Rundu-skool word ondersoek oor onverklaarde N$290 000

Die Sekondêre Skool Dr. Romanus Kampungu op Rundu het onder kritiek deurgeloop omdat die skool nie 'n gedetailleerde verslag oor sowat N$300 000 se uitgawes verskaf het nie, soos aangedui in sy finansiële verslag vir Junie tot Desember 2023.

Volgens besorgde ouers en onderwysers was die verslag, wat vroeër vanjaar aan ouers voorgelê is, nie duidelikheid nie, wat bekommernisse en eise vir ’n gedetailleerde verslag uitgelok het.

’n Onderwyser, wat verkies het om anoniem te bly, het aan Republikein se Namibian Sun gesê dat een van die ouers tydens 'n ouervergadering in Februarie gevra het hoekom so ’n groot bedrag onder een kategorie aangemeld is terwyl die ander uitgawes afsonderlik uiteengesit is.

“Boonop is die vakansieklasse in 2023 deur die ministerie van onderwys, kuns en kultuur gereël, en geen leerlinge van die skool het dit bygewoon nie.

“Die ministerie het die onderwysers wat gedurende die vakansie gewerk het se geld direk aan hulle betaal. Die ouer het ook bevraagteken hoe ’n surplus, wat gewoonlik as ’n wins beskou word, as ’n uitgawe aangedui is. Verder was die omvang van ‘ander dienste’ onduidelik,” het hy gesê

“In reaksie op hierdie vrae het die skoolhoof belowe om 'n meer gedetailleerde verslag oor die besteding te verskaf. ’n Verslag is egter nog nie aan die ouers verskaf nie. ’n Onderwyser by die skool het ook terugvoering oor die besteding gevra, maar geen verslag is verskaf nie,” het die onderwyser bygevoeg.

Nog ’n onderwyser het ook frustrasie oor die kwessie uitgespreek en gesê dat as die skool betalings aan instellingswerkers (institution workers) maak, moet hulle bekend maak hoeveel bestee is.

“N$290 000 kan nie net aan instelling se werkers wees nie, wat nog te sê gedurende ’n vakansie.

“Ook, as jy na die surplus kyk, wat is die definisie van ’n surplus? In rekeningkundige terme is ’n surplus die geld wat oorbly, nie die geld wat bestee word nie. So hoe is dit moontlik dat dit as ’n surplus aangedui word?

“En dan, wat bedoel jy met bykomende fondse? Hoe kan jy bykomende fondse bestee? Die rede waarom ons 'n volledige verslag wil hê, is vir 'n verduideliking van hoe die vakansieklas met die N$290 000 bestuur is.

“Na watter surplus verwys hulle en watter bykomende fondse is gebruik? In die uitgawekolom word hierdie bedrag gespesifiseer, wat ek glo nie feitelik is nie, tensy dit in die staat bewys word,” het hy gesê.

“Hoe is dit regverdig vir ’n hoof van ’n hoërskool om vir ouers te jok? Dit wil voorkom of hulle ons vir die gek hou. Hoe kan jy vir mense sê dis ’n surplus, bykomende fondse en ’n vakansie wat nou onder uitgawes gelys is?

“Die ministerie van onderwys het die vakansie[skool] voorsien, en ek is vol vertroue dat u by die ministerie kan navraag doen en hulle sal dit bevestig. Onderwysers is gevra om hul werknemerskaarte te verskaf en alles wat deur die ministerie betaal moet word. So waaraan is hierdie N$290 000 bestee?” het hy bevraagteken.

Die streekdirekteur van Kavango-Oos, Christine Silima, het aan Namibian Sun gesê dat skole tans gesluit is, wat dit moeilik maak om ’n oudit uit te voer.

“Ek sal egter die hoofrekenmeester van die skole wat verlede jaar geoudit is, vra. Hulle neem gewoonlik ’n voorbeeld (sample), sodat ek kan vasstel of hulle die Sekondêre Skool Dr. Romanus Kampungu geoudit het,” het sy gesê en belowe om terugvoer oor die saak te gee.

Shilima het ook bevestig dat die ministerie wel onderwysers gedurende die vakansie betaal het en nie die skole nie.

“Dit was moeilik vir die onderwysers, en dit was ons verantwoordelikheid om hulle gedurende die vakansie te betaal, nie die skole nie,” het sy verduidelik.

Die skoolhoof, Thomas Zokka, kon nie vir kommentaar bereik word nie.

Die voorsitter van die skoolraad – wat slegs as Nambase geïdentifiseer kon word – het gesê die skool is gesluit en die saak kan wag tot die skool heropen.

– [email protected]