Regstryd laat leerlinge gestrand
Ouers soek antwoorde
Ses-en-twintig graad 11-leerlinge van die Privaatskool Savo Nuts wag steeds op die uitspraak van 'n hangende hofstryd tussen die skool en die onderwysministerie.
Leerlinge van ’n skool in die Ohangwenastreek sit steeds by die huis en wag op antwoorde van die skool en die ministerie van onderwys, kuns en kultuur oor hul akademiese toekoms.
Dié kwessie handel oor 26 graad 11-leerlinge van die Privaatskool Savo Nuts wat wag op die uitspraak van ’n hangende hofstryd tussen die skool en die ministerie terwyl hul klasmaats met graad 12 voortgaan.
“Die skool het geen inligting aan ons verskaf oor wat met die leerlinge gaan gebeur nie. Ons is deur Isak Hamatwi, die Ohangwena-onderwysdirekteur, opdrag gegee om aan te dring op antwoorde wat die onderwysministerie aan die skool verskaf het oor die bevindinge van die ondersoek. Hulle het egter vir ons gesê dit is vertroulik.”
So het een van die betrokke leerlinge se ouers, Ndahafa Nauyoma, gesê.
WAG REEDS DRIE MAANDE
Die leerlinge wat verlede jaar hul nasionale eksamen afgelê het, wag nou al drie maande op hul volledige uitslae.
Die uitslae van sekere vakke word van hulle weerhou en word met ’n Q-simbool gemerk, wat beteken dat daar nog op die uitslae gewag word.
Dit volg nadat die skool vir beweerde wanpraktyke tydens verlede jaar se graad 11 Nasionale Senior Sekondêre Sertifikaat Gewone Vlak (NSSCO)-eksamens ondersoek is.
Die uitvoerende direkteur van onderwys, Sanet Steenkamp, is gevra oor haar standpunt oor die leerlinge se uitstaande uitslae en of daar van leerlinge verwag word om die graad oor te doen as hulle die helfte van die jaar by die huis gesit het. Sy het egter gesê sy kan nie kommentaar lewer nie weens die hangende regsgeding.
“Ons verstaan die ouers is ongelukkig en wil nie die uitkomste aanvaar soos dit is nie. Ek kan nie oor daardie saak praat nie, want dit is nog hangend voor die prokureur. Ons sal eers die volledige verklaring kan verskaf sodra die saak afgehandel is,” het Steenkamp gesê.
GEEN INLIGTING
Nauyoma, wat namens die ouers gepraat het om hul griewe te lug, het gesê hul besoek aan die direkteur van onderwys in die Ohangwenastreek het aan die lig gebring dat die skool by twee afsonderlike geleenthede – Januarie en April – briewe van die onderwysministerie ontvang het, waarvan nie een se inhoud met die ouers gedeel is nie.
In ’n onlangse vergadering, wat Nauyoma weens werksverpligtinge nie kon bywoon nie, het die ouers vir haar gesê dat hulle steeds geen inligting oor die leerlinge se toekoms kon kry nie.
“Ons het gedink hulle het ons bymekaargeroep om uiteindelik vir ons te sê wat in die dokumente staan. Hulle het egter net gesê dit is wanpraktyke, maar kon nie bekend maak watter soort nie.
“Tot ons ontsteltenis het die skool N$2 000 van elke ouer versoek om te betaal vir die nuwe prokureur wat die saak hof toe neem,” het Nauyoma gesê en bygevoeg dat die skool glo N$171 000 vir die vorige prokureur betaal het.
Sy het verder gesê die skool het een keer die leerlinge versoek om skool toe te kom en appèlbriewe van die ministerie van onderwys te teken om met die hofsaak te help en blykbaar is die ouers nie om toestemming gevra nie. Volgens Nauyoma het die skool gesê die briewe se inhoud was net vir die leerlinge.
Toe hy genader is vir kommentaar oor hoekom die skool geweier het om antwoorde van die onderwysministerie te verskaf, het die skooldirekteur, Shingirai Mbuzi, gesê hulle is bekommerd dat die ouers die dokumente op sosiale media sal versprei.
“Dit sal die beeld van die skool en gevolglik die onderwysministerie skend,” het Mbuzi gesê.
POGINGS TOT SELFDOOD
Volgens bronne het twee van die betrokke leerlinge probeer om selfdood te pleeg.
Nauyoma het bevestig dat die kwessie sy tol op ouers en leerlinge eis.
