Skole in Omusati het nie boeke

Kenya Kambowe – “Ek is baie trots daarop dat die goewerneur [Erginus Endjala] ’n sterk standpunt ingeneem het. Hulle moet voortgaan om te ondersoek hoekom ons sulke hoë vlakke van ondoeltreffendheid en interne onenigheid het [wat] nie toelaat dat hierdie prosesse vorentoe beweeg nie.”So het die uitvoerende direkteur van onderwys, kuns en kultuur, Sanet Steenkamp, gesê oor die interne ondoeltreffendheid by die Omusati-streekraad se onderwysdirektoraat wat daartoe gelei het dat skole in dié streek nie boeke het nie en dit gevolglik doeltreffende onderrig belemmer.GOEWENEUR MAAK STEM DIKSteenkamp het gereageer op navrae oor die kwessie ná die goewerneur in die Omusatistreek, Erginus Endjala, verlede week tydens ’n vergadering met belanghebbendes daarop gewys het dat ouers kla omdat hulle kinders nie boeke het nie. Die kinders kan glo nie aantekeninge neem nie omdat hulle nie boeke van die skool, insluitende handboeke, ontvang het nie.“’n Ouer van Oshitayi het na my kantoor gekom. Haar kind het blykbaar nie opsommings gemaak nie omdat hulle nie oefenboeke gekry het nie en hulle kan nie bekostig om dit te koop nie,” het Endjala gesê.“Nou gaan ons in die derde maand in en daar [is] geen oefenboeke by skole nie. Selfs handboeke. Hoeveel maande is oor voor die eksamens?”Endjala het daarom aangedring om te weet wat verkeerd geloop het.“Dis nie ’n kwessie van geld nie. Dit is wat ons wanpraktyke noem wanneer dit kom by die hantering van die regering se finansies,” het hy gesê.Endjala het beweer dat sommige skoolhoofde en belanghebbendes in die direktoraat met maatskappye saamwerk om die pryse van items op te stoot en na bewering die winste daarna onder mekaar te verdeel. Volgens hom het die Teenkorrupsiekommissie van Namibië (ACC) ’n ondersoek van stapel gestuur.‘FRUSTREREND’Steenkamp het by navraag vir kommentaar gesê haar kantoor is bewus van die situasie en het bygevoeg dat sy bly is Endjala het oor die kwessie gepraat.“Dit was ’n frustrerende proses in Omusati met die streekraad en ek was baie bly om te sien dat die goewerneur homself baie sterk uitgespreek het oor wat in die raad aan die gang is.”Sy het benadruk dat die finansiering reeds in Junie 2023 na die streek gestuur is tesame met duidelike instruksies oor hoe om die skryfbehoeftes aan te koop.“Dit is duidelik dat die direktoraat volle verantwoordelikheid moet aanvaar vir [sy] mislukking en die interne ondoeltreffendheid in [sy] eie stelsel. Die tyd is verby om ander te blameer nie. My instruksies aan die direkteur was baie duidelik,” het Steenkamp gesê. – republikein@republikein.com.na

Skole in Omusati het nie boeke

Kommentaar

Republikein 2025-04-08

Meld asseblief aan om kommentaar te lewer

Skole in Omusati het nie boeke

Kommentaar

Republikein 2025-04-08

Meld asseblief aan om kommentaar te lewer

MELD AAN

Advertensie