Rundu-skool se toilette met wurms besmet
Leerlinge, onderwysers is keelvol
Watertoevoer na die skool is glo ook 'n probleem wat meebring dat die toilette nie behoorlik kan spoel nie.
Onderwysers en leerlinge by ’n skool op Rundu sê hul klagtes oor die onhigiëniese en gevaarlike toestande by hul skool se toiletgeriewe het tot dusver dadels van gekom.
Dié toestande kom glo voor by die Primêre Skool Keehemu – wat onlangs in Jafet Haiyambo en Hompa Sophia Mundjembwe verdeel is – en ’n ingeligte bron meen die situasie is ondraaglik.
“Sedert verlede September het die situasie aansienlik vererger. Nou is daar wurms in die toiletbakke en die watertoevoer na die skool is ook ’n probleem wat meeding dat die toilette nie behoorlik kan spoel nie.
“Talle pogings om die streekkantoor se aandag te kry, was tevergeefs. Ons pogings het geen resultate gelewer nie en ons is bloot na die ministerie van werke en vervoer verwys,” het die bron gesê, wat verkies om anoniem te bly.
Die bron verduidelik verder dat die twee skole meer as 80 personeellede het en hoewel die skool op papier geskei is, deel hulle steeds dieselfde perseel wat ’n swaar las op die beperkte toiletgeriewe plaas.
Nog ’n bron na aan die skool het daarop gewys dat die teenwoordigheid van wurms in die toiletbakke ’n ernstige gesondheidsrisiko inhou. Die skool se bestuur is egter glo nie bekommerd oor die situasie nie en glo dat die leerlinge nie ernstige gevolge sal ly nie.
“Ondanks die feit dat hierdie kommer herhaaldelik tydens personeelinligtingsessies geopper is, word ons griewe van die hand gewys.
“Dit blyk dat daar eers opgetree sal word wanneer ’n leerling ernstige gesondheidskomplikasies opdoen. Ons hoop deur hierdie saak na die media te bring, relevante belanghebbendes en owerhede kennis van die situasie sal neem.
“As die huidige toestand van die toilette ondersoek word, sal die skool waarskynlik gesluit word,” het die bron gesê.
Onderwysers het glo opgemerk dat verteenwoordigers van die ministerie verlede jaar die perseel besoek en geringe instandhouding uitgevoer het. Hulle meen egter dat toestande sedertdien vererger het.
BEWUS VAN SITUASIE
Die waarnemende direkteur van onderwys in die streek, Emilie Sitentu, het Woensdag erken hulle is bewus van die situasie.
“Ons het die verslag Dinsdagmiddag ontvang en ons inspekteurs is vanoggend gestuur om die situasie te beoordeel.
“Vir nou wag ons vir hul verslag. Ek verstaan ook dat die dorpsraad Dinsdag of Woensdag by die skool sal wees om die situasie te ondersoek.
“Dit blyk daar is lae waterdruk, maar ons het inspekteurs gestuur terwyl ons wag vir verdere inligting,” het Sitentu gesê.
Die streekvoorsitter van die Namibië Nasionale Onderwysersunie (Nantu) in die Kavango-Oosstreek, Peter Kashumali, het ook gesê hulle wag nog vir ’n verslag oor die toestande.
“Ek het net ’n paar foto’s gesien. Ek sal alles hersien sodra ek die volledige verslag ontvang het en dan bepaal watter stappe om te doen.
“Dit is hoofsaaklik die minister of streekdirektoraat wat moet optree,” het hy gesê.
Volgens hom het hulle verskeie skole besoek tydens hul laaste ronde van besoeke, naamlik Ndama JP, Kaisosi, Sarsungu, Sophia Mundjembwe en Jafet Haiyambo. Hulle het ook die skool Ndama besoek wat hulle gesluit het.
“Ons het teruggekeer om te sien of enige stappe gedoen is ná ons vorige besoek. Ongelukkig is die verslag vir Jafet Haiyambo taamlik negatief.
