Skoolbanke vir twee ||Kharasskole

As deel van sy deurlopende verbintenis tot die verbetering van opvoedkundige infrastruktuur, het die Old Mutual-stigting 100 splinternuwe skoolbanke en stoele aan die Aussenkehr Primêre Skool in die ||Kharasstreek geskenk en nog 80 van die Kaitsi!gubeb Gekombineerde Skool op Berseba gerestoureer. Die skoolbank-en-stoel-inisiatief is in 2023 van stapel gestuur en het ten doel om die gaping in klaskamer-infrastruktuur te oorbrug deur broodnodige meubels aan skole oraloor Namibië te verskaf. Die program het 12 skole in ses streke in Namibië – Kunene, Zambezi, Omaheke, ||Kharas, Oshana en Erongo – bygestaan om te verseker dat meer leerlinge toegang tot ’n bevorderlike leeromgewing het.Die stigting se bemarkingsbestuurder, Ashante Manetti, het beklemtoon dat die belegging ’n werklike verskil in die lewens van leerlinge maak en sal voortgaan met sy pogings om onderwys landswyd te ondersteun. “By Old Mutual glo ons dat elke kind ’n gemaklike en goed toegeruste klaskamer verdien om hul leerreis te ondersteun.”Die stigting bedank die Okakarara-beroepsopleidingsentrum vir hul vennootskap om hierdie inisiatief ’n sukses te maak. – republikein@republikein.com.na

Skoolbanke vir twee ||Kharasskole

Kommentaar

Republikein 2025-03-06

Meld asseblief aan om kommentaar te lewer

Skoolbanke vir twee ||Kharasskole

Kommentaar

Republikein 2025-03-06

Meld asseblief aan om kommentaar te lewer

MELD AAN

Advertensie