aletta Eises, het dié aantygings gemaak nadat die skool se voorsitter, Simon Iitula, Saterdag aan ouers gesê het om nie hul kinders Sondag skool toe te bring nie, aangesien die skool nie sy deure vir die tweede semester sal oopmaak nie.
Die rede waarom die skool glo nie vir die tweede semester sou oopmaak nie, is omdat Eises na bewering geweier het om subsidiefondse vry te stel.
Volgens Iitula is die skool se bestuur ten volle bereid om leerlinge te ontvang sodra die nodige geld vir kos en ander noodsaaklike behoeftes deur middel van skoolsubsidies voorsien word.
Die skool het egter Saterdag weer ’n brief uitgereik om ouers in te lig dat hulle wel hul kinders sal kan terugbring skool toe aangesien die dispuut opgelos is.
In sy brief het Iitula hul opregte dank uitgespreek aan die kantoor van die uitvoerende direkteur van onderwys, kuns en kultuur, Sanet Steenkamp, “vir die vinnige en doeltreffende ingryping om die saak op te los”.
‘NIE BEWUS GEWEES’
Voor die kwessie egter opgelos is, het Iitula gesê ouers moet hul bekommernisse aan Eises rig en het selfs gesê dat indien die kantoor van die direktoraat nie gehoor gee aan die kwessie nie, die skool regstappe sal oorweeg, insluitend om Eises moontlik voor die hof te daag.
Eises het gister in ’n telefoniese onderhoud met Republikein se susterkoerant Namibian Sun gesê sy was nie bewus daarvan dat die skool ’n brief uitgereik het waarin ouers opdrag gegee is om nie leerlinge vir die tweede semester terug te neem skool toe nie. Sy het navrae na die skoolraad verwys. Sy het egter gesê dat die brief uitgereik is sonder om die kantoor van die direkteur daarvan in kennis te stel.
“Ons het 229 skole in die Oshikotostreek wat aan goeie bestuur voldoen. Ons is hier om te fokus op onderrig vir alle leerlinge. Vind uit hoekom hulle rondspeel met die leerlinge se onderrig op sosiale media.”
KONFLIK OOR SKORSING
Die stryery by die skool volg ná die skorsing van twee leerlinge uit die koshuis vroeër vanjaar.
Steenkamp het in Junie aan John Haufiku, die hoofsekretaris van die Evangeliese Lutherse Kerk in Namibië (Elcin), geskryf dat die ministerie in April ’n gedetailleerde verslag oor die bedrywighede van die skool aangevra het, maar ’n maand later nog geen reaksie ontvang het nie.
Sy het aan Haufiku gesê dat die streekkantoor van die direktoraat gaan versoek word om alle subsidies aan die skool te staak tot die skool aan die vereistes voldoen om die leerlinge, wat Steenkamp beweer nie volgens prosedure geskors is nie, weer terug te neem.
Iitula het egter gesê hulle weier om aan die ministerie se eise te voldoen.
“Die onopgeloste subsidiekwessie het ons in ’n moeilike posisie geplaas, aangesien ons nie bereid is om toe te laat dat ons leerlinge ly ten koste van charismatiese kerkideologieë en die gebrek aan dissipline van die twee leerlinge wat uit die koshuis geskors is nie.
“As die direkteur van onderwys dus versuim om die subsidiebetaling teen Vrydag 12 Julie 2024 te takel, sal ons geen ander keuse hê as om drastiese maatreëls te tref nie,” het hy gesê en bygevoeg dat hulle nie die semester kan begin sonder die sekerheid dat hulle voldoende hulpbronne aan al 471 leerlinge kan voorsien nie.
TERUG SKOOL TOE
Steenkamp het Sondag gesê samesprekings is Saterdagaand gehou en hulle het tot ’n vergelyk gekom.
Die ministerie het ’n deel van die subsidie aan die skool betaal.
Sy het gesê die brief wat aan ouers uitgestuur is, sal hersien word en het bygevoeg dat alle leerlinge op 15 Julie sal kan terugkeer skool toe.
“Ek sal ook bevestig dat ons sal voortgaan om te kyk na beide sake wat deur die streekdirekteur in Oshikoto, sowel as die skool gebring is en ons sal ’n oplossing vind wat in die belang van die kinders is,” het Steenkamp gesê.