“Ek wag vir my kollega om al die besonderhede aan my te verskaf sodat ons kan besluit of ons nog ’n sluiting sal aanbeveel of ander stappe sal neem," het hy bygevoeg.
– [email protected]
Dié toestande kom glo voor by die Primêre Skool Keehemu – wat onlangs in Jafet Haiyambo en Hompa Sophia Mundjembwe verdeel is – en ’n ingeligte bron meen die situasie is ondraaglik.
“Sedert verlede September het die situasie aansienlik vererger. Nou is daar wurms in die toiletbakke en die watertoevoer na die skool is ook ’n probleem wat meeding dat die toilette nie behoorlik kan spoel nie.
“Talle pogings om die streekkantoor se aandag te kry, was tevergeefs. Ons pogings het geen resultate gelewer nie en ons is bloot na die ministerie van werke en vervoer verwys,” het die bron gesê, wat verkies om anoniem te bly.
Die bron verduidelik verder dat die twee skole meer as 80 personeellede het en hoewel die skool op papier geskei is, deel hulle steeds dieselfde perseel wat ’n swaar las op die beperkte toiletgeriewe plaas.
Nog ’n bron na aan die skool het daarop gewys dat die teenwoordigheid van wurms in die toiletbakke ’n ernstige gesondheidsrisiko inhou. Die skool se bestuur is egter glo nie bekommerd oor die situasie nie en glo dat die leerlinge nie ernstige gevolge sal ly nie.
“Ondanks die feit dat hierdie kommer herhaaldelik tydens personeelinligtingsessies geopper is, word ons griewe van die hand gewys.
“Dit blyk dat daar eers opgetree sal word wanneer ’n leerling ernstige gesondheidskomplikasies opdoen. Ons hoop deur hierdie saak na die media te bring, relevante belanghebbendes en owerhede kennis van die situasie sal neem.
“As die huidige toestand van die toilette ondersoek word, sal die skool waarskynlik gesluit word,” het die bron gesê.
Onderwysers het glo opgemerk dat verteenwoordigers van die ministerie verlede jaar die perseel besoek en geringe instandhouding uitgevoer het. Hulle meen egter dat toestande sedertdien vererger het.
BEWUS VAN SITUASIE
Die waarnemende direkteur van onderwys in die streek, Emilie Sitentu, het Woensdag erken hulle is bewus van die situasie.
“Ons het die verslag Dinsdagmiddag ontvang en ons inspekteurs is vanoggend gestuur om die situasie te beoordeel.
“Vir nou wag ons vir hul verslag. Ek verstaan ook dat die dorpsraad Dinsdag of Woensdag by die skool sal wees om die situasie te ondersoek.
“Dit blyk daar is lae waterdruk, maar ons het inspekteurs gestuur terwyl ons wag vir verdere inligting,” het Sitentu gesê.
Die streekvoorsitter van die Namibië Nasionale Onderwysersunie (Nantu) in die Kavango-Oosstreek, Peter Kashumali, het ook gesê hulle wag nog vir ’n verslag oor die toestande.
“Ek het net ’n paar foto’s gesien. Ek sal alles hersien sodra ek die volledige verslag ontvang het en dan bepaal watter stappe om te doen.
“Dit is hoofsaaklik die minister of streekdirektoraat wat moet optree,” het hy gesê.
Volgens hom het hulle verskeie skole besoek tydens hul laaste ronde van besoeke, naamlik Ndama JP, Kaisosi, Sarsungu, Sophia Mundjembwe en Jafet Haiyambo. Hulle het ook die skool Ndama besoek wat hulle gesluit het.
“Ons het teruggekeer om te sien of enige stappe gedoen is ná ons vorige besoek. Ongelukkig is die verslag vir Jafet Haiyambo taamlik negatief.
“Ek wag vir my kollega om al die besonderhede aan my te verskaf sodat ons kan besluit of ons nog ’n sluiting sal aanbeveel of ander stappe sal neem," het hy bygevoeg.
– [email protected]
Kommentaar
Republikein
Geen kommentaar is op hierdie artikel gelaat nie