Ouers in hawedorp belet om ‘voor skole te slaap’
Inskrywings vir preprimêr en graad 1’s volgende week
Walvisbaai sukkel elke jaar om leerlinge by die onderskeie laerskole te plaas.
Leandrea Mouers – Ouers van Walvisbaai is gewaarsku om nie dae voor die inskrywingsproses vir preprimêre en graad 1-leerling oopmaak, tou voor die skole te staan nie. Hul kinders sal glo dan nie oorweeg word nie.
Só het die kringinspekteur van onderwys op Walvisbaai, Theresia Goagoses, gesê tydens ’n gemeenskapsvergadering wat Dinsdag gehou is.
Dis glo ’n algemene gebeurtenis in Walvisbaai dat ouers dae voor die aanvang van inskrywings voor die skool begin kamp om ’n plasing vir hul kinders te verseker.
Elke jaar sukkel dié hawedorp om nuwe leerlinge by die reeds oorvol skole te plaas.
Vanjaar se inskrywing is geskeduleer vir 4 Junie (graad 1-leerlinge) en 5 Junie (preprimêre leerlinge).
Ouers wat nie plek vir hul kind by die onderskeie skole kry nie, word aangemoedig om na die Walvisbaai-kringkantoor te gaan, waar die kind se naam op ’n lys geplaas sal word vir plasing by ’n skool.
“Ek moet rekenskap gee of mense by die skole gaan slaap, want ek moet dit by die permanente sekretaris rapporteer en daarom die vergadering.
“Ons het ’n lang vergadering gehad waarin ons besluit het dat ons inskrywings op twee verskillende dae sal aanvaar en ons sê vir ouers om nie van Vrydag af voor die skole tou te staan nie.
“Ons sal niemand oorweeg wat van Vrydag af toustaan nie. Die inskrywingsdatum is Dinsdag. As daar 'n tou moet wees, sal dit eers Dinsdag wees.
“Ons probeer ons bes om die inskrywingsproses makliker te maak. Ons wil nie hê ouers moet by die skole oornag nie.”
In totaal is daar 1 027 plekke beskikbaar by die onderskeie laerskole in Walvisbaai vir 2025. Tans huisves Walvisbaai 2 149 graad 1-leerlinge by die onderskeie laerskole
“By High Hope het ons altesaam 1 906 leerlinge, waarvan 387 in graad 1 is. Van hierdie leerlinge het vroeg begin en kan dalk graad 1 herhaal.
“Dit word in ag geneem, so slegs 135 plekke is beskikbaar vir graad 1’s by dié skool.”
Die moontlike herhalers van graad 1 is glo 265 leerlinge. Sy het bygevoeg dat ouers al voorheen gejok het in ’n poging om plasing by ’n skool te verseker, wat uiteindelik tot nadeel van die kind was.
‘KOM ONS WEES EERLIK’
“Ons sal byvoorbeeld sê ons het plek in die Khoekhoegowab-klas en dan sal die ouers vir ons sê dat hul kind Khoekhoegowab kan praat, terwyl die kind intussen net Otjiherero praat.
“As julle nie eerlik is nie, liewe ouers, dan gaan julle swaarkry.
“Moenie ’n kind in daardie klas inskryf nie as gevolg van spasie as jy weet die kind praat nie die taal nie. As ons weet dat ons 50 leerlinge het wat Oshikwanyama praat, kan ons ’n Oshikwanyama-klas vir daardie kinders beplan. Kom ons wees eerlik.”
Die dokumente wat nodig is om in te skryf is ’n gewaarmerkte afskrif van die kind se geboortesertifikaat, twee onlangse paspoortfoto's, bewys van verblyf, gewaarmerkte afskrifte van die ouers se identifikasiedokumente (ID’s) en ’n aansoekfooi van N$10.
Sy het bygevoeg dat die vrywillige ouerbydrae aan die onderskeie skole N$300 beloop.
“Die onderwyswet vereis dat ouers die skool finansieel bystaan.”
KRINGKANTOOR
Goagoses het verder beklemtoon dat kinders wat vir preprimêr ingeskryf is, in 2019 gebore moes wees, en graad 1-leerders in 2018.
“Indien jou kind ouer is en nog nie in die skool is nie, is jy welkom om na die Walvisbaai-kringkantoor te kom, waar ons die kind ná die inskrywingsdatums sal inskryf.”
Sy het ouers wat hul kinders by ’n spesifieke skool wil inskryf, aangeraai om gedurende die inskrywingstydperk na daardie skool te gaan.
“Inskrywings sal by die onderskeie skole gedoen word. As jy jou kind by Laerskool Narraville wil inskryf, gaan jy na Laerskool Narraville.”
Sy het beklemtoon dat ouers nie hul kind se name by enige lys by die skool moet voeg nie.