– [email protected]
Die direkteur van onderwys in die Oshikotostreek, Aletta Eises, het dié aantygings gemaak nadat die skool se voorsitter, Simon Iitula, Saterdag aan ouers gesê het om nie hul kinders Sondag skool toe te bring nie, aangesien die skool nie sy deure vir die tweede semester sal oopmaak nie.
Die rede waarom die skool glo nie vir die tweede semester sou oopmaak nie, is omdat Eises na bewering geweier het om subsidiefondse vry te stel.
Volgens Iitula is die skool se bestuur ten volle bereid om leerlinge te ontvang sodra die nodige geld vir kos en ander noodsaaklike behoeftes deur middel van skoolsubsidies voorsien word.
Die skool het egter Saterdag weer ’n brief uitgereik om ouers in te lig dat hulle wel hul kinders sal kan terugbring skool toe aangesien die dispuut opgelos is.
In sy brief het Iitula hul opregte dank uitgespreek aan die kantoor van die uitvoerende direkteur van onderwys, kuns en kultuur, Sanet Steenkamp, “vir die vinnige en doeltreffende ingryping om die saak op te los”.
‘NIE BEWUS GEWEES’
Voor die kwessie egter opgelos is, het Iitula gesê ouers moet hul bekommernisse aan Eises rig en het selfs gesê dat indien die kantoor van die direktoraat nie gehoor gee aan die kwessie nie, die skool regstappe sal oorweeg, insluitend om Eises moontlik voor die hof te daag.
Eises het gister in ’n telefoniese onderhoud met Republikein se susterkoerant Namibian Sun gesê sy was nie bewus daarvan dat die skool ’n brief uitgereik het waarin ouers opdrag gegee is om nie leerlinge vir die tweede semester terug te neem skool toe nie. Sy het navrae na die skoolraad verwys. Sy het egter gesê dat die brief uitgereik is sonder om die kantoor van die direkteur daarvan in kennis te stel.
“Ons het 229 skole in die Oshikotostreek wat aan goeie bestuur voldoen. Ons is hier om te fokus op onderrig vir alle leerlinge. Vind uit hoekom hulle rondspeel met die leerlinge se onderrig op sosiale media.”
KONFLIK OOR SKORSING
Die stryery by die skool volg ná die skorsing van twee leerlinge uit die koshuis vroeër vanjaar.
Steenkamp het in Junie aan John Haufiku, die hoofsekretaris van die Evangeliese Lutherse Kerk in Namibië (Elcin), geskryf dat die ministerie in April ’n gedetailleerde verslag oor die bedrywighede van die skool aangevra het, maar ’n maand later nog geen reaksie ontvang het nie.
Sy het aan Haufiku gesê dat die streekkantoor van die direktoraat gaan versoek word om alle subsidies aan die skool te staak tot die skool aan die vereistes voldoen om die leerlinge, wat Steenkamp beweer nie volgens prosedure geskors is nie, weer terug te neem.
Iitula het egter gesê hulle weier om aan die ministerie se eise te voldoen.
“Die onopgeloste subsidiekwessie het ons in ’n moeilike posisie geplaas, aangesien ons nie bereid is om toe te laat dat ons leerlinge ly ten koste van charismatiese kerkideologieë en die gebrek aan dissipline van die twee leerlinge wat uit die koshuis geskors is nie.
“As die direkteur van onderwys dus versuim om die subsidiebetaling teen Vrydag 12 Julie 2024 te takel, sal ons geen ander keuse hê as om drastiese maatreëls te tref nie,” het hy gesê en bygevoeg dat hulle nie die semester kan begin sonder die sekerheid dat hulle voldoende hulpbronne aan al 471 leerlinge kan voorsien nie.
TERUG SKOOL TOE
Steenkamp het Sondag gesê samesprekings is Saterdagaand gehou en hulle het tot ’n vergelyk gekom.
Die ministerie het ’n deel van die subsidie aan die skool betaal.
Sy het gesê die brief wat aan ouers uitgestuur is, sal hersien word en het bygevoeg dat alle leerlinge op 15 Julie sal kan terugkeer skool toe.
“Ek sal ook bevestig dat ons sal voortgaan om te kyk na beide sake wat deur die streekdirekteur in Oshikoto, sowel as die skool gebring is en ons sal ’n oplossing vind wat in die belang van die kinders is,” het Steenkamp gesê.
– [email protected]
Kommentaar
Republikein
Geen kommentaar is op hierdie artikel gelaat nie