“Ons is tans in ’n dilemma. Ons kinders is depressief. Ons moes hulle na maatskaplike werkers neem vir berading, want dit het ’n groot impak op hulle. Hulle het tans geen idee wat die toekoms vir hulle inhou nie.”
– [email protected]
Dié kwessie handel oor 26 graad 11-leerlinge van die Privaatskool Savo Nuts wat wag op die uitspraak van ’n hangende hofstryd tussen die skool en die ministerie terwyl hul klasmaats met graad 12 voortgaan.
“Die skool het geen inligting aan ons verskaf oor wat met die leerlinge gaan gebeur nie. Ons is deur Isak Hamatwi, die Ohangwena-onderwysdirekteur, opdrag gegee om aan te dring op antwoorde wat die onderwysministerie aan die skool verskaf het oor die bevindinge van die ondersoek. Hulle het egter vir ons gesê dit is vertroulik.”
So het een van die betrokke leerlinge se ouers, Ndahafa Nauyoma, gesê.
WAG REEDS DRIE MAANDE
Die leerlinge wat verlede jaar hul nasionale eksamen afgelê het, wag nou al drie maande op hul volledige uitslae.
Die uitslae van sekere vakke word van hulle weerhou en word met ’n Q-simbool gemerk, wat beteken dat daar nog op die uitslae gewag word.
Dit volg nadat die skool vir beweerde wanpraktyke tydens verlede jaar se graad 11 Nasionale Senior Sekondêre Sertifikaat Gewone Vlak (NSSCO)-eksamens ondersoek is.
Die uitvoerende direkteur van onderwys, Sanet Steenkamp, is gevra oor haar standpunt oor die leerlinge se uitstaande uitslae en of daar van leerlinge verwag word om die graad oor te doen as hulle die helfte van die jaar by die huis gesit het. Sy het egter gesê sy kan nie kommentaar lewer nie weens die hangende regsgeding.
“Ons verstaan die ouers is ongelukkig en wil nie die uitkomste aanvaar soos dit is nie. Ek kan nie oor daardie saak praat nie, want dit is nog hangend voor die prokureur. Ons sal eers die volledige verklaring kan verskaf sodra die saak afgehandel is,” het Steenkamp gesê.
GEEN INLIGTING
Nauyoma, wat namens die ouers gepraat het om hul griewe te lug, het gesê hul besoek aan die direkteur van onderwys in die Ohangwenastreek het aan die lig gebring dat die skool by twee afsonderlike geleenthede – Januarie en April – briewe van die onderwysministerie ontvang het, waarvan nie een se inhoud met die ouers gedeel is nie.
In ’n onlangse vergadering, wat Nauyoma weens werksverpligtinge nie kon bywoon nie, het die ouers vir haar gesê dat hulle steeds geen inligting oor die leerlinge se toekoms kon kry nie.
“Ons het gedink hulle het ons bymekaargeroep om uiteindelik vir ons te sê wat in die dokumente staan. Hulle het egter net gesê dit is wanpraktyke, maar kon nie bekend maak watter soort nie.
“Tot ons ontsteltenis het die skool N$2 000 van elke ouer versoek om te betaal vir die nuwe prokureur wat die saak hof toe neem,” het Nauyoma gesê en bygevoeg dat die skool glo N$171 000 vir die vorige prokureur betaal het.
Sy het verder gesê die skool het een keer die leerlinge versoek om skool toe te kom en appèlbriewe van die ministerie van onderwys te teken om met die hofsaak te help en blykbaar is die ouers nie om toestemming gevra nie. Volgens Nauyoma het die skool gesê die briewe se inhoud was net vir die leerlinge.
Toe hy genader is vir kommentaar oor hoekom die skool geweier het om antwoorde van die onderwysministerie te verskaf, het die skooldirekteur, Shingirai Mbuzi, gesê hulle is bekommerd dat die ouers die dokumente op sosiale media sal versprei.
“Dit sal die beeld van die skool en gevolglik die onderwysministerie skend,” het Mbuzi gesê.
POGINGS TOT SELFDOOD
Volgens bronne het twee van die betrokke leerlinge probeer om selfdood te pleeg.
Nauyoma het bevestig dat die kwessie sy tol op ouers en leerlinge eis.
“Ons is tans in ’n dilemma. Ons kinders is depressief. Ons moes hulle na maatskaplike werkers neem vir berading, want dit het ’n groot impak op hulle. Hulle het tans geen idee wat die toekoms vir hulle inhou nie.”
– [email protected]
Kommentaar
Republikein
Geen kommentaar is op hierdie artikel gelaat nie