“Dit is omdat as ek die lyste by die skole kry, word een kind vyf keer by vyf verskillende skole gelys en wanneer ons vir daardie kind ’n plek kry by Immanuel Ruiters en die ouer bel, sê hulle vir ons hulle het reeds by Seaside ingeskryf. Dis hoekom ek sê kom na die kringkantoor toe.”
– [email protected]
Só het die kringinspekteur van onderwys op Walvisbaai, Theresia Goagoses, gesê tydens ’n gemeenskapsvergadering wat Dinsdag gehou is.
Dis glo ’n algemene gebeurtenis in Walvisbaai dat ouers dae voor die aanvang van inskrywings voor die skool begin kamp om ’n plasing vir hul kinders te verseker.
Elke jaar sukkel dié hawedorp om nuwe leerlinge by die reeds oorvol skole te plaas.
Vanjaar se inskrywing is geskeduleer vir 4 Junie (graad 1-leerlinge) en 5 Junie (preprimêre leerlinge).
Ouers wat nie plek vir hul kind by die onderskeie skole kry nie, word aangemoedig om na die Walvisbaai-kringkantoor te gaan, waar die kind se naam op ’n lys geplaas sal word vir plasing by ’n skool.
“Ek moet rekenskap gee of mense by die skole gaan slaap, want ek moet dit by die permanente sekretaris rapporteer en daarom die vergadering.
“Ons het ’n lang vergadering gehad waarin ons besluit het dat ons inskrywings op twee verskillende dae sal aanvaar en ons sê vir ouers om nie van Vrydag af voor die skole tou te staan nie.
“Ons sal niemand oorweeg wat van Vrydag af toustaan nie. Die inskrywingsdatum is Dinsdag. As daar 'n tou moet wees, sal dit eers Dinsdag wees.
“Ons probeer ons bes om die inskrywingsproses makliker te maak. Ons wil nie hê ouers moet by die skole oornag nie.”
In totaal is daar 1 027 plekke beskikbaar by die onderskeie laerskole in Walvisbaai vir 2025. Tans huisves Walvisbaai 2 149 graad 1-leerlinge by die onderskeie laerskole
“By High Hope het ons altesaam 1 906 leerlinge, waarvan 387 in graad 1 is. Van hierdie leerlinge het vroeg begin en kan dalk graad 1 herhaal.
“Dit word in ag geneem, so slegs 135 plekke is beskikbaar vir graad 1’s by dié skool.”
Die moontlike herhalers van graad 1 is glo 265 leerlinge. Sy het bygevoeg dat ouers al voorheen gejok het in ’n poging om plasing by ’n skool te verseker, wat uiteindelik tot nadeel van die kind was.
‘KOM ONS WEES EERLIK’
“Ons sal byvoorbeeld sê ons het plek in die Khoekhoegowab-klas en dan sal die ouers vir ons sê dat hul kind Khoekhoegowab kan praat, terwyl die kind intussen net Otjiherero praat.
“As julle nie eerlik is nie, liewe ouers, dan gaan julle swaarkry.
“Moenie ’n kind in daardie klas inskryf nie as gevolg van spasie as jy weet die kind praat nie die taal nie. As ons weet dat ons 50 leerlinge het wat Oshikwanyama praat, kan ons ’n Oshikwanyama-klas vir daardie kinders beplan. Kom ons wees eerlik.”
Die dokumente wat nodig is om in te skryf is ’n gewaarmerkte afskrif van die kind se geboortesertifikaat, twee onlangse paspoortfoto's, bewys van verblyf, gewaarmerkte afskrifte van die ouers se identifikasiedokumente (ID’s) en ’n aansoekfooi van N$10.
Sy het bygevoeg dat die vrywillige ouerbydrae aan die onderskeie skole N$300 beloop.
“Die onderwyswet vereis dat ouers die skool finansieel bystaan.”
KRINGKANTOOR
Goagoses het verder beklemtoon dat kinders wat vir preprimêr ingeskryf is, in 2019 gebore moes wees, en graad 1-leerders in 2018.
“Indien jou kind ouer is en nog nie in die skool is nie, is jy welkom om na die Walvisbaai-kringkantoor te kom, waar ons die kind ná die inskrywingsdatums sal inskryf.”
Sy het ouers wat hul kinders by ’n spesifieke skool wil inskryf, aangeraai om gedurende die inskrywingstydperk na daardie skool te gaan.
“Inskrywings sal by die onderskeie skole gedoen word. As jy jou kind by Laerskool Narraville wil inskryf, gaan jy na Laerskool Narraville.”
Sy het beklemtoon dat ouers nie hul kind se name by enige lys by die skool moet voeg nie.
“Dit is omdat as ek die lyste by die skole kry, word een kind vyf keer by vyf verskillende skole gelys en wanneer ons vir daardie kind ’n plek kry by Immanuel Ruiters en die ouer bel, sê hulle vir ons hulle het reeds by Seaside ingeskryf. Dis hoekom ek sê kom na die kringkantoor toe.”
– [email protected]
Kommentaar
Republikein
Geen kommentaar is op hierdie artikel gelaat